Спорт
5.000 Германци без билети пристигнале во Марсеј
Илјада жандарми и полицајци се мобилизирани во Марсеј по повод натпреварот што локалниот Олимпик во вторник ќе го одигра против Ајнтрахт Франкфурт во Лигата на шампионите.
Се очекува во градот да пристигнат најмалку 8.000 германски навивачи, поради што илјада жандарми и полицајци се распоредени низ градот, дознава Франс прес од полицијата во Марсеј.
Навивачите на Ајнтрахт и Олимпик од понеделникот се баркаа во градот, а на крајот на вечерта дојде до тепачка помеѓу дваесетина навивачи.
Уапсени се осум лица, меѓу кои и германски навивачи, од кои повеќето поради носење оружје, се наведува.
Се очекува стадионот „Велодром“ да биде полн со околу 62.000 луѓе, меѓу кои и 3.300 гостински навивачи.
Локалните власти проценуваат дека ќе се појават уште 5.000 навивачи на Ајнтрахт кои немаат билети, а градските власти им забраниле на германските навивачи да се движат во центарот на градот.
Раководството на Олимпик за натпреварот ангажираше 1.200 стјуарди, а на трибините ќе бидат присутни околу 40 стјуарди од Германија.
Минатата сезона на „Велодром“ се случија неколку инциденти на натпреварите против Галатасарај, Базел, ПАОК и Феенорд.
Минатата недела имаше тепачка меѓу навивачите на Ница и Келн во Конференциската лига, која повторно го отвори прашањето за безбедноста на фудбалските натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.
Спорт
(Видео) Барцокас и Шарас за малку ќе се степаа
Јоргос Барцкокс и Шарунас Јасикевичиус, тренерите на Олимпијакос и Фенербахче, на крајот од натпреварот, кој му припадна на Фенербахче (82:71) имаа жесток вербален дуел.
Целата мешаница започна откако се поздравија на крајот од натпреварот.
Стратегот на Олимпијакос збесна, влезе во вербална расправија со Литванецот, кој не му остана должен.
Паднаа тешки зборови, се создаде голема гужва, но немаше хаос од големи размери.
Šarūnas Jasikevičius.
Mourinho şu sekansı izlerken mest olmuştur. pic.twitter.com/PEyjkVOfsW
— Ozzy (@kanaryasoul) October 4, 2024
Двајцата тренери отидоа во соблекувалните. По натпреварот, Јоргос Барцокас разговараше со турски новинар во микс зоната и ја објасни ситуацијата од негова гледна точка.
„Пред да одиме би сакал да кажам нешто за однесувањето на противничкиот тренер. Што и да се случи на натпреварот, ние добивме по техничка грешка. На крајот отидов да му пружам рака и тој покажа тотално непочитување, ме нападна. Само сакам ова сите да го знаат“, рече Барцокас.
Спорт
Голем пресврт: казната е намалена, Пол Погба на терен веќе во март
Забраните за играње од четири години се намалени на 18 месеци. Вест на денот во европскиот фудбал! Пол Погба се враќа на терените за помалку од половина година.
Имено, првичната четиригодишна забрана за играње фудбал поради позитивен допинг тест, Меѓународниот спортски арбитражен суд ја намали на 18 месеци, пренесува Дејли Мејл.
Тоа значи дека од јануари францускиот играч ќе може да тренира со Јувентус, а од март повторно ќе има право да игра фудбал.