Спорт
Алфа Таури го потврдија Гасли за 2023

Алфа Таури потврди дека францускиот возач Пјер Гасли останува во тимот и во 2023 година, ставајќи крај на сите шпекулации околу неговата иднина.
Ова значи дека Гасли ќе остане обврзан со програмата на Ред бул преку јуниорскиот тим, со кој во 2020 славно стигна до победа на Италијанското ГП. Откако Серхио Перез го продолжи договорот со Ред бул, стана јасно дека Гасли нема да може да се врати во главниот тим барем до 2025 година.
„Со овој тим сум веќе пет години и горд сум на тоа што го остваривме заедно. Пресреќен сум што останувам со Скудерија Алфа Таури. Новите правила донесоа нов предизвик и нов шанса за развој за иднината“, вели Гасли.
Со оваа потврда речиси сигурни во 2023 година ќе има мало движење на пазарот на возачи. Шпекулациите велат дека Ф2 шампионот, Оскар Пјастри ќе го замени Николас Латифи во Вилијамс, а единствено потенцијалната одлука на Себастијан Фетел да се пензионира може да донесе празно место во Астон Мартин.
he's not going anywhere! ? @PierreGASLY stays with the team for 2023! ?
read more ? https://t.co/tRJojqwwHQ pic.twitter.com/JsW0WIdVRV
— Scuderia AlphaTauri (@AlphaTauriF1) June 24, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ФИФА сака Светско првенство со 64 репрезентации

ФИФА, сериозно размислува за идејата Светското првенство во 2030 година да биде проширано на 64 репрезентации.
Според извори на „Оле“, ФИФА ќе го поддржи предлогот на Јужноамериканската фудбалска конфедерација (КОНМЕБОЛ) за проширување на бројот на учесници на турнирот на рекорден број.
Во тој случај, натпреварувањето би било организирано во 16 групи, каде што секоја група би имала по четири репрезентации. Двете најдобро пласирани репрезентации од секоја група би се пласирале во нокаут фазата.
Натпреварите на Светското првенство во 2030 година ќе се играат во Шпанија, Португалија, Мароко, Аргентина, Парагвај и Уругвај.
Три од натпреварите од групната фаза би се играле целосно во јужноамериканските земји, додека остатокот од турнирот би се играл во Европа и Африка.
ФИФА веќе го прошири бројот на учесници на турнирот – од 32 на 48 репрезентации. Светското првенство во 2026 година ќе биде првото во историјата со 48 репрезентации.
Светското првенство во 2026 година ќе се одржи во Мексико, Канада и Соединетите Американски Држави, додека домаќин во 2034 година ќе биде Катар.
Спорт
Леао: За малку ќе завршев во Интер

Рафаел Леао е еден нјдобрите трансфери на Милан во последните пет години. Крилниот напаѓач гостувајќи во еден подкаст откри дека пред да потпише договор со Милан, Интер бил сериозно заинтересиран за него.
Кога португалскиот офанзивен играч го носеше дресот на Лил, Интер беше првиот што затропа на вратата, во летото 2019 година.
Леао не бил расположен за трансфер на „Џузепе Маца“, иако францускиот клуб се залагаше тој трансфер да се случи. Неколку недели подоцна, решил да ја прифати понудата на Милан.
„Спортскиот директор ми рече дека ќе ме продаде на Интер. Реков не, сакам да останам уште една година за да се подобрам и зацврстам мојата позиција. Тој инсистираше: зборуваше за пари, за можности. Но, јас не се предомислив. По неколку недели, тој ми одговори: „Милан е тука“. Веднаш реков да. Два дена подоцна, ми кажа дека има конкретна понуда и дека некој сака да ми се јави. Тоа беше Паоло Малдини, на видео. Ми рече: „Мора да дојдеш, ние сме подготвени да те примиме“. Не можев да одбијам“, рече Леао, додавајќи:
„Како дете, ги гледав Роналдињо, Роналдо, Кака, Сидорф: тие беа историја. Седум титули во Лигата на шампионите, втори веднаш зад Реал Мадрид. Помеѓу Милан и Интер, би го избрал Милан сто пати.“
Foto/ EPA
Спорт
(Видео) Борг: Ѓоковиќ е ГОАТ, Федерер и Надал го делат второто место

Легендарниот тенисер Бјорн Борг вели дека Новак Ѓоковиќ е најголемиот (Г.О.А.Т) на сите времиња.
„Ѓоковиќ, за мене, е најголемиот кој некогаш го играл овој спорт. На второто место се Федерер и Надал, тие се изедначени“, рече Борг во интервју за „Скај Спорт“.
Новак има 38 години, но сè уште се бори за најголемите трофеи. Тој е единствениот оваа сезона кој стигна до сите четири полуфиналиња на Гренд Слем, заедно со Јаник Синер.
„Ќе му биде тешко со Синер, Алкараз и другите, но сè уште може да го направи тоа. Се надевам дека ќе има мотивација да игра барем уште една сезона“, додаде Борг.
"Djokovic, for me, is the greatest player to have ever played the game"
Bjorn Borg weighs in on the GOAT debate 🐐 pic.twitter.com/mZyOQ9Znt9
— Sky Sports Tennis (@SkySportsTennis) September 23, 2025