Спорт
Алегри: Вечерва е најважниот меч за Јувентус во ЛШ
Масимилијано Алегри признава дека вечерашниот натпревар во Лигата на шампионите против Макаби Хаифа е „најважниот“ за Јувентус и инсистира дека „бјанконерите“ не ги решиле сите свои проблеми со победата од 3:0 над Болоња.
Јувентус е очаен за победа во ЛШ по поразите од ПСЖ и од Бенфика и се освен триумф на домашен терен би било катастрофа и веројатно би значело крај на надежите на „старата дама“ да се пласира во нокаут фазата.
„Ние сигурно ќе промениме нешто. Имаме полн список на натпревари. Речиси сите се вратија од повреди, па можат малку да ротираат во текот на натпреварот. Морам да одлучам за составот, но најважно е да бидеме уште подобри од неделата, и во напад и во одбрана“, истакна италијанскиот стратег.
Тој сериозно му приоѓа на дуелот со Макаби.
„Тоа не е лесен натпревар. Макаби одигра добро во Лисабон и имаше израмнет натпревар против ПСЖ. Тие притискаат високо и ќе биде тешко, ние мора да ги почитуваме. Залудно е да размислуваме за други тимови ако не ги добиеме двата натпревари против Макаби. Вечерва е нашиот најважен натпревар во Лигата на шампионите“, потенцира Алегри.
Анхел Ди Марија ќе биде стартер. Тој се соочи со суспензија од два натпревари во Серија А и ја пропушти неделната победа од 3:0 над Болоња, а нема да биде достапен и кога „бјанконерите“ ќе ги одмерат силите со Милан на „Сан Сиро“ во дербито в сабота.
„Ди Марија се чувствува многу подобро и тренира повеќе од другите во последно време. Убеден сум дека вечерва ќе одигра одличен натпревар“, потврди Алегри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Во Загреб се револтирани од судењето: Ние сме мал клуб на кој може да му го направат ова
Фудбалерите на Динамо Загреб не се задовлни од арбитржата на судијата Харм Осмерс по нерешениот резултат со Монако (2:2) во второто коло од Лигата на шампионите.
„Модрите“, не успеаја да ја задржат предноста од два гола, примија голови во 74. (Салису) и 90.минута од пенал (Закарија).
Токму досудениот пенал во последната минута од натпреварот ги натера да го кренат гласот против главниот судија.
Играчите на Днамо потсетуваат дека претходно во слична ситуацјија капитенот Бруно Петковиќ беше соборен во шеснаесетникот на Монако, а германскиот арбитар покажа фаул во напад. Во 90.минута донел поинаква одлука, пвотрно на шетата на Динамо.
„Не го разбирам судискиот критериум, не би сакал да се расправам околу тоа, но некои одлуки беа во нивна полза. Го прашав судијата, ако над Бруно немаше пенал, како може да биде пенал на другата страна? Навистина не ги разбирам тие одлуки“, ече стрелецот на вториот гол за Динамо, Мартин Батурина, а неговиот соиграч Јосип Мишиќ дополни.
„Ние сме мал клуб на кој може да му го направат ова“. .
Динамо во следното коло гостува кај Салцбург.
Спорт
Сенегал го отпушти Сисе
Фудбалскиот сојуз на Сенегал објави дека од функцијата е разрешен селекторот на националниот тим Алиу Сисе.
Сојузот, објави дека одлуката била донесена поради лошите резултати и се поголемата непопуларност што меѓу навивачите ја имал Сисе.
Сисе повеќе од девет години на чело на националниот тим и го освои Купот на Африканските нации во 2022 година со Сенегал.
Фудбалскиот сојуз на Сенегал исто така соопшти дека добиле писмо од министерот за спорт Кади Диен Гаје во кое не се одобрува продолжувањето на договорот на Сисе, кој истече на 31 август.
Спорт
Крај на сезоната за најдобриот дефанзивец на Јувентус
Најдобриот дефанзивец на Јувентус, Глисон Бремер (27) ја заврши сезоната поради скинати вкрстени лигаменти. Бразилскиот стопер се повреди во вчерашната победа на Јувентус против Лајпциг од 3:2 во второто коло од Лигата на шампионите, во шестата минута.
Тој го напушти теренот со помош на физиотерапевт, а по денешните прегледи беше констатирано дека е повреден и неговиот менискус.
Бремер пристигна во Јувентус во летото 2022 година од Торино за 46,9 милиони евра и веднаш се наметна како еден од најдобрите играчи на Јувентус.
Оваа сезона забележа осум настапи, одигра вкупно 637 минути. Според „Трансфермаркт“, тој вреди 60 милиони евра.