Спорт
Ајзеа Томас: Џордан и Булс не ни беа конкуренти

Поранешниот кошаркар на Детроит Пистонс Ајзеа Томас уште еднаш се потсетил на златните денови и открил кои клубови и кошаркари му биле конкуренти. Многумина сметаат дека осумдесеттите години од минатиот век се „Златната ера на НБА“. Во тој период доминираа ЛА Лејкерс, Бостон Селтикс, односно Филадлефија ’76 и Детроит Пистонс.
Пистонс со Ајзеа Томас освоија две титули. Тој вели дека најголеми ривали им биле Селтикс и Лејкерс, а не Чикаго Булс со Мајкл Џордан како што многумина тврдат.
„Зборувам за периодоткога бевме млади и здрави, значи од 1984 до 1990 година. Тоа и бројките го покажуваат. Мајкл Џордан не ми беше конкурент, тоа беа Лери Бирд и Меџик Џонсон. Наша цел беше да бидеме подобри од Бостон и ЛА Лејкерс, а не од Чикаго Булс. Селтикс на сѐ не научија, тие не ‘кршеа’, тие ни покажаа како се победува“, рекол Томас.
.@IsiahThomas says Jordan wasn't his competition
"When we were all young and healthy from 84-90, the numbers speak for themselves, he wasn’t really my competition; My competition was Bird and Magic." pic.twitter.com/fLO1X4pR92
— Speak For Yourself (@SFY) May 20, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Сасуоло победи на „Бентегоди“ во Верона

Сасуоло како гостин славеше над Верона. Натпреварот од шестото коло на Серија А беше решен со голот во 71-та минута.
Андреа Пинамонти погоди откако пенал му одбрани голманот Монтипо. Напаѓачот на Сасуоло налета на одбиената топка и ја смести во голот.
Со овој дуел го започна шестото коло од елитното ниво на италијанскиот фудбал, а ова е втор триумф на Сасуоло по ред по поразот од Интер, додека Верона, која не знае за победа, остана на три бода.
Во следното коло, закажано за 18 октомври, Сасуоло ќе гостува во Лече, додека Верона ќе гостува во Пиза истиот ден.
Foto/ EPA
Спорт
(Видео) Катена му пресуди на Хетафе во 91-та минута

За прв пат оваа сезона, Осасуна успеа да го сврти резултатот и да победи, На домашен терен, Осасуна го совлада Хетафе со 2:1 со голот на Алехандро Катена во судиското надополнување на времето.
Гостите поведоа во првото полувреме преку Борха Мајорал, кој го искористи центаршутот на Луис Миља. Сепак, домашните успеаја да израмнат во последните моменти од првиот дел, кога Абел Бретонес со спектакуларен удар од далечина го погоди горниот агол за 1:1.
Во продолжението немаше многу шанси, Будимир не успеа да постигне гол, додека голманот на Хетафе, Давид Сорија, ги одбрани ударите на Рубен Гарсија и Раул Гарсија. Хетафе не упати ниту еден удар кон голот во второто полувреме, а казната дојде во финишот.
Во 91-та минута, ударот со глава на Катена по корнер донесе важна победа на Осасуна, со која ја прекина лошата серија и стигна до втората победа во последните 13 меѓусебни дуели со Хетафе.
Foto/ EPA
Спорт
(Видео) Спектакуларен пресврт на Бортнмут во режија на Семењо

Фудбалерите на Борнмут го победија Фулам со 3:1 во првиот натпревар од 7. коло од Премиер лигата, по големиот пресврт во второто полувреме.
Првото полувреме беше лошо, монотоно. Единствено нешто што вреди да се забележи е повредата на српскиот репрезентативец Саша Лукиќ, поради која тој ја напушти играта.
Во второто полувреме, се случи спектакл.
Откако Сесењон го совлада Ѓорѓе Петровиќ во 70. минута по совршено „двојно додавање“ со Чуквуезе, следеше урагански одговор од тимот на Виталити.
Во 78., феноменалниот Семењо ја испрати топката во мрежата низ нозете на Бенрд Лено, од речиси „мртов агол“, а пресвртот следеше шест минути подоцна – стрелец беше Клајверт.
Асистентот сеприсутениот Семењо.
Антоан Семењо стави крај на одличната игра, или поточно на одличното второ полувреме, во судиското продолжение.
Борнмут ќе ја помине ноќта на втората позиција на табелата во Премиер лигата.