Спорт
Алегри: Јувентус сега се тим од средината на табелата

Тренерот на Јувентус, Масимилијано Алегри вели дека фудбалерите и навивачите треба да ја прифатат реалноста дека во моментов не се подобар тим од Хелас Верона и дека мора да останат скромни и да се борат за секој поен.
По поразот од Сасуоло, за „бјанконерите“ следуваше нов студен туш со 2:1 поразот од Верона, клуб кој сега е пред нив на табелата бидејќи двата клуба имаат по 15 поени, но Хелас има подобра гол-разлика.
„Зборовите сега се безначајни. Се наоѓаме во тешка ситуација, мораме да ја прифатиме реалноста дека сега сме тим од средина на табелата. Можеме да излеземе од оваа ситуација со малку повеќе посветеност и квалитет. Ќе се извлечкаме некако од оваа ситуација, нема поента да се сожалуваме, тоа нема да помогне“, вели Алегри за „ДАЗН“.
Јувентус имаат примено 15 гола по 11 кола во Серија А, што е нивни најлош дефанзивен скор од сезоната 1961/62.
„Ова е добар тим, но работите не одат така лесно во фудбалот. Треба да реагираме со гордост и посветеност. Моравме да играме како тим кој има еден поен, а сега мораме да играме како тим кој има 15 поени. Ако го носиш дресот на Јувентус не значи дека ќе ги победуваш тие од средината на табелата“, додава Алегри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ откри низ каков пекол минувал: Ова ми се случи само против Надал, преживував

Српскиот тенисер Новак Ѓоковиќ го нокаутира Алехандро Давидович Фокина со 7:6(4)/7:6(5)/6:2 и со тоа се пласираше во осминафиналето на Ролан Гарос.
Во текот на мечот беше јасно дека Србинот физички не се чувствува најдобро, побара медицински тајм-аут, а главно го мачеше колкот, кој му правеше проблеми на почетокот на годината.
„Поголемиот дел од натпреварот навистина се мачев, преживував наместо да уживам и играв. Бев слаб во првиот сет, преживеав некако, успеав да излезам од бездната на првиот сет. Во вториот сет имаше многу осцилации, поради ветерот го изгубив ритамот на сервис, кога ќе ти влезе црв во главата, губиш самодоверба и играч од негов калибар го чувствува тоа. Не се сеќавам кога последен пат одиграв два сета во времетраење од три часа, можеби против Надал. Знаев дека ќе биде борба, но не толку многу. Заслужи да освои еден сет и тоа е тенисот, некако успеав да се пробијам и да го играм најдобриот тенис кога е најважно. Го зголемив квалитетот на мојата игра во третиот сет, генерално задоволен сум и секогаш можам подобро, но приоритет сега е да се опоравам за да бидам што е можно повеќе свеж“, изјави Новак, пренесе „Нова.рс“.
Тој не го избегна ниту прашањето за односот со публиката.
„Односот со публиката некогаш е добар, некогаш не. Знам дека сакаат аутсајдерот да победува, сакаат драма. Имам нешто против кога не ги почитуваат играчите, кога некој ќе почне да ти свирка. Посакувам повеќето луѓе да беа на моја страна, но знам дека тоа не е можно. Кога некој провоцира, познато е дека реагирам на неправдата. Не ја разбирам причината за тоа, тоа е дел од работата, спортот што го играте, тие платиле билет и јас го почитувам тоа, но поединци се истакнуваат со тие реакции и слично“.
Тој откри дека во останатиот дел од турнирот ќе ја има поддршката од семејството.
„Денес доаѓаат моите деца, мислев на нив кога ми беше многу тешко. Бев исцрпен и потоа ми се појавија, сега слетуваат и добив поттик“.
Фокина беше голем предизвик за Новак во оваа фаза од турнирот.
„Задоволни сте кога ќе поминете низ ваков предизвик и тоа може да биде поттик“, рече тој.
Спорт
Финикс го избраа Вогел за нов тренер

Финикс санс го избраа поранешниот шампионски тренер Френк Вогел како замена за Монти Вилијамс, објавуваат „Асошиејтед прес“ и „ЕСПН“.
40-годишниот Вогел беше тренер на Индијана пејсерс, Орландо меџик и Лос Анџелес лејкерс, со кои освои титула во 2020 година за време на пандемијата на КОВИД. Тој ќе се обиде да изгради шампионски тим во Аризона, каде што ја чекаат првата титула во 55-годишната историја на клубот.
Санси го отпуштија Вилијамс во мај и покрај четирите успешни сезони, вклучувајќи пласман во НБА финалето во 2021 и наградата за најдобар тренер во лигата во 2022. Ова дојде по две засрамувачки порази во плејофот.
Спорт
„Кварадона“ најдобар играч, Спалети најдобар тренер во Серија А

Сосема очекувано, грузискиот плејмејкер на Наполи, Квича Кварацхелија е избран за најдобар фудбалер во Серија А оваа сезона, додека тренерот Лучано Спалети е најдобриот тренер откако по 33 години донесоа скудето за „партенопеи“.
Тој иронично не е беше вклучен во најдобриот тим на сезоната, бидејќи тој се утврдува според статистиката, а тој не е ниту во класата на напаѓач, ниту класично крило. Најдобар голман е Иван Проведел од Лацио, најдобар дефанзивец соиграчот на Кварацхелија, Ким Мин-Џеј, во одбраната најмногу се покажал Николо Барела од Интер, додека Виктор Осимен е најдобар стрелец.
Кварацхелија ја завршува сезоната во Италија со 12 гола и 13 асиситенции во 33 меча.
🔵 #SerieA💎 #TOTS pic.twitter.com/HzQq9LoWz9
— Lega Serie A (@SerieA_EN) June 2, 2023