Спорт
Црвена ѕвезда продаде уште еден играч, за пет милиони евра 18-годишниот Лазар Јовановиќ оди во ВФБ Штутгард

Белградска Црвена ѕвезда за пет милиони евра го продаде 18-годишниот Лазар Јовановиќ на ВФБ Штутгарт, кој игра на позицијата десно крило.
Јовановиќ за сениорскиот тим на поранешниот европски првак има одиграно само пет натпревари. Пролетва тој ја помина на позајмица во ОФК Белград и во 15 настапи постигна четири гола со што ги заинтересира европските клубови, а Штутгарт беше најбрз.
Лазар е син на иконата на српскиот фудбал, Милан “Лане” Јовановиќ, кого многумина го паметат од Ливерпул, но најмногу по голот на Светското првенство 2010. година против Германија, кога за време на славењето пропадна во канал под трибината.
И пред дев години Црвена ѕвезда продаде двајца 18-годишни играчи.
Јован Мијатовиќ замина за осум милиони евра во Њујорк, а Коста Неделковиќ за 7.6 милиони во Астон Вила.
Во клубот се уште игра Андрија Максимовиќ, кој минатиот месец наполни 18 години, а го проценија на 15 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кадилак го потврди и Серхио Перез

Кадилак од наредната сезона ќе се натпреварува во шампионатот на Формула 1. Минатата недела тимот го потврди дека еден од возачите ќе биде Валтери Ботас, а денес потврда дојде и за Серхио Перез.
Мексиканецот и Финецот имаат многу искуство зад себе, бидејќи во својата богата кариера возеа и за Ред Бул и за Мерцедес во своите најдобри сезони. Ова ќе биде интересен тим, бидејќи за прв пат ќе имаат можност да се борат за статусот на прв возач, што не беше можно ниту за Перез поради Ферстапен, ниту за Ботас поради Хамилтон.
„Потпишувањето на овие двајца возачи е голем чекор за овој нов тим. Сите ги познаваат, додека тие знаат како да бележат одлични резултати во Формула 1“, соопштија од Кадилак.
Од следната сезона, Формула 1 ќе претрпи големи промени, буквално „најбрзиот циркус“ ќе влезе во нова ера, со нов тим во името на Кадилак, кој ќе настапува во докажан состав.
Серхио Перез не е во караванот на Формула 1 оваа сезона, додека Валтери Ботас е трет возач во тимот на Мерцедес.
Спорт
Гвардиола има план како да му го украде Гуеи на Ливерпул

Пеп Гвардиола наредил, а Манчестер сити ќе се обид ви финишот на преодниот рок да го реализира трансферот на Марк Гуеи. Капитенот на Кристал Палас, чии договор истекува на крајот од сезоната, цело лето се поврзува со Ливерпул.
Гвардиола сака да ги има Гуеи во составот, откако е извесни дека ќе остане без двајца централни дефанзивци. Нејтан Аке има понуда од Евертон, а за Мануел Аканџи Галатасарај истпари понуда.
Токму Аканџи треба да биде клучот за преселбата на Гуеи во Сити. „Граѓаните“ се подготовени да понудат одредена сума на пари и да го испратат Аканџи во Кристал Палас во замена за нивниот капитен и стандарден репрезентативец на Англија.
Фото/ Принтскрин
Спорт
Мијатовиќ: Винисиус не заслужува да го носи дресот на Реал

Предраг Мијатовиќ, стрелецот на голот во 1995 година со кој Реал по 30 години пауза стана европски првак, жестоко го критикуваше Винисиус Жуниор. Актуелниот потпретседател на фудбалскиот клуб Партизан, рече дека Бразиелцот не заслужува да го носи дресот на Реал.
Реал во неделата, победи во Овиедо со 3:0. Два од трите гола Реал постигна во самиот финиш на мечот. Еден постигна Винисиус, но медиумите во Шпанија по мечот повеќе пишуваа за однесувањето на Бразилецот, отколку за она што го покажа на теренот.
„Некои работи не се менуваат. Сметам дека со однесувањето не заслужува да го носи дресот на Реал Мадрид. Се мотивира така што се расправа со сите. Тој е исклучителен фудбалер, но мора внимателно да процените дали вреди да се биде во клубот“, рече Мијатовиќ.
Фото/ Принтскрин