Спорт
Ајакс сака да ги врати Тен Хаг и Тадиќ
Младиот италијански тренер, Франческо Фариоли, поднесе оставка откако на наверојатен начин остана без шампионскиот трофеј со Ајакс во националниот шампионат.
Откако Фариоли замина, гласни се шпекулациите дека Ајакс е подготвен да го врати Ерик Тен Хаг на „Јохан Кројф Арена“.
Вториот кандидат е младиот тренер на Го Ахед Иглс, Пол Симонис, кој му го донесе на клубот од Девентер холандскиот куп, односно му го донесе првиот трофеј во 122-годишната историја на клубот.
🚨⚪️🔴 #Ajax are now seriously considering Erik ten Hag, following Francesco Farioli’s decision to leave the club. Confirmed.
Paul #Simonis is another candidate.
Ten Hag is also on Bayer 04 Leverkusen’s list, as previously reported.@SkySportDE 🇳🇱 pic.twitter.com/ZTl2vrKYig
— Florian Plettenberg (@Plettigoal) May 19, 2025
Ерик Тен Хаг, искусен 55-годишен холандски тренер, кој со Ајакс три пати беше шампион на Холандија и двапати го освои националниот куп (KNVB), нема клуб откако беше отпуштен од Манчестер јунајтед.
Неодамна се појави вест дека тој би можел да го наследи Чаби Алонсо на клупата на Баер Леверкузен, но (не)планираната разделба со младиот италијански тренер широко ја отвори вратата за враќање на Тен Хаг во Амстердам, пишуваат холандските медиуми.
Останува да се види дали ова е реална опција во моментов, евентуалното враќање на Ерик Тен Хаг во Ајакс би било идеално во случај во клубот да се врати и Душан Тадиќ.
Српскиот фудбалер имаше извонреден однос со поранешниот менаџер на Манчестер јунајтед, тој беше главен диригент на тимот на Тен Хаг за време на неговиот мандат во Ајакс.
Во исто време, стигна и потврда дека една од причините за разделбата помеѓу Ајакс и Франческо Фариоли била токму враќањето на Тадиќ. Холандските медиуми објавуваат дека младиот италијански тренер не се согласил со намерата на спортскиот директор Алекс Крос да го врати Србинот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Манчестер јунајтед постигна договор со голманот на Антверпен

Манчестер јунајтед, до крајот на преодниот рок ќе го реализира трансферот на белгискиот голман Сене Ламенс од Ројал Антверпен. За услугите на 23-годишниот голман клубот од „Олд Трафорд“ ќе плати 20 милиони евра. Ламенс, досега има повеќе од 50 настапи за Антверпен откако се приклучи од Клуб Бриж пред две сезони.
Неговата вредност значително порасна во последните месеци благодарение на неговата форма и неговиот статус како член на белгиската репрезентација до 21 година, а многу аналитичари го нарекуваат еден од најперспективните голмани во Бенелукс.
Планот на Манчестер јунајтед е со доаѓањето на Леменс да ја зголеми конкуренцијата на голманската позиција, а не да биде непосредна замена за првиот голман Андре Онана.
Тренерот Рубен Аморим јавно го изрази своето задоволство од сегашниот голмански кадар, но раководството на клубот е свесно за можното заминување на Онана на Африканскиот куп на нации на почетокот на 2026 година и бара долгорочна сигурност.
Спорт
Рома и Ливерпул во преговори за Цимикас

Рома започна преговори со Ливерпул за траснферот на Костантинос Цимикас. Рома сака да издејствува позајмица со задолжителен откуп на договорот наредното лето.
Грчкиот лев бек нема многу шанси да добие поголема шанса во редовите на шампионите на Англија оваа сезона, особено по доаѓањето на Милош Керкез, а тука е и Енди Робертсон, кој претходно имаше предност пред него.
Затоа, трансфер во Рома изгледа како идеално решение за овој играч. Засега не се споменуваат бројки, но се нагласува дека „волчицата“ е решена да го реализира трансферот.
Новиот тренер на Рома, Џанпјеро Гасперини, инсистира на дополнително засилување на тимот до крајот на преодниот рок, тоа го истакна по синоќешната победа над Болоња со 1:0 во првото коло од Серија А.
Против Болоња, Гасперини играше во формација со тројца во одбраната, а Анхелињо, со кого Цимикас веројатно ќе се бори за место во тимот, дејствуваше како винг бек по левата страна.
Цимикас има 29 години и игра за Ливерпул од 2020 година.
Спорт
Борусија се договори за трансфер на тандемот од Челзи

Борусија Дортмунд договори соработка со двајца фудбалери на Челзи, Арон Анселмињо и Карни Чуквемека.
Исклучително добрата соработка што ја имаат Челзи и Борусија Дортмунд продолжува и ова лето.
Во овој преоден рок, „сините“ го купија Џејми Гитенс од Дортмунд за 56 милиони евра, а сега се подготвени да испратат двајца играчи во спротивна насока.
Арон Анселмињо ќе дојде на позајмица, додека Борусија ќе го купи Карни Чуквемека за 25 милиони евра.
Двајцата играчи треба да бидат официјализирани во понеделник, кога се закажани медицински прегледи.
Чуквемека играше за Борусија минатата сезона и постигна еден гол во 10 натпревари од Бундеслигата. Анселмињо, кој е дефанзивец, ја помина минатата сезона на позајмица во Бока Јуниорс.