Спорт
Ван Гал е убеден дека СП било наместено за да го освои Меси

Трофејниот тренер Луис ван Гал тврди дека минатогодишниот резултат на Светското првенство во Катар бил осмислен да му помогне на Лионел Меси конечно да го освои трофејот.
Меси стигна до својата прва и ја предводеше Аргентина до трета титула на Светското првенство во декември 2022 година.
Напаѓачот постигна два гола во финалето за да и помогне на јужноамериканската нација да ја победи Франција со 4-2 на пенали на стадионот Лусаил.
36. годишникот исто така и помогна на Аргентина да ја победи Холандија, чии селектор беше токму Ван Гал, во четврт-финалето, постигнувајќи гол пред да ја одведе својата земја до победа од 4-3 на пенали.
Ван Гал, кој поднесе оставка од селекторската функција по испаѓањето на Холандија од Светското првенство.
„Не сакам да зборувам многу за тоа. Кога ќе видите како Аргентина ги постигна своите голови и како ние ги постигнавме нашите голови и како некои играчи на Аргентина ја минаа линијата и не беа казнети, тогаш мислам дека сето тоа беше однапред смислена игра“, рече Ван Гал.
Новинарот побара од него да појасни што точно мисли.
„Го мислам она што го кажувам“, додаде Холанѓанецот.
Новинарот уште еднаш праша дали целта била Меси да стане светски првак?
„Мислам дека да. Да“, заклучи Ван Гал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола: Барселона? Таа приказна е завршена

Пеп Гвардиола импресивната тренерска кариера ја започна во Барселона. Најпрвин како тренер на Б тимот, а потоа го презеде првиот тим. Три години неговата Барселона доминираше во Европа.
Гвардиола ја напушти Барселона во 2012 година, се пресели во Баерн, а потоа во Манчестер сити.
Изминатите години често го прашуваа дали некогаш ќе се врати на „Ноу Камп“.
„Таа приказна е завршена. Засекогаш е ставен крај. Беше прекрасно, но заврши и нема да се случи повторно“, рече Гвардиола.
Исто така, покрај враќањето во Барселона, искусниот Шпанец зборуваше и за Ламин Јамал и споредбите на младата ѕвезда со Лионел Меси.
„Треба да го оставиме Ламин Јамал да си го гради својот пат и само кога ќе игра 15 години тогаш ќе можеме да кажеме дали е подобар од Меси или не“, рече Гвардиола и дополни.
„Фактот дека веќе го споредуваат со Меси е голема работа. Но, тоа е како да споредувате сликар кој штотуку почнува со Ван Гог.“
Foto/ EPA
Спорт
Виса започна штрајк, бара Бренфорд да ја прифати понудата од Њукасл

Фудбалерот на Брентфорд, Јоан Виса, е незадоволен бидејќи клубот одбива да го продаде на Њукасл, објави дека нема да тренира ниту да игра додека не се заврши трансферот.
Брентфорд е решен да го задржи Виса, додека Тотенхем, Нотингем Форест и Њукасл покажаа интерес за напаѓачот.
Њукасл е во незавидна ситуација, откако Александар Исак побара трансфер. „Страчките“ се во потрага по засилувања во нападот. Наводно ако Исак замине на неговото место ќе дојде Бенјамин Шешко од Лајпциг. За посилен напад Њукасл го сака и Виса за чии услуги понуди 25 милиони фунти. Проблем е што Брентфорд бара двојно поголема сума.
Виса е многу разочаран бидејќи му било ветено дека ќе може да си замине ова лето, а Њукасл е неговата претпочитана дестинација поради учеството во Лигата на шампионите.
Извор од „Скај Спортс“, сепак, негира дека постои таков договор помеѓу 28-годишникот и Брентфорд.
Главниот тренер на Брентфорд, Кит Ендрус, изјави во саботата дека очекува Виса да се придружи на подготовките во наредните денови.
Напаѓачот има уште една година од договорот, а клубот може да ја активира опцијата за продолжување на договорот за уште 12 месеци.
Визс постигна 18 гола и имаше шест асистенции минатата сезона – само крилниот напаѓач Брајан Ембеумо беше поефикасен од него.
Брентфорд веќе го продаде Ембеумо на Манчестер јунајтед, а клубот го напуштија и неодамнешниот тренер Томас Франк (Тотенхем), капитенот Кристијан Норгард (Арсенал) и голманот Марк Флекен (Баер Леверкузен).
Спорт
ПСЖ нема да дозволи уште еден „случај Мбапе“, експресно најде нов голман

Шампионот на Франција и Европа, Пари Сен Жермен, испрати официјална понуда за голманот на Лил, Лукас Шевалие.
Финалистот од Светското клупско првенство на ФИФА бара засилување на оваа позаиција поради неизвесноста околу иднината на Џанлуиџи Донарума, објави „Лекип“.
Наводно, ПСЖ веќе постигнал договор со Шевалие за петгодишен договор и останува да се договори со Лил за обештетувањето. Лил инсистира на обештетување од најмалку 40 милиони евра, сума што „Светците“ се подготвени да ја платат. Првата понуда е малку помалку профитабилна од посакуваната.
Лил веќе се подготвува за можноста да остане без својот прв голман и бара нов голман.
Потенцијалниот трансфер на Шевалие во Париз е тесно поврзан со судбината на Донарума, чиј тековен договор важи до јуни 2026 година.
Непродуктивните преговори за продолжување на соработката и желбата да се избегне сценарио слично на бесплатниот трансфер на Килијан Мбапе го натераа ПСЖ на експресна реакција и ангажман на нов голман.
Според медиумите, Манчестер јунајтед и Челзи се заинтересирани за Донарума, а интерес покажува и Галатасарај.
Шевалие се етаблираше како еден од најдобрите млади голмани во Европа и неодамна беше прогласен за голман на годината во Лига 1 за сезоната 2024/25.
Доколку сè оди според планот во наредните недели, Шевалие ќе стане првото засилување на ПСЖ во летниот преоден рок.
Исто така, европските шампиони размислуваат да доведат и крилен напаѓач, а Родриго од Реал Мадрид се споменува како потенцијална цел.
Фото/ Принтскрин