Килијан Мбапе влезе во игра во второто полувреме и беше човек на одлука на дуелот меѓу ПСЖ и Ница. „Светците“ славеа со 2:1, а францускиот репрезентативец постигна победнички гол во 83.минута. Тој остана на клупата на стартот откако селекторот Дешам побара од тренерот на ПСЖ, Кристоф Галтие, да му даде одмор затоа што е преморен. Сепак, и тоа не му пречеше на Мбапе да го реши дуелот.

Лионел Меси во 29.минута донесе водство за ПСЖ, а израмни Гаетан Лаборд на почетокот од вториот дел.



Барселона оствари минимална победа (0:1) на Балеарските острови совладувајќи ја Мајорка иако тренерот Чави се соочи со големи проблеми во составот поради повреди. Сепак, Роберт Левандовски беше способен за настап и успеа да ја погоди мрежата на Мајорка во 20.минута од мечот.

Барселона по овој триумф се искачи на првото место на табелата со 19 бода и има бод предност пред Реал Мадрид, кој утре ја пречекува Осасуна.



Шампионот Милан успеа да слави во фото-финиш од дуелот против Емполи во Серија А. Три гола беа постигнати во судиското продолжение, а сите четири во последните десетина минути. На крајот „росонерите“ славеа со 1:3.

Долго време немаше голови на овој меч, а Анте Ребиќ донесе водство за Милан во 79.минута.

Недин Бајрами израмни во втората минута од продолжението, но одговори Фоде Бело-Туре две минути подоцна. Во 97.минута, Рафаел Леао го постави конечниот резултат.