Натпреварот од Лигата на нации, Ц дивизија, група 2, меѓу Романија и Косово е прекинат на 90+3. минута бидејќи гостинските фудбалери видно вознемирени го напуштија теренот.

Според извештаите од местото на настанот, голем број навивачи на романската репрезентација, меѓу кои, според некои информации, имало и Срби, скандирале „Србија, Србија“, што било поттик за играчите на Франк Фода да го напушти теренот.

Резултатот кон самиот крај, во моментот на прекин беше изедначен, 0:0.

По консултација со делегатот на натпреварот, судијата нареди исфрлање од трибините на најжестоките навивачи на Романија, кои ги водеа скандирањата за Србија и цело време ги провоцираа гостинските фудбалери.

Останатиот дел од натпреварот ќе се одигра дури откако ќе се испразни тој дел од стадионот во Букурешт.

Во оваа група води Романија со сите четири победи, Косово има три бода помалку и само победа ги држи гостите во игра за првото место кое обезбедува пласман во Б дивизијата.

Breaking | Surreal! Kosovo walk off the pitch in the 93rd minute of their Nations League match in Romania after the local fans chanted Serbia's name. Game interrupted!!! The Kosovo players are inside their locker. pic.twitter.com/CZUp2dvRIN

— Emanuel Roşu (@Emishor) November 15, 2024

Шпанија ја победи Данска, Шкотска слвеше над Хрватска, Португалија ја декласира Полска, а Србија во Швајцарија освои бод во 88.минута. Ова е епилогот од вечерашните натпревари во Лигата на нации во групите 1 и 4.

Србија со освоениот бод во Цирих ја испрати Швајцарија во Б дивизијата и воедно ги задржа шансите за пласман во четвртфиналето.

Србите можеа да победат но и да го загубат натпреварот. Митровиќ во 55.минута избори пенал, ја презеде одговорноста, упати лош удар по средината, а Кобел Одбрани. Казната за промашениот пенал дојде во 78.минута кога Адмуни го совладса Петровиќ. Бод за Србија спаси левиот бек на Салцбург, Терзиќ. Влаховиќ повлече контра, во имомент го проигра Терзиќ кој ја пласираше топката во голот.

Во оваа група Шпанија победи во Копенхаген со 2:1. Актуелните европски шампиони во 11.минута го постигнаа првиот голе, преку Ојерзабала, а во 58. Перез го зголеми водството. Данците се обидоа да се вратата во мечот, но само успеаја да постигнат почесен гол во 84.минута кога Исаксен го совлада Раја.

Шпанија има 13 поени, Данска седум, Србија пет, а Швајцарија два бода.

Во групата 1 Португалија со вечерашната победа над Полска од 5:1 го обезбеди првото место. Хрватите се втори со седум, Полска и Шкотска имаат по четири бода. За четири дена ќе биде познато која репрезентација ќе заврши на второто место.

Португалците од 59. до 87.минута постигнаа пет гола. Серијата ја отвори Леао, потоа погоди Роналдо од пенал, третиот гол го постигна Фернандеш, на 4:0 зголеми Нето, а точка стави Роналдо.

Хрватска во Глазгов цело второ полувреме играше со фудбалер помалку. Во 44.минута Сучиќ го доби вториот жолт картон. Предноста од играч повеќе Шкотите ја искористија во 86.минута кога капитенот на Астон Вила Мекгин го постигна единствениот гол.

SUPER JOHN MCGINN!!!!!!!!!

🏴󠁧󠁢󠁳󠁣󠁴󠁿🏴󠁧󠁢󠁳󠁣󠁴󠁿🏴󠁧󠁢󠁳󠁣󠁴󠁿 pic.twitter.com/hbLmrgm4Od

— Scotland Goals (@ScotlandNTGoals) November 15, 2024

Грчкиот тренер Димитрис Итудис е новиот тренер на Хапоел Тел Авив.

Итудис ќе потпише рекорден тригодишен договор вреден 4,6 милиони долари.

Главна цел на тимот е преку Еврокупот да обезбеди пласман во Евролигата.

Досегашниот тренер Стефанос Дедас ќе остане во клубот како помошник на Итудис, односно ќе ја има истата работа како во ЦСКА и Фенербахче.

Итудис, кој ја започна својата тренерска кариера како асистент во Загреб во 1992 година, се прослави како помошник на Жељко Обрадовиќ во Панатинаикос во периодот 1999-2012 година.

Првиот голем ангажман во ЦСКА Москва го имаше од 2014 до 2022 година, а со рускиот тим двапати ја освои Евролигата.

Потоа беше селектор на Грција и кратко време тренер на турски Фенербахче.