Скандал над скандалите ќе го обележи Светското првенство во атлетика во Токио. Американската штафета 4 x 400 метри за мажи заврши шеста во првата полуфинална група, 12-та во генералниот пласман и испадна од конкуренција за финалето. Сепак, Светската атлетска федерација (ИААФ) волшебно одлучи да им даде нова шанса на олимписките и светските шампиони.

Беше одлучено дека во недела наутро, Американците ќе се натпреваруваат за место во финалето со Кенија, која го освои четвртото место во таа група, и дека во финалето, наместо осум ќе трчаа девет штафети.

Сè станува уште покомплицирано ако се знае дека Кинезите беа пред Американците, а тие не се споменуваат никаде во пресрет на финалето.

Сè започна со тоа што Американците речиси се судрија со штафетата на Замбија во втората измена, каде штоатлетичарот од Замбија не беше воопшто виновен. Сепак, по трката беше одлучено да се дисквалификува Замбија. Тоа не ја промени многу позицијата на Американците сè додека не беше објавена неверојатната одлука на Светската атлетска федерација.

Не е јасно според кои критериуми им е дозволено на Американците да добијат уште една шанса, во трка во која јасно ќе ја победат Кенија. Кина, која беше само една стотинка зад Кенија, никој не ја есапи. Во комбинација не е ниту Јапонија, која во втората група имаше подобро време од Америка за повеќе од една секунда.

Срамна одлука, која е спротивна на сите правила на спортот и атлетиката. Враќањето во игра на штафетата што беше 12-та во генералниот пласман на патеката е недозволиво и не може да се најде никакво оправдување за таа одлука.

Сега повторно ќе се полемизира дека за Американците важат поинакви правила, од оние што се применуваат за сите останати.

Фото/ Принтскрин

Фудбалерите на Баерн го победија Хофенхајм на гостински терен со 4:1, во четвртото коло од Бундеслигата.

Баварците се непоразени оваа сезона, единствениот тим што има максимален учинок. Хари Кејн, капитенот на англиската репрезентација, ги предводеше до уште една победа, ксо втроиот хет-трик од почетокот на сезоната.

Долго се чекаше на првиот гол на Баерн, до 44-та минута кога мрежата на домашниот тим ја затресе Кејн

Веднаш по враќањето на теренот по полувремето, во 48-та минута, беше досуден пенал за Баерн, Кејн ја презеде одговорноста и беше сигурен за 2:0.

Уште еднаш, Кејн беше прецизен од пенал во 77-та минута, а потоа Владимир Цуфал го постигна почесниот гол за Хофенхајм во 82-та минута. Точка на победата на Баерн стави Серж Гнабри, во деветтата минута од судиското продолжение.

Во наредната рунда Баерн го пречекува Вердер Бремен, а Хофенхајм гостува кај Фрајбург.

Мајнц го победи Аугсбург со 4:1 во попладневниот термин, сигурен беше и Фрајбург, кој го победи Вердер на гости со 3:0, додека Хамбург беше подобар од Хајденхајм со 2:1.

Бошко Ѓуровски е згрижен во Институтот за кардиоваскуларни заболувања „Дедење“, а Црвена звезда се огласи со соопштение.

На Ѓуровски му се слоши за време на говорот на комеморацијата за Дејан Миловановиќ.

„На комеморацијата за Дејан Миловановиќ, на Бошко Ѓуровски одеднаш му се слоши за време на говорот. Легендарниот фудбалер на нашиот клуб брзо се освести, а потоа беше префрлен во Институтот за кардиоваскуларни заболувања „Дедење“, каде што беше подложен на детални прегледи“, се вели во соопштението на Црвена Звезда.

Директорот на Институтот, проф. д-р Милован Бојиќ, потоврди дека „Бошко се чувствува добро и е во добра општа здравствена состојба“.

Во наредниот период, Ѓуровски ќе ги помине сите понатамошни потребни прегледи, за да можат лекарите да бидат апсолутно сигурни дека сè е во најдобар ред.

„ФК Црвена звезда му посакува на нашиот Бошко брзо закрепнување и наскоро повторно да се видиме на Маракана“, стои во заклучокот во соопштението на Црвенз звезда.

Фото/ ФК Црвена звезда