Спорт
Алегри за шампион го прогласи Интер
Јувентус, синоќа, во 92. минута се спаси од пораз во Бергамо. Данил постигна гол за 1:1 и го задржа Јуветус на четвртото место со два бода повеќе од Аталанта.
Јувентус по 25 кола има девет поени помалку од Милан и осум од Интер, кој има натпревар помалку од конкурентите. Тренерот Масимилијано Алегри по мечот изјави дека целта на неговиот тим оваа сезона е да се пласира во Лигата на шампионите.
Алегри не верува дека Јуве може да се бори за титулата, верува дека Интер ќе ја одбрани титулата.
„Кој ќе ја освои титулата? Интер. Има најсилен тим, со должна почит кон Милан и Наполи. Во моментот се подобри од нас, само поради тоа што ние загубивме многу бодови на почетокот од сезоната. Да имавме барем четири бода повеќе, тогаш ќе имаше вистинска забава на врвот“, рекол Алегри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Легендата на литванската кошарка го презеде националниот тим
Римас Куртинаитис е назначен за нов селектор на машката кошаркарска репрезентација на Литванија, пренесува „Баскетњуз“.
Куртинаитис го замени Казис Максвитис на функцијата. Максвитис поднесе оставка во јули откако не успеа да се квалификува за Олимписките игри во Париз.
Куртинаитис (64) беше назначен за тренер на Сабах на почетокот на годината, а претходно ги водеше Волвс, Химки, Лиетувос Ритас, Канта, Рига, Сласк, Сакалаи, Урал и Гала Баку.
На клупата на Литванија ќе дебитира во ноември на натпреварите против Македонија во квалификациите за ЕП 2025 година.
Спорт
Сестрата на Роналдо за Касано: Не знам кој е тој бедник
Поранешниот играч на Рома, Милан, Интер и Реал Мадрид, Антонио Касано, познат по директните и контроверзни изјави, неодамна го критикуваше Кристијано Роналдо.
Португалецот е единствениот играч во историјата на фудбалот кој ја надминал бројката од 900 гола на официјални натпревари, но тоа не го спречи Касано да дојде до заклучок дека „Роналдо не знае да игра фудбал“.
Поранешниот италијански репрезентативец (42) гостуваше во подкастот на „Viva el Futbol“ и го коментираше Роналдо.
„Кристијано Роналдо не знае да игра фудбал, може да постигне 3000 голови, не ми е гајле… Игуаин, Агуеро, Бензема, Левандовски, Ибрахимовиќ и Суарез знаат како да играат со остатокот од тимот, а единствената занимација на Роналдо е да дава голови.“
Овие зборови на Касано наиде на негодување кај многумина, меѓу кои и сестрата на Роналдо, Елма Авеиро. Што мисли за Касано, а што за нејзиниот брат, откри на Инстаграм.
„Не го познавам тој бедник и не ми е гајле за него. Ми велат дека бил фудбалер, мислам дека грешат. Беше собирач на топки. Но, ќе ви кажам една работа. Ако Кристијано не знае да игра и постигна 900 гола, само замислете што би било кога би знаел да игра“, напиша таа.
Спорт
Иниеста заминува во пензија
Андрес Иниеста, еден од најдобрите играчи за врска на сите времиња, на социјалните мрежи објави видео со кое го најави крајот на големата кариера.
Тоа ќе го направи следниот вторник (8.октомври) во Барселона, градот во кој ги доживеа најубавите фудбалски моменти, на денот од месецот што одговара на бројот на дресот што го носеше во текот на брилијантната кариера.
Иниеста моментално е играч на Емирати на кој му се приклучи минатата година, а сега се чини дека засекогаш го напушта фудбалот.
COMING SOON🔜8️⃣🔟2️⃣4️⃣ pic.twitter.com/H0eaSKkTwU
— Andrés Iniesta (@andresiniesta8) October 1, 2024
Минатата година во јули по пет години го напушти јапонскиот клуб Висел Кобе. Иако со него освојуваше и трофеи, јасно е дека ќе остане запаметен како икона на Барселона и легенда на шпанската репрезентација.
Со Барселона освои девет шампионски титули на Шпанија, четири титули во Лигата на шампионите и вкупно 29 трофеи. Со репрезентацијата на Шпанија беше прв на Светското првенство во 2010 година и на две последователни ЕП во 2008 и 2012 година.
Иниеста стана херој и обожуван во цела Шпанија поради голот прптив Холандија во 117.минута со кој „црвената фурија“ го освои Мундијалот во Јужна Африка.
Кариерата на Иниеста:
Шпанија: 131 натпревар, 14 гола, 30 асистенции
Барселона: 674 натпревари, 57 голови, 135 асистенции
Висел Кобе: 134 натпревари, 26 гола, 25 асистенции,
Емирати: 23 натпревари, 5 гола, 1 асистенција