Спорт
Агаси: Не жалам за работата со Новак, тој ќе ги сруши сите рекорди

Осумкратниот гренд-слем шампион Андре Агаси вели дека направил доволно да го „протресе кафезот“ за Новак Ѓоковиќ да почне да игра подобро.
Агаси беше заеднички тренер на Србинот покрај Радек Штепанек помалку од една година помеѓу 2017 и 2018 и минатиот март нивното партнерство заврши поради низа несогласувања во моменти кога Ѓоковиќ се враќаше на терените по сериозната повреда на лактот.
„Не, воошто не жалам, дури сум среќен. Му помогнав колку што можам бидејќи тенисот го заслужува тоа. Никогаш не се сомневав во тоа што тој може да го направи. Но, тогаш тој не беше здрав два дена во низа со својот лакт и мораше да оздрави. За разлика од мене кога играв, тој го сака тенисот, саска да игра и да трча и да се натпреварува“, вели Агаси.
По неговото заминување, Ѓоковиќ се врати со стариот ментор Маријан Вајда и освои три гренд-слем титули во низа, два мастерс 1000 турнири и се врати на првото место. Агаси вели дека сите рекорди ќе бидат во рацете на Србинот, ако тој тоа го посака.
„Јас сум од Лас Вегас, така што треба да се обложам нели? Би се обложил дека ќе има барем уште три години по две гренд-слем титули за да го помине Роџер Федерер на 20. Да, сега има деца и поинакви приоритети во животот, но ако тој го посака тоа, тогаш нема да има проблем“, додава Агаси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пјастри „за влакно“ го победи Норис за пол-позиција во Зандворт

Оскар Пјастри, лидерот во генералниот пласман во шампионатот на Формула 1, ја освои пол-позицијата пред трката за Големата награда на Холандија. Австралиецот во борбата за пол-позицијата го победи тимскиот колега Ландо Норис, кој доминираше на тренинзите и во првите два квалификациски сесии.
Пјастри ја освои пол-позицијата со најбрзиот круг во историјата на Зандворт, 1:08.662. Норис задоцни 12 илјадити делови од секундата зад тимскиот колега.
Вториот ред им припадна на Макс Ферстапен од Ред Бул и изненадувањето Исак Хаџар од Рејсинг булс.
Следуваат возачите на Мерцедес и Ферари, Џорџ Расел и Шарл Леклер. Следуваат Луис Хамилтон (Ферари), Лијам Лосон (Рејсонг булс) и Шпанците од Вилијамс и Астон Мартин, Карлос Саинц и Фернандо Алонсо.
Трката за Големата награда на Холандија, в недела ќе започне во 15 часот. Пјастри во генералниот пласман има девет поени повеќе од Норис.
Foto/ sportsorca.com
Спорт
(Видео) Челзи го победи Фулам – Гостите се жалат на судењето

Денот во Премиер лигата започна со победата на Челзи против Фулам, 2:0 (1:0). Ќе се анализира судењето на овој натпревар, впечаток е дека судијата два пати ги оштети Фулам.
Не започна добро за „сините“, веќе во 14-та минута Мареска беше принуден да направи замена бидејќи Делап се повреди, а потоа само седум минути подоцна Фулам постигна гол.
Марко Силва беше бесен. И со право, кога голот на Кинг беше поништен по долгата ВАР проверка поради ситуација која можеше, а и не мораше да се окарактеризира како фаул.
Гневот на Силва дополнително се зголеми во десетата (од предвидените осум) од судиското продолжение во првото полувреме кога Челзи успеа да ја пробие одбраната на Фулам и да поведе со 1:0 со голот на Жоао Педро кој беше најдобар во скокот по корнер.
Челзи изгледаше поопасно во текот на првиот дел од натпреварот, имаа неколку добри шанси, но Лено го спаси својот гол во два наврати. Нова нервоза за Фулам и Силва – пенал за Челзи во 56-та минута, кој Енцо Фернандез лесно го претвори во 2:0.
Челзи имаше уште неколку шанси подоцна, неколку интересни напади, а Фулам исто така се закани во неколку наврати, но без успех.
Foto/ EPA/DAVID CLIFF
Спорт
Демонстрација на сила – Германија ја декласира Литванија

Германската кошаркарска репрезентација ја декласираше Литванија со 107:88 во првиот меч од третата рунда на Европското првенство. Со три победи во првите три рунди, Германија веќе обезбеди пласман во осминафиналето.
Натпреварот во „Дек Арена“ во Тампере мина во апсолутна доминација на актуелниот светски шампион.
По Шведска и Црна Гора, Германците и против Литванија постигнаа преку 100 поени. Ова најдобро го отсликува офанзивниот потенцијал на Германците.
Натпреварот против Литванија на хартија беше дербито на денот, но на теренот тоа не беше ништо друго освен игра на мачка и глушец. Литванците имаа свои моменти со две серии (првата 9:0, втората 10:0), но двата налети на ривалите Германците нрутално ги одбија.
Германија денес постигна 19 тројки од 35 обиди.
Денис Шрудер постигна пет (од десет шута), вкупно 26 поени, и беше најефикасниот играч на натпреварот. Франц Вагнер ја потврди својата класа со 24 поени, 7 скока и 4 асистенции, а несѕтварен меч одигра Даниел Тајс.
Тајс шутираше 6/6 за два, 3/3 за три, 2//2 за еден поен, забележа и шест скока, имаше највисок индекс на корисност во натпреварот – 32.
Foto/ EPA/KIMMO BRANDT