Спорт
Алегри се враќа

Масимилијано Алегри по пауза од една година, од наредната сезона повторно ќе и се врати на тренерската работа. Медиумите во Италија шпекулираат дека тој би можел да биде новиот тренер на ПСЖ.
Јувентус го смени Алегри по завршувањето на минатата сезона и на неговото место го назначи Маурицио Сари. Иако доби отказ Алегри остана на платниот список на Јувентус, поради што реши да земе одмор.
„Ла Стампа“ најавува дека 52 годишникот ќе го наследи Томас Тухел на кормилото на ПСЖ.
Покрај Јувентус, Алегри во кариерата бил тренер на Калјари и Милан. Со Милан има едно Скудето, додека со Јувентус освоил пет титули во првенството и четири во Купот на Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Арсенал без проблеми против Вест Хем, победи и Манчестер Јунајтед

Фудбалерите на Манчестер Јунајтед и Арсенал забележаа идентични победи (2:0) во натпреварите од 7. коло од Премиер лигата.
Тимот од „Олд Трафорд“ го победи Сандерленд со 2:0 и, барем до следната недела, го симна огромниот товар на притисок што го трпат од навивачите, јавноста, аналитичарите…
Втор натпревар по ред, гол за Јунајтед постигна репрезентативецот на Словенија Бенјамин Шешко.
Во 31. минута, Шешко ја дуплираше предноста на тимот на Рубен Аморим, тој беше во вистинско време на вистинското место и од вториот обид ја погоди мрежата на Сандерленд.
Водечкиот гол за „ѓаволите“ беше дело на Мејсон Маунт. По 822 дена од неговиот трансфер од 63 милиони евра од Челзи во Манчестер Јунајтед, Маунт конечно постигна гол во лигата на „Олд Трафорд“.
Претходните два во Премиер лигата во дресот на Јунајтед, поранешниот репрезентативец на Англија ги постигна на „Џитек стадионот“ против Брентфорд, во две различни сезони.
Ова беше трета победа на Манчестер во седум натпревари, но не и онаа што ќе ги убеди навивачите дека тимот е на вистинскиот пат.
Во исто време, во Лондон, Арсенал рутински го совлада Вест Хем со 2:0.
Во натпревар во кој само еден тим се прашуваше за сè, „топџиите“, до победата дојдоа со головите на Деклан Рајс и Букаи Сака, со што се искачија на врвот на табелата во Премиер лигата.
Рајс го совлада Ареола во 38-та минута, не го прослави голот во знак на почит кон својот поранешен клуб.
Фактот дека тимот на Артета имаше 21 удар кон голот на Вест Хем, во споредба со само четири испратени од гостинските играчи, е можеби најдобриот доказ за играта „мачка и глушец“ на Емирати.
Сака стави крај на триумфот во второто полувреме со својот 55-ти гол во својот 200-ти натпревар за клубот. Сака постигна гол од пенал, кој не требаше да биде досуден. Најстрогата казна е досудена по фаулот врз Тимбер. Нејасно е како судиите во ВАР собата не видоа дека Дуиф го фаулираше Тимбер надвор од шеснаесетникот.
Foto/ EPA
Спорт
Таткото на Белингам му се заканил на тренерот Нико Ковач

Вистинска драма се одвива во Дортмунд поради недоразбирањата меѓу семејството Белингам и тренерот Нико Ковач.
Таткото на фудбалерот на Реал Мадрид, Џуд Белингам, и помалку познатиот помлад фудбалер на Борусија Дортмунд, Џоб, Марко Белингам, му се заканил на тренерот на германскиот тим.
Причината е што тој не е задоволен колку неговиот син минува на теренот.
Џоб ова лето пристигна во Дортмунд од Сандерленд, со кого успеа да избори промоција од Чемпионшип во Премиер лигата.
Беше доведен со големи очекувања, но оттогаш одигра само два натпревари како стартер. Ова не му се допаѓа на неговиот татко, Марк Белингам, кој долго време не го крие незадовоството кон клубот и тренерот.
Според „Билд“, се резултирало со расправија со тренерот Нико Ковач.
Клупските челници успеале да ги смират двете страни, но тензијата е сè уште очигледна, коментираат за „Билд“ извори блиски до клубот.
Младиот Џоб, иако очигледно е талентиран, не може да го издржи притисокот на јавноста и семејството, бидејќи сите го споредуваат со неговиот постар и попознат брат.
Спорт
(Видео) Лацио од пенал во 103-минута се спаси од пораз против Торино

Фудбалерите на Лацио и Торино одиграа спектакуларен натпревар (3:3) на „Олимпико“ во рамките на 6. коло од Серија А. Два гола беа постигнати во судиското надополнување на времето.
Прво, Саул Коко постигна гол во 90+2 за Торино и се чинеше во тој момент, обезбеди победа за „биковите“, бидејќи натпреварот беше продолжен четири минути.
Сепак, следеше трилер завршница – дефанзивецот на Торино, Марипан го собори Тијани Нослин во шеснаесетникот, веднаш до гол-аут линијата, судијата првично не покажа на „белата точка“ и предизвика гнев кај домашните.
Дури по долг преглед на ВАР, судијата па покажа на белата точка. Натпреварот беше продолжен, влезе во 13. минута од судиското продолжение.
На крајот, Данило Каталди погоди и ги постави конечниот резулта, 3:3.
Тимот на Маурицио Сари така остана со само две победи во текот на сезоната досега.
Претходно синот на тренерот на Атлетико, Диего Симеоне, Џовани, постигна гол за Торино во 16-та минута. Потоа, двоен стрелец за Римјаните беше Матео Канселиери (24, 40), а на 2:2 изедначи Че Адамс со гол во 73-тата минута.
Foto/ EPA