Спорт
Адетунџи со два гола се промовираше на Турците, Шкупи одигра 2:2 со Фенербахче
Македонскиот шампион, Шкупи двапати имаше водство, за на крајот да се задоволи со 2:2 реми со турскиот гигант Фенербахче во пријателски меч, во кој сите очи беа вперени во Сандеј Адетунџи, нигерискиот напаѓач кој наводно е пред трансфер токму во Фенер, според турските медиуми.
24-годишниот Адетунџи ја искористи својата шанса за да постигне два гола за Шкупи, двапати носејќи го скопскиот клуб до водство. Тој уште во 12. минута од мечот ги донесе Шкупи во водство, пред Фенер да израмни преку Бразилецот Линколн само три минути подоцна. Сандеј повторно „удри“ во 47. минута, пред Мухамед Гумускаја да израмни во 82. минута од мечот.
Според турските медиуми, Шкупи бара 2 милиони евра за трансфер на Адетунџи.
ÖZEL – Fenerbahçe'ye hazırlık maçında attığı gollerle dikkatleri üzerine çeken Sunday Adetunji transferin gözdesi çıktı https://t.co/ArlBH6lqvP
— SPOR (@yenisafakspor) June 22, 2022
GOL | Fenerbahçe 0-1 Shkupi (Hazırlık Maçı)
⚽️ 13'Mamadou Danfa
Maç Linki, Anlık goller ve önemli pozisyonlar için takip: @GoalHubTR pic.twitter.com/q6aCwG6HJB
— Anlık goller (@TransferHubTR) June 22, 2022
GOL | Fenerbahçe 1-1 Shkupi
⚽️ 16' Lincoln Henrique
Maç Linki, Anlık goller ve önemli pozisyonlar için takip: @GoalHubTR pic.twitter.com/VvkL4f17GJ
— Anlık goller (@TransferHubTR) June 22, 2022
GOL | Fenerbahçe 1-2 FC Shkupi
⚽ 47' Adetunji Sunday
Maç Linki, Anlık goller ve önemli pozisyonlar için takip: @GoalHubTR pic.twitter.com/yaP7LzN6RM
— Anlık goller (@TransferHubTR) June 22, 2022
GOL | Fenerbahçe 2-2 Shkupi
⚽️ 83' Muhammed Gümüşkaya
Maç Linki, Anlık goller ve önemli pozisyonlar için takip: @GoalHubTR pic.twitter.com/M3toMMEqDP
— Anlık goller (@TransferHubTR) June 22, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лил го декласира Динамо Загреб
Фудбалерите на Лил го победија Динамо Загреб со 4:0 во петтото коло од Лигата на Европа.
„Догите“, успеаја да го заборават поразот од Црвена звезда и да се вратат на победничкиот колосек во ова натпреварување.
Натпреварот мина во целосна доминација на францускиот тим. Интересно е што таа ги постигна првите два гола по контранапад.
Кај првиот гол, одбраната на Динамо реагираше лошо, Харалдсон го искористи подарокот, му асистираше на Кореја во шеснаесетникот, кој рутински го совлада Филиповиќ.
Нгал’Ајел Мукау го зголеми резултатот на 2:0 во 36-та минута. Домашниот тим лесно ја измами одбраната на Дианмо, а Мукау беше сосема сам пред голот по вратена топка од левата страна.
Во второто полувреме, Лил имаше серија шанси, а искористи две. Хамза Игамане прв постигна гол во 69-та минута. Харалдсон повторно беше во улога на асистент.
Конечните 4:0 ги постигна Бенџамин Андре во 86-та минута.
Динамо има седум бода по пет кола и моментално е на 18-то место, но би можел дополнително да падне на табелата по одигрувањето на вечерните натпревари од Лигата на Европа. Лил е седми со девет бода.
Спорт
(Видео) Обрадовиќ се врати во Белград – навивачите му приредија спектакуларен пречек на аеродромот
Бурни три дена се зад црно-белиот табор. Од катастрофата во Атина, поразот од Панатинаикос, преку оставката на Жељко Обрадовиќ, па сè до големото „Не“ од Управниот одбор на Партизан и притисокот врз клубит на социјалните медиуми со едно барање – Жоц да остане тренер на тимот.
Целата драма беше заокружена со голем пречек за најтрофејниот тренер на Стариот континент на аеродромот „Никола Тесла“.
Обрадовиќ, по поразот од Панатинаикос, во вторникот, остана во Атина. Вечерва се врати во Белград. На аеродромот се собраа, толку многу што беше невозможно да се помине низ толпата на платформата за пристигнување. Се пееја песни, а „Гробарите“ побараа Обрадовиќ да остане.
Колку интерес имаше, сведочи фактот дека според податоците на веб-страницата „Flight radar“, летот од Атина беше најгледан на целата планета.
Dešavanja sa beogradskog aerodroma oko 17.45, u iščekivanju Željka Obradovića! #ŽeljkoObradović #KKPartizan #Grobari pic.twitter.com/46IBDqgsrZ
— Mozzart Sport (@MozzartSport) November 27, 2025
Обрадовиќ не одговори на новинарски прашања, па затоа неговиот статус во Партизан сè уште не е целосно познат.
Следниот тренинг на Партизан е закажан за сабота, а клубот не работи на наоѓање замена бидејќи, како што е наведено, се концентрира на задржување на Обрадовиќ.
Foto/ Starsport
Спорт
Фермин ќе паузира две недели
Фудбалерот на Барселона, Фермин Лопез, ќе биде надвор од терените во следните две недели поради повреда на листот, десната нога, објави каталонскиот клуб.
22-годишниот играч од средниот ред, европски и олимписки шампион со Шпанија, се очекува да ги пропушти следните три натпревари на каталонскиот клуб во лигата против Алавес, Атлетико Мадрид и Бетис, а неговото враќање се очекува да биде во натпреварот од Лигата на шампионите против Ајнтрахт на 9 декември.
Откако ги повреди препоните на крајот на септември, тој се врати во тимот како плејмејкер пред сонародникот Дани Олмо. Тој постигна пет гола и четири асистенции во шест натпревари.
По поразот од 3:0 против Челзи во Лигата на шампионите, Барселона, која е втора во шпанското првенство со 31 бод, еден помалку од првопласираниот Реал, игра против Алавес во сабота.

