Спорт
Александер од Јамајка 46.во велеслалом: Сега сакам масажа и пиво

Бенџамин Александер е првиот скијач од Јамајка со учество на Зимските олимписки игри. Тој настапи во велеслалом, на крајот заврши на 46.место.
Трките во велеслалом се одржаа во исклучително тешки временски услови, поради што голем број од натпреварувачите останаа без пласман.
По првата трка, Александер беше 54., на крајот го освои 46.место.
„Ова беше неверојатно тешко. Ова беше за сите оние кои говореа дека не ми е местото тука“, рекол 38-годишниот Александер.
Скијачот од Јамајка, од новиот олимписки шампион, Марк Одермарт, имаше послаб резултат за девет секунди и 17 стотинки.
„Многу сум уморен. Сакам масажа и пиво. Ова е најтешката работа што сум ја направил некогаш. Сакав да ја завршам трката. Некои од најдобрите во светот не завршија, а јас сум пред нив. Знаете јас првата трка ја возев пред две години, секако дека не е возможно да се натпреварувам со луѓе кои ова го прават 20 години, не се обидов да го направам тоа. Сакав само да ги завршам трките“, заклучил Александер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Браќата Кари ќе бидат соиграчи во Голден Стејт Вориорс

Стеф и Сет станаа соиграчи во Голден Стејт, откако франшизата од Сан Франциско одлучи да го ангажира „помалку популарниот“ Кари пред почетокот на сезоната, кој на тој начин доби можност да игра со својот брат.
Сет кој во текот на кариерата бележи респектабилни 43,3 проценти во шутот за три поени, ќе го потпише таканаречениот договор „ Exhibit 9 “ што му овозможува да го помине тренинг кампот со Голден Стејт, а потоа ќе биде отпуштен и повторно ангажиран за еден месец.
Планот е да помине низ подготовки со Вориорс и да се избегнат понатамошни даноци, а потоа на почетокот на регуларната сезона повторно ќе биде на располагање на Голден Стејт.
Вориорс со овој потег добија дополнително решение на надворешните линии и докажан ветеран (34) кој може да направи разлика влегувајќи од клупата.
Станува збор за играч кој во текот на кариерата забележал 10 поени по натпревар во 550 настапи во НБА.
Минатата сезона го носеше дресот на Шарлот, каде што, влегувајќи од клупата, забележа одлични проценти за три поени (45,6%), а со оглед на натпреварувачкиот дух што го дели со својот брат, не би било изненадувачки ако ја надмине магичната бројка од 46,8% што ја имаше додека го носеше дресот на Бруклин пред четири сезони.
Фото/ Принтскрин
Спорт
Карагер: Поради Вирц, Ливерпул не игра фудбал туку кошарка

Џејми Карагер, поранешен капитен на Ливерпул, жестокот го нападна својот поранешен тим по поразот од Галатасарај во Лигата на шампионите. „Црвените“ загубија во Истанбул со голот на Виктор Осимен од пенал. Ова е втор пораз за Ливерпул во само неколку дена, откако во саботата беа поразени од Кристал Палас (2:1) во Премиер лигата.
Џејми Карагер, за Си-би-ес рече дека овој Ливерпул не може да се спроедува со Ливерпул од минатата сезона.
„Она што го гледам не е врвен тим. Ливерпул не игра фудбал во моментов. Ливерпул игра кошарка. Тие само трчаат од едниот до другиот крај на теренот, врвните тимови не играат така“.
Клубот пред почетокот на новата сезона вложи речиси 500 милиони евра во нови играчи, но барем засега тоа не се чувствува на теренот.
„Минатата сезона сè помина лесно, сега навистина Арне Слот мора да си ја заработи платата. Беше неверојатен минатата година, ја освои Премиер лигата, но има некои проблеми што мора да ги реши и ќе видиме како ќе го направи тоа. Бидејќи потрошија многу пари. Против Њукасл, имате играч повеќе, а Њукасл те растура во второто полувреме. Тоа не смее да се случува. Кристал Палас создаде седум големи шанси во саботата. Ниеден голем клуб од Премиер лигата не им дозволил толку многу оваа сезона на противниците. А Ливерпул е шампион. Можеше да се претпостави дека ќе биде вака, ова не е шок. И тренерот мора да го поправи ова.“
Карагер нема дилема дека Слот треба да смени нешто во стратната постава и знае кој треба да биде испратен на клупата.
„Во моментов нема рамнотежа во тимот и сосема е јасно дека отскокнува Флоријан Вирц. Тој воопшто не е во трката. Тој е млад човек кој штотуку пристигна во нова лига, има доволно време да успее како играч на Ливерпул, но мислам дека сега мора да испадне од почетните 11. Ливерпул мора да се врати на она што беше минатата сезона, од одбранбена цврстина да гради самодоверба. Бидејќи ова сега е целосен хаос. Нема врска овој пораз. Вакво нешто се „црташе“ од првиот ден“, заклучува Карагер.
Навивачите предлагаа Ливерпул да потроши уште повеќе, да купи стопер, Карагер сепак смета дека тоа не е најголемиот проблем.
„Нов стопер нема да го реши ова. Стоперот ќе го заземе само местото на Конате. Проблемот е да се изгради тим со двајца офанзивни крилни бекови и десетка на која е поважно да знае кога треба да застане на топката, отколку да се брани од неа, како што правеше Доминик Собослај минатата сезона. Ако продолжи вака, Ливерпул нема да ја одбрани шампионската титула.“
Foto/ EPA
Спорт
Синер доминантно до титулата во Пекинг

Италијанскиот тенисер Јаник Синер ја освои титулата на турнирот од серијата АТП 500 во Пекинг. Во финалето го победи Американецот Лернер Тиен во два сета со 6:2, 6:2.
Кога не игра финале против Карлос Алкараз, за Јаник Синер нема проблем. За само 74 минути, Италијанецот ја освои својата трета титула оваа година, вкупно 21-ва неговата кариера.
Италијанецот покажа дека сака да игра во Пекинг. Тој стигна до финалето трета година по ред и ја освои својата втора титула во кинеската престолнина. Лани, во финалето загуби од Алкараз.
Младиот 19-годишен Тиен, за кого ова беше прво АТП финале, немаше шанси против Италијанецот. Во првиот гем доживеа брејк и тој сет заврши за 35 минути. Вториот сет траеше четири минути подолго, а Тиен се држеше до петтиот гем. Во него, Синер направи брејк за 3:2, а потоа нанижа уште четири гема за новата титула.
Foto/ EPA