Карло Анчелоти на претседателот на Реал, Флорентино Перез, му доставил спискот од три имиња, со кои сака да го засили редот за врска. На спискот на Анчелоти се двајца играчи од Серија А, Николо Барела и Мануел Локатели и еден од Премиер лигата, Калвин Филипс.

Локатели, ова лето сигурно ќе го напушти Сасуоло. Претпоставките се дека тој сака кариерата да ја продолжи во Јувентус, иако интерес за него покажува и ПСЖ. Саусоло за овој фудбалер бара 40 милиони евра.

Николо Барела беше еден од клучните играчи на Интер во походот кон шампионската титула. Шпанците пишуваат дека Интер нема да гу пуштат Барела, кој е иднината на клубот.

Филипс, од Лидс јунајтед, блесна на почетокот на ЕП. Тој беше асистентот за еднствениот гол на Англија против Хрватска. По тој меч, Би-би-си го нарекоа Филипс „Пирло од Јоркшир“.

Фудбалскиот клуб Брајтон го реализираше најголемиот трансфер во клупската историја. Дресот на „галебите“, од наредната сезона ќе го носи Аргентинецот, Нико Гонзалес.

Гонзалес, кој се наоѓа со Аргентина на Копа Америка, го засили Брајтон за 25 милиони евра. Ова е нов клупски рекорд, во минатото Брајтон издвојуваше по 20 милиони евра за Нил Мопеј, Абам Вестер и Леандро Тросар.

Минатата сезона за Штугарт, Гонзалес постигна два гола и забележа шест асистенции.

Овој крилен напаѓач, кариерата ја започна во Аргентинос јуниорс, а во Штутгарт пристигна во 2018 година.

УЕФА, попладнево во Нион, ги одреди двојките за второто квалификациско коло во Лигата на шампионите.

Шампионот Македонија, Шкендија, доколку во првото коло успее да ја мине Мура, во втората рунда ќе игра против победникот од натпреварот помеѓу Лудогорец од Бугарија и Шахтјор Солигорск од Белорусија.

Дуелите во второто коло ќе се играат на 20 и 21.јули, односно на 27 и 28.јули.

Тешки противници, во второто коло, добија Динамо Загреб и Црвена звезда.

Динамо, на Ареијан адеми и Стефан Ристофски, доколку во првото коло го мине Валур од Исланд, во втората рунда ќе се соочи со шампионот на Кипар, Омонија.

Црвена звезда, во второто коло ќе игра против победникот од дуелот помеѓу Макаби Хаифа од Израел и Каират од Казахстан.

Интересни ќе бидат и пресметките во ткн. „Патеката на следбениците“. Ждрепката ги спои ПСВ Ајндховен и Галатасарај, Рапид Виена и Спарта Прага, односно Селтик и Митјиланд.