Спорт
Адвокатот на Марадона: Покрај толку пари, умре сам и напуштен, во празна куќа!
На судењето за утврдување одговорност за смртта на Диего Армандо Марадона, во судот во Буенос Аирес зборувал неговиот адвокат Матијас Морлa кој како сведок бил по барање на ќерките на „Ел Пибе“ – Далма и Џанина.
„Сето тоа беше една голема глупост. Прво, затоа што препораката на лекарите била Диего да не ја напушта клиниката по операцијата, а второ, затоа што на располагање на Диего му била празната куќа во Ла Плата, а тој на крајот завршил во некоја друга куќа во Тигре. Никако не смеел да ја напушти болницата, ако лекарите тоа го забранеа. Не се согласував да оди во таа друга куќа, и тоа му го реков. Почнаа да му покажуваат разни куќи, а мојата работа беше само да ги донесам парите сето тоа да се плати. Со парите кои ги имаше можеше да плати три доктори да се грижат за него секојдневно, а не да умре во празна куќа, сам и напуштен“ рекол адвокатот.
„Се се тоа катастрофални грешки, на крај срцето му експлодираше, беше оставен сам и незаштитен да се мачи“ заклучи Морлa.
Тој подвлече дека ќерките Далма и Џанина се одговорни за патењето на Диего, затоа што тие го одведоа од болницата.
„Ми се јави докторот на Клиниката и ми рече да разговарам со ќерките затоа што му рекле дека јас сум проблемот и јас се противам на одлуката да го пуштат од болницата“ вели адвокатот на Марадона.
Морла открил дека последен пат Диего го видел на 16. ноември минатата година во Тигре, неколку дена пред смртта.
„Ми делуваше свесно, а кога тргнав да си одам му реков `Ќе се видиме подоцна`. Го поздравив со раката, а тој ме зграпчи за рака, ме повлече кон себе и ми рече `Те сакам`. Тоа беше последен пат што го видов“ изјавил адвокатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.