Спорт
20 илјади фанови на Барса му посакаа добредојде на Де Јонг (галерија)

Новото засилување на Барселона, Френки де Јонг беше пречекан од 20-тина илјади навивачи на „Ноу Камп“, шест месеци откако се согласи на трансфер вреден 75 милиони евра од Ајакс кај шпанските шампиони.
22-годишниот Холанѓанец постојано го бакнуваше грбот на клубот додека беше на теренот откако претходно призна дека му се остварил сонот од детството.
„Да се носи дресот на Барселона првпат ме прави да се чувствувам многу горд“, изјави Де Јонг.
Тој беше клучен фудбалер на Ајакс, кои минатата сезона ја освоија двојната титула во Холандија, а ги елиминираа и Реал Мадрид и Јувентус на патот до полуфиналето во Лигата на шампионите (каде што загубија од Тотенхем).
Де Јонг, кој потпиша петгодишен договор ја засилува врската на Барса со холандскиот фудбал, која започна во 1973 година со потписот со Јохан Кројф, човекот кој го смени клубот како фудбалер и како тренер.
De Jong with some skills at Camp Nou. Must be such a relief to get through this without messing up! pic.twitter.com/DRWyKtbcBE
— Ben Hayward (@bghayward) July 5, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.