Спорт
Алиоски доаѓа во Трабзонспор на едногодишна позајмица

Македонскиот репрезенатативец Езгјан Алиоски ќе потпише едногодишен договор со турскиот шампион Трабзонспор и ќе дојде во клубот како позајмен играч од Ал-Ахли. Тој има уште една година од актуелниот договор со Ал – Ахли иако имаше најави и за негово раскинување со оглед дека клубот испадна од елитата на Саудиска Арабија.
Сепак, и доколку тоа не се случи, веројатно дека ќе биде склучен договор меѓу двата клуба за едногодишна позајмица на Алиоски во Трабзонспор.
Македонецот ќе заработува два милиони евра во турскиот првак, плус дополнителни бонуси за успеси, со кои заработката би можела да се искачи и до три милиони евра за претстојната сезона.
Според турските медиуми, се е договорено, а Алиоски треба да стави потпис на едногодишен договор со Трабзон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лук де Јонг му пресуди на Монако, Динамо Киев силен во продолженијата

ПСВ Ајндховен ја доби битката против Монако со 3:2, по продолженија, и се пласира во плејофот за групна фаза во Лигата на шампионите. Лук де Јонг го постигна победничкиот гол за холандскиот тим во 109.минута од мечот.
Во регуларниот дел, Гутиерез го спаси ПСВ од елиминација откако во 89.минута израмни на 2:2.
Динамо Киев исто така по продолженија славеше со 1:2 против Штурм. Австрискиот тим по регуларниот тек победи со 1:0, но тоа го одведе мечот во продолженија. Вивчаренко и Циганков беа стрелци на головите за украинскиот тим.
Глазгов Ренџерс го елиминира белгискиот Ројал Унион славејќи со 3:0 на домашен терен. Белгијците по првиот меч имаа предност од 2:0.
Спорт
Шамрок и вторпат подобар од Шкупи, кој ќе игра плејоф за Конференциската лига на УЕФА

Македонскиот првак Шкупи загуби од Шамрок Роверс со 1:2 на реваншот во Скопје и ќе мора да се задоволи со плејоф за групите во Конференциската лига на УЕФА. Ривал ќе му биде косовскиот Балкани или Клаксвик од Фарски Острови.
Тимот на Гоце Седлоски најавуваше триумф, меѓутоа не успеа да го оствари против Шамрок. Голманот Кристијан Наумовски во првиот трипати имаше добри реакции и ја сочува мрежата, Сенгор спаси на гол-линијата, но, сепак, Шамрок дојде во водство во 65.минута со голот на Рори Гафни. Тој шутираше од 25 метри и го надмудри Наумовски кој беше излезен од петерецот.
Потоа Шкупи тргна на се или ништо, а Шамрок тоа го искористи за да постигне уште еден гол во 85.минута преку Аидомо Емаку.
Сандеј Адетунџи во судиското продолжение го постави конечниот резултат.
Спорт
Динамо Загреб со втор триумф над Лудогорец се чекираше во плејоф за групите во ЛШ

Македонските репрезентативци Аријан Адеми и Стефан Ристовски со Динамо Загреб ќе играат во плејофот за пласман во групите од Лигата на шампионите против Бодо/Глимт, откако вечерва на „Максимир“ славеа против Лудогорец со 4:2. Хрватскиот првак победи со 1:2 и на првиот меч во Бугарија.
Мислав Оршиќ беше двоен стрелец, а Јосип Дрмиќ го отвори резултатот на асистенција на Ристовски, а четвртиот гол беше дело на Бруно Петковиќ од пенал.
Лудогорец остана со дури тројца фудбалери помалку во текот на мечот поради исклучувања, а двоен стрелец беше Кирил Десподов.