Спорт
Алкараз повторно го освои Вимблдон, го прегази Ѓоковиќ во финалето

Очекувавме спектакл, можеби повторно меч во пет сета, но наместо тоа добивме убедлив триумф на Карлос Алкараз над Новак Ѓоковиќ. Во големото финале на Вимблдон, втора година по ред, Карлос Алкараз беше подобар, само овојпат многу убедливо – 6:2, 6:2, 7:6 (7-4)
Ѓоковиќ, сопственик на 24. Грен слем трофеи го одигра веројатно најлошото финале во кариерата. Два сета не беше присутен на теренотет, што му овозможи на Алкараз да создаде конфорна предност и до крајот Шпанецот го покажа целиот раскош на својот талент.
Шпанецот се уште е непоразен во финалињата на Грен слем турнирите, има скор од 4-0, додека Ѓоковиќ останува на 24 титули (ова му беше 37 финале).
Се тргна наопаку од самиот почеток, Ѓоковиќ беше скршен веќе во првиот гем, премногу често и без причина одеше до мрежата, а Карлос не мораше да направи ништо спектакуларно за да дојде до сетот и да дојде до брејк предност во вториот.
Опкружен со тоа и Алкараз го крева нивото на својата игра, а Ѓоковиќ само во еден краток период во третиот сет личеше на себе. Во третиот гем спаси четири брејк топки, главно со одлични сервиси, а во шестиот гем се закани, ни и тогаш Карлос имаше одговор – спаси една брејк топка и стигна до 3:3.
Единствената вистинска драма ја видовме на крајот од третиот сет – Алкараз направи брејк и сервираше за меч, стигна до три последователни меч топки, а потоа малку му се стегна раката. Загуби пет поени во низа и Новак се врати во живот, Ѓоковиќ сепак не успеа да го искористи тој моментум, туку само го одложи поразот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Еспањол има нови газди

Шпанскиот фудбалски клуб Еспањол од Барселона има нови сопственици.
Од четврток, каталонскиот клуб официјално е во рацете на американската компанија „Velocity Sports Partners (VSP)“, која пак е дел од поголемата група „ALK Capital“, во сопственост на Американецот Алан Пејс.
VSP го купи поголемиот дел од пакетот акции (99,66%) по цена од 130 милиони евра, според шпанските медиуми.
Претходниот сопственик на клубот, кинеската компанија „RASTAR“, ќе остане дел од управувачката структура, во иднина со малцински удел – поточно со процент од 16,45% (по купувањето на дел од акциите по цена од 65 милиони).
Компанијата VSP го поседува и англискиот премиерлигаш Барнли во своето портфолио.
Во соопштението се вели дека VSP е „подготвен да ја заработи довербата и поддршката на заедницата преку конкретни акции, одразувајќи ги вредностите на транспарентност и долгорочна посветеност што ја водеа неговата работа и во Барнли“.
Спорт
(Видео) Асамоа во критична состојба, го скрши вратот удирајќи во реклама

Самуел Асамоа, 31-годишен играч од средниот ред на Того, е во критична состојба и се соочува со „висок ризик од параплегија“ по сериозен судир со билборд за време на натпревар од втората кинеска лига.
Асамоа играше за Гуангси Пинггуо против Чонгкинг Тонглијанглонг, а по дуелот со противничкиот играч, со главата удрил во билборд до теренот и паднал на тревата.
Лекарите реагирале брзо, а клубот објави дека Асамоа претрпел повеќекратни фрактури на вратот и сериозно оштетување на нервниот систем.
Асамоа бил опериран и ќе го пропушти остатокот од сезоната, но неговата кариера е во сериозна опасност. Ова е затоа што параплегијата значи губење на способноста за движење на долните делови од телото.
Chongqing Tongliang Dragon defeated Guangxi Pingguo Haliao 2:0 to regain momentum. The referee, however, seemed to turn a blind eye to their rough challenges. As per Guangxi's medical report, Samuel Asamoah has injured spinal cord. His future career – even life, is at risk. pic.twitter.com/dfV5CvYO75
— China Sports Vision 2050 (@CSV2050) October 6, 2025
Асамоа одигра шест натпревари за репрезентацијата на Того. Поголемиот дел од својата кариера го помина во Белгија, а во 2021 година се пресели во Романија. Од минатата година е во Кина.
Спорт
Белгискиот чудотворец ќе го преземе Монако

Белгиецот Себастијан Поконоли (38) сигурно ќе биде новиот тренер на Монако.
Француските и белгиските медиуми пишуваат дека Монако веќе презел конкретни чекори за да ја започне сезоната со ново име на клупата по репрезентативната пауза.
Сегашниот тренер Ади Хитер сè уште го води тимот, но, како што се наведува, само прашање на време е кога ќе добие отказ.
Во клубот од Монте Карло не се најзадоволни од начинот на кој оди сезоната, иако резултатите не се толку лоши за да се преземе таков радикален чекор.
Монако е петти на табелата во Лига 1, само три бода помалку од лидерот ПСЖ, но одредени неуспеси и два убедливи порази го наведоа раководството да размислува за смена на тренерската позиција.
Монегаските „Монегас“ беа поразени со 4:1 од Бриж на почетокот од Лигата на шампионите, 3:1 од Лориен во првенството, а последната капка беше нерешено со Ница (2:2) во последното коло во натпревар во кој Монако имаше играч повеќе еден час.
Белгиските медиуми во четвртокот напишаа дека Поконоли веќе може да се смета за нов тренер на Монако, клубот веќе пронајде замена за него (Рик де Мил од Шарлроа), освен тоа, тој дури и не го водеше последниот тренинг на тимот.
Неговиот помошник Кевин Миралас, кој е специјализиран за работа со напаѓачи, ќе пристигне во Монако „во пакет“ со него.
За потсетување, Унион Сен-Жило сензационално ја освои титулата минатата сезона, откако победи на девет од десет натпревари од плејофот во Белгија.
Претходно, регуларниот дел од сезоната го заврши на третото место.
За историскиот успех на клубот и првата титула по 90 години, најголемата заслуга му припаѓа на Поконоли, чија последна сезона беше прва независна во неговата тренерска кариера.