Спорт
Алфа Ромео со „камуфлажен“ болид, Вилијамс на новиот болид без името на Сена
Стартот на новата Ф1 сезона наближува и тимовите се многу поактивни со своите обврски и презентации. Последни на оваа листа се Алфа Ромео, кои имаа „шејкдаун“ тест на својот болид, додека Вилијамс го презентираа својот нов болид.
Новиот болид на швајцарскиот тим Алфа Ромео (поранешните Заубер), Ц42 треба да биде последен претставен, но на социјалните мрежи се појавија спектакуларни фотографии од нивниот тест на италијанската патека Фиорано со двајцата нови возачи, финскиот ветеран Валтери Ботас и кинескиот дебитант Гуају Жоу.
The Alfa Romeo C42 on track at Fiorano! ? #F12022 | #F1 pic.twitter.com/2R2yHyqZgz
— Paul McGinnes ? (@PaulMcG92) February 15, 2022
Вилијамс, пак, откако беа откупени од американската инвестициска компанија Дорлитон капитол, го претставија својот нов болид за 2022, со едно необично отсуство – славното Ѕ-лого во чест на Аиртон Сена.
Вилијамс на своите болиди имаа посвета кон Бразилецот по неговото загинување на Сан Марино ГП трката во 1994 година, по само неколку трки со тимот по трансферот од Мекларен. Но, шефот на тимот, Јост Капито потврди дека нема да го има логото бидејќи тимот решил да „гледа кон иднината“, но посочи дека тимот ќе продолжи да му оддава почит на Сена на поинаков начин.
Вилијамс во новата сезона влегуваат со искусниот Канаѓанец Николас Латифи и со поранешниот возач на Ред бул, Александер Албон.
Welcome to the new era. Introducing the FW44 ? pic.twitter.com/nkOIOYmhpO
— Williams Racing (@WilliamsRacing) February 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.