Спорт
Алаба не потпишал ништо со Реал, ќе чека да завршат изборите во Барселона
„Марка“, доцна синоќа, објави дека Давид Алаба потпишал преддоговор со Реал Мадрид. Овој медиуми, тврди дека Алаба потпишал четири годишен договор со Реал, со годишна плата од 11 милиони евра. Австриецот во Реал би пристигнал во јули.
На оваа бомбастична информација од Мадрид, во текот на денот стигнаа деманти од Германија.
Уредникот на „Билд“, Кристијан Флак, во врска со трансферот на Алаба го контактирал таткото на фудбалерот. Неговиот одговор го обајави на „Твитер“.
„Ништо не е договорено со Реал Мадрид, ништо не е потпишано. Има и други клубови кои се заинтересирани. Пини Захави преговара со неколку клубови, меѓу нив е и Барселона“, рекол Џорџ Алаба за „Билд“.
Новинарот на „Скај Спорт Германија“, Макс Билефелд, тврди дека во април или мај ќе биде познато каде Алаба ќе ја продолжи кариерата.
„Менацерот на Алаба, Пини Захави, сака да го види епилогот од претседателските избори во Барселона. Доколку победи неговиот пријател Џоан Лапорта, Захави би сакал да влезе во преговори со Барселона. Во овој момент е јасно дека Захави сака да почека до април или мај“, напишал Билефелд, со напомена дека Алаба вчера бил на лекарски прегледи во една клиника, но дека таму немало ниту еден лекар на Реал, како што тврди „Марка“.
Извори од Каталонија тврдат дека Барселона во овој момент нема пари за да ја покрие платата на Алаба, но дека пријателите Лапорта и Захави, би можеле некако да го решат проблемот.
Џоан Лапорта и Пини Захави не се само блиски пријатели, тие се и бизнис партнери, имаат заедничка компанија со седиште во Кипар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.