Спорт
Ал-Итихад му нуди огромна плата на Анхел Кореа
Напаѓачот на Атлетико Мадрид, Анхел Кореа, веројатно ќе ја продолжи кариерата во Саудиска Арабија. Шпанските медиуми тврдат дека Ал-Итихад му нуди три годишен договор вреден 60.000.000 евра.
Анхел Кореа ја загуби довербата од тренерот на Атлетико, Диего Симеоне, поради што размислува да ја прифати понудата. Инаку, тој и во летниот преоден рок имаше понуда од Ал-Шабаб, но тогаш Атлетико не му дозволи да го напушти клубот, бидејќи клубот немаше време да донсе замена.
Тогаш Ал-Шабаб прво понуди 30.000.000, па потоа 40.000.000 милиони евра. Се претпоставува дека Атлетико сега ќе ја прифати оваа сума.
Доколку Кореа замине од Мадрид, Атлетико, парите од неговиот трансфер ќе ги инвестира во 22-годишниот фудбалер на Аталанта и аргентински репрезентативец, Тојаго Алмада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Алаба би можел да ја заврши кариерата“
Давид Алаба (32), се повреди пред една година, требаше да се врати на терените на крајот од овој месец, но според шпанските медиуми тоа нема да се случи. Според нив рехабилитацијата не оди според планиранот. „Релево“, откри дека враќањето на терените е одложено за три месеци, односно за јануари наредната година.
За разлика од тврдењата на „Реелво“, она што го објави „Онда Серо“ објави многу полоша вест.
„Постои страв дека Алаба нема да му се врати нао фудбалот. По секој тренинг чувствува силна болка бидејќи ‘рскавицата на коленото му е истрошена, поради што неговите коски потоа се тријат една со друга.
Алаба не игра за Реал од 17 декември минатата година. Тогаш на натпреварот против Виљареал ги скина предните вкрстени лигаменти на левото колено за што беше потребна операција и долга рехабилитација.
Ова се случува во најлошиот момент за Реал бидејќи, исто така, поради повреда на лигаментите, сезоната е завршена за Дани Карвахал, уште еден клучен дефанзивец.
Покрај тоа, Едер Милитао се уште е повреден, што значи дека Реал во втората четвртина од сезоната влегува сериозно ослабен во одбраната.
Алаба му се приклучи на Реал од Баерн без обештетување во летото 2021 година. Оттогаш, тој одигра 102 натпревари за Реал, постигна пет гола и забележа девет асистенции.
Спорт
Хамилтон во Ферари – Биното е против, Доменикали е за
Шефот на Ферари од 2019 до 2022 година, Матеа Биното, истакна дека доколку тој се прашува, никогаш не би довелседумкратниот светски шампион Луис Хамилтон во црвениот болид.
„Не“, одлучно одговори шефот на Заубер (Ауди) во интервју за „Кориере дела сера“, „Сепак, мислам дека ја направи вистинската работа што ја прифати понудата и се согласувам со неговата одлука“.
Биното смета дека Ферари треба да се фокусира на Шарл Леклер.
„Ферари се фокусираше на други возачи. Ако талентот е Леклер, мислам дека на некој начин треба да биде во фокусот на тимските планови“, додаде 54-годишниот Биното.
Од друга страна, директорот на Формула 1, Стефано Доменикали, шеф на Ферари од 2008 до 2014 година, се согласува со одлуката на Французинот, Фредерик Васер да го доведе 39-годишниот Британец.
„За навивачите на Ферари ова е исклучителна ситуација бидејќи Луис е некој кој ќе може сè да спои. Секако, таму ќе мора да има меѓусебно почитување со Шарл Леклер. Правилата во тимот ќе мора да бидат јасни, а раководството да не се меша во нивната комуникација“, потенцира Доменикали за „Газета дело спорт“.
На возачите им претстои викенд во Остин, каде ќе се одржи трката за Големата награда на САД.
Спорт
Тренерот на Штутгарт го откачил Манчестер јунајтед
Манчестер јунајтед му постави ултиматум на менаџерот Ерик Тен Хаг да победи во следните два натпревари за да го задржи на клупата, но во меѓувреме клубот бара нов тренер.
Додека медиумите најмногу ги заинтригира посетата на Томас Тухел на „Олд Трафорд“ и средбата со челниците, германски „Билд“ открива дека Себастијан Хенес, тренерот на Штутгарт одбил да преговара со англискиот клуб.
Хенес по одличната работа во Хофенхајм, во април минатата година пристигна во Штутгарт и му обезбеди пласман на клубот во Лигата на шампионите. И додека се подготвува за продолжението на сезоната во Бундеслигата, од кои првата е против Баерн, но и во Лигата на шампионите на УЕФА со Јувентус (22 октомври), Аталанта (6 ноември) и Црвена звезда на стадионот Рајко Митиќ. (27 ноември), Хенес категорично одби да преговара со еден од најславните клубови.
Во март оваа година, синот на поранешниот ас Дитер Хенес го продолжи договорот со Штутгарт до јуни 2027 година и не сака да се откаже од проектот што го започна во кој целта е да остане на врвот во Бундеслигата и да атакува на титулата.