Спорт
Ако не му дозволат трансфер Левандовски ќе го активира „Вебстеровото правило“
Роберт Левандовски јасно и гласно му порача на Баерн дека повеќе не сака да игра во Минхен. Полјакот преферира трансфер во Барселона.
Баерн нема намера да му попушти на својот најдобар играч и стрелец. Цврсти се во намерата тој да го одработи својот договор, кој истекува во јуни наредната година.
Левандовски ќе поќека да добие дозвола да го напушти клубот, доколку тоа не се случи може да го искористи „Вебстеровото правило“.
Во членот 17 од Законот на ФИФА за „Правила за статусот и трансферите на играчите“, постои ова правило, наречено по шкотскиот фудбалер Енди Вебстер.
Во 2006 година Вебстер од Хартс се пресели во Виган се пресели од Хартс во Виган, една година пред да му истече договорот и покрај противењето на шкотскиот клуб. Хартс сакаа да го задржат со сила до истекот на неговиот договор, тој посегна по правна битка и беше направен преседан кој оттогаш стана правило.
Правилото вели дека секој играч кој наполнил 28 години, а претходно поминал три години во клубот, може да ги откупи последните година или две од договорот со актуелниот клуб. Висината на откупот е еднаква на годишната бруто плата во клубот.
Левандовски ги исполнува сите услови да посегне по ова легално оружје. Во клубот е осум сезони, одамна ја мина границата од 28 години и има само уште една година договор со Баварците.
Неговата бруто плата во Баерн е 24.000.000 евра и за таа сума може да го откупи договорот и да се пресели во Барселона. Секако дека Каталонците би морале да го обесштетат за споменатиот откуп, но на тој начин тие ќе профитираат, бидејќи сега се подготвени на Баерн да му понудат 32.000.000 евра за трансферот на полскиот напаѓач.
Наводно, доколку не успее да го убеди клубот да му дозволи трансфер, Левандовски бил подготвен да се повика на ова правило.
Проблемот е што во Барселона се уште владее финансиски хаос и на клубот не му е дозволено да регистрира нови играчи или да ги продолжува договори со сегашните првотимци додека не ги среди финансиските книги. Рокот за тоа е 30 јуни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.