Аргентина и Уругвај забележаа победи во 15. коло од квалификациите за пласман на Светското првенство во Катар. Аргентинците победија во Чиле, а Уругвајците во Парагвај.

Уругвај ја прекина серијата од четири порази и се врати во траката за пласман на Мундијалот во Катар. Уругвајците славеа во Асунсион против Парагвај со голот на Луис Суарез во 50. минута. Уругвајците беа подобри на теренот, во првото полувреме два пати ја погодија гредата, еднаш стативата од противничкиот гол.

Аргентина во декември го потврди пласманот на СП, Чилеанците до крајот ги очекува жестока борба за место на СП. Без Лионел Меси, Аргентинците славеа со 2:1. Ди Марија го отвори резултатот во деветтата минута, потоа Беретон израмни во 21., а конечниот резултат го постави Лаутаро Мартинез во 34.минута.

Табела: 1. Бразил 36 (14 натпревари), 2. Аргентина 32 (14), 3. Еквадор 32 (15), 4. Уругвај 19 (15), 5. Колумбија 17 (14), 6. Перу 17 (14), 7. Чиле 16 (15), 8. Боливија 15 (15), 9. Парагвај 13 (15), 10. Венецуела 7 (14).

Рафаел Надал в недела ќе се бори за 21. гренд-слем титула. Шпанецот, полесно од очекувањата, успеа да го добие полуфиналниот меч против Матео Беретини. Надал славеше во четири сета со 6/3, 6/2, 3/6, 6/3.

Дуелот во Мелбурн го обележа одличната игра на Надал, особено во првите два сета и индиспонираниот Беретини, кој не можеше да го најде вистинскиот ритам. Исклучок е средишницата од третиот сет, кога освои 14 од 15.поени, направи брејк и го освои сетот.

Надал, во недела од 9.30 часот по средноевропско време, за втората титула во Мелбурн  ќе се бори против победникот од дуелот помеѓу Данил Медведев и Стефанос Циципас.

Еквадор успеа да извече 1:1 реми против фаворитот Бразил и да ги зголеми своите шанси за пласман на Светското првенство во Катар, во меч кој почна со брутални половина час и два црвени картони, а заврши со ВАР-драма, кога десетина минути се разгледуваше дали Алисон Бекер треба да добие црвен картон (повлечен по вторпат).

Мечот уште во првата минута го донесе првиот жолт картон за бразилскиот дефанзивец Емерсон Ројал, за во шестата минута, Касемиро да ги донесе „Селесао“ во водство. Голманот на Еквадор, Александер Домингез во 15. минута го доби првиот заслужен црвен картон за бруталниот старт, но само пет минути подоцна се постигна рамнотежа, откако Емерсон Ројал го доби вториот жолт картон. Беше покажан и трет црвен картон во 31. минута, овојпат на голманот на Бразил, Алисон Бекер, меѓутоа по прегледувањето на ВАР снимката, судијата го промени во жолт картон.

Еквадор израмни во 75. минута преку Феликс Торес по еден корнер. До крајот на мечот беа покажани уште четири жолти картони, пред да се случи уште една драма – судијата повторно да му покаже втор жолт картон (односно црвен) на Алисон Бекер по боксирање на една топка, па по долга пауза да ја разочара публиката во Кито и да го повлече црвениот картон и досудениот пенал.

Бразил веќе е квалификуван на Мундијалот, додека Еквадор е на одличното трето место во јужноамериканската група (директно се пласираат четири) со седум поени предност пред Колумбија.

Ecuador Brazil is wild right now pic.twitter.com/LqgiymSCPF

— Barstool Football (@StoolFootball) January 27, 2022

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1434-26781”));