Спорт
Алонсо: Луис, добредојде во мојот свет
Возачот на Алпин, Фернандо Алонсо ги коментираше маките на Мерцедес на почетокот на сезоната во Формула 1.
Двократниот светски шампион често беше во болиди кои не ги следат неговите возачки способности, вели дека неговиот ривал Луис Хамилтон сега ги разбира проблемите со кои се соочувал во текот на кариерата.
„Таков е спортот. Понекогаш имате подобар автомобил, а понекогаш немате. Дефинитивно треба да се борите и да се трудите да напредувате. Оваа сезона гледаме дека возачките вештини се важни, но не и пресудни. Луис вози добро, исто како и претходните осум години. Беше доминантен и ги собори сите рекорди. Има околу 100 пол позиции. Ако сега вози извонреден круг, ќе заостане една секунда… Добре дојдовте во мојот свет“, рече Алонсо во интервју за Би-би-си, додавајќи:
„Тоа е Формула 1. Не е секогаш фер. Пред се, тоа е тимски спорт и често го забораваме тоа, особено кога сме успешни. И покрај обидот да се сподели радоста со тимот, сите наслови се за возачите. Тоа ми се случи кога ги освоив титулите во 2005 и 2006 година, го победив Михаел Шумахер. Се зборуваше за тоа, а мојот болид беше побрз и посигурен, и не можам доволно да му се заблагодарам на тимот и покрај тоа што не му беше посветено внимание на јавноста. Така е и со Луис. Повеќе од 100 пати бил на пол-позицијата, тоа е незамисливо. Со години го имаше најдобриот тим“.
Алонсо потоа продолжи да ја објаснува важноста на болидот.
„Другите возачи исто така би завршиле на 15-та позиција, и покрај нивните исклучителни перформанси – како да им се објасни тоа на луѓето? Хамилтон заслужува се што постигна, но ова е добар потсетник дека тимот и болидот имаат добар удел во сите успеси и рекорди“.
Алонсо и Хамилтон возеа заедно за Мекларен во 2007 година. Британскиот тим водеше голема битка со Ферари, а Кими Раиконен ја освои титулата благодарение на нивното ривалство. Луис сега го има Џорџ Расел покрај себе, а Фернандо вели дека перформансите на 24-годишниот возач не треба да изненадуваат.
„Џорџ е многу брз, тоа го покажува веќе неколку сезони. Верувам дека сите очекуваа тој да му биде достоен конкурент на Луис. Сепак, верувам дека на крајот Хамилтон ќе биде подобро пласиран од неговиот тимски колега. Досега возевме пет трки, но кога ситуацијата ќе стане предизвикувачка со развојот на сезоната, Луис ќе го искористи своето искуство и умешност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дуплантис прогласен за најдобар спортист во Европа
Шведскиот атлетичар, скокачот со стап Арманд Дуплантис e избран за најдобар спортист во Европа во 2025 година во традиционалниот избор на европски новински агенции организиран од полската агенција ПАП.
Девет европски агенции му дадоа на Дуплантис максимален број поени, а четири агенции го ставија на второто место.
На Светското првенство во Токио оваа година, Дуплантис постави нов светски рекорд во скок со стап со скок од шест метри и 30 сантиметри.
Полската новинска агенција, ПАП, оваа награда ја доделува од 1958 година.
Тенисерите Новак Ѓоковиќ (2011, 2015, 2018, 2021 и 2023 година) и Роџер Федерер (2004, 2005, 2006, 2007 и 2009 година), по пет пати ја освоиле оваа престижна награда.
Меѓу поранешните добитници на престижната награда се сите великани на европскиот спорт, фудбалерот Кристијано Роналдо, тенисерот Рафаел Надал, атлетичарите Себастијан Коу и Сергеј Бубка, возачите на Формула 1 Мика Хакинен, Најџел Мансел, Себастијан Фетел, Михаел Шумахер и Луис Хамилтон, тенисерките Мартина Хингис, Ига Швионтек и Штефи Граф, велосипедистот Еди Меркс, гимнастичарката Надја Команечи и други.
Foto/ depositphotos
Спорт
Нови масовни апсења во Турција – паднаа 14 фудбалери
Нов бран апсења во Турција спроведе локалната полиција по налог на обвинителството, кое со месеци истражува осомничени за наместување на голем број фудбалски натпревари.
Во новата акција спроведена во петокот, уапсени се дури 29 лица, од кои 14 биле фудбалери, а 24 од нив се задржани во притвор, објавија локалните медиуми, цитирајќи го соопштението на Јавното обвинителство во Истанбул.
Ова е втор бран масовни апсења во Турција, по она што го потресе турскиот фудбал на почетокот на ноември.
Во тоа време, шест фудбалски судии и претседателот на прволигашкиот тим Ејупсопра беа лишени од слобода.
За потсетување, истрагата за обложување во турскиот фудбал заврши на 27 октомври 2025 година, кога Турската фудбалска асоцијација објави дека внатрешна ревизија пронашла докази за широко распространета активност на обложување.
Беше откриено дека мрежата за обложување вклучувала стотици судии на кои, според кодексот за интегритет на ФИФА и УЕФА, им е забрането да се занимаваат со било каков вид коцкање, вклучително и само да имаат сметка за обложување.
Претседателот на Турската фудбалска асоцијација, Ибрахим Хаџиосманоглу, ги опиша доказите како „пресвртница за турскиот фудбал“ и вети дека ќе спроведе реформи насочени кон враќање на довербата на јавноста во судењето.
На почетокот на 2025 година, турскиот фудбал воведе построги контроли врз судиите.
Во февруари, судијата на листата на ФИФА, Јашар Кемал Угурлу, поднесе оставка откако беше откриено дека е поврзан со коцкање во казино лоцирано во Северен Кипар.
Во септември, неколку судии поднесоа кривични пријави против Асоцијацијата, обвинувајќи го тоа тело за мобинг, неправедна распределба на натпревари, но и за притисок за фаворизирање на одредени клубови, што доведе до судски истраги.
Овие настани ја наведоа Федерацијата да започне национална ревизија на финансиските активности на судиите, фокусирајќи се на потенцијални прекршувања на правилата за обложување.
Во април 2025 година, Канцеларијата на Генералното јавно обвинителство во Истанбул започна истрага за обложувањето, земајќи ги предвид некои судии.
Како резултат на оваа истрага, и откако некои судии поднесоа жалби, Главното јавно обвинителство во Анталија отвори истрага против Централниот комитет на судии. Случајот потоа беше префрлен во Главното јавно обвинителство во Истанбул поради недостаток на надлежност.
После тоа, двете истраги беа споени и водени како еден случај.
Спорт
Иниње за враќа во Серија А, ќе работи со поранешниот тренер
Поранешниот италијански репрезентативец Лоренцо Инсиње (34), чиј договор со Торонто истече, би можел да потпише за Лацио во зимскиот преоден рок, објавија италијанските медиуми.
Клубот од Рим е подготвен да му понуди шест месечен договор со можност за продолжување за дополнителна сезона. Во прилог на неговото доаѓање во Лацио е фактот дека повторно би соработувал со тренерот Маурицио Сари.
Италијанскиот крилен напаѓач ги имаше најдобрите натпревари во кариерата додека Сари му беше тренер во Наполи. Во тоа време, Инсиње имаше двоцифрен број на постигнати голови, во неколку последователни сезони, а најдобрата статистика ја постигна во сезоната 2016/17, кога постигна 20 гола и забележа 11 асистенции.
Инсиње играше за Наполи осум сезони, а во летото 2022 година замина во МЛС лигата кога потпиша за Торонто. Оваа година беше неговата најлоша во дресот на Торонто, постигна само еден гол на 12 натпревари.
Постигна десет гола и исто толку асистенции на 54 натпревари за италијанската репрезентација. Тој последен пат настапи во дресот на националната репрезентација, со која го освои Евро 2020, во март 2022 година.
Foto/ depositphotos
По случајот со починатото новороденче на ГАК, Комисијата за стручен надзор констатирала дека реанимациската постапка е спроведена по протокол
Комисијата за стручен надзор за случајот со починатото новороденче на ГАК констатирала дека реанимациската постапка е спроведена по протокол, соопшти...
Се наплаќале ПАП-тестови и други услуги што ги покрива Фондот за здравство: извршени контроли поради претставки од граѓаните
Денес, директорите на Управата за јавни приходи и Фондот за здравствено осигурување одржаа заедничка прес-конференција на која го презентираа извештајот...
Дислокацијата на цементарницата не е проблем, но не може како на шведска маса да бираме што да анализираме, а што не, вели Мицкоски
Премиерот Христијан Мицкоски смета дека решението за воздухот во Скопје е системско, кое ќе понуди алтернативен начин за загревање на...
Мицкоски: Набавени нови 120 полициски возила за униформираната полиција
Безбедноста и расчистувањето на криминалот и корупцијата во државата се наш врвен приоритет како Влада, а Министерството за внатрешни работи...
Беким Сали ја презеде функцијата министер за европски прашања
Денеска, во Министерството за европски прашања беше извршено примопредавање на функцијата министер за европски прашања по вчерашната одлука на Собранието,...
Пановски предупредува: Се шират лажни видеа со мојот лик, не купувајте такви производи
Микробиологот, професор и доктор Никола Пановски преку објава на Фејсбук предупреди дека повторно се шират лажни видеа и реклами со...
Советот на Град Скопје изгласа иницијатива за дислокација на цементарницата „Усје“
Советот на Град Скопје едногласно ја прифати иницијативата за дислокација на цементарницата „Усје“, поднесена од Зелен хуман град, по 13-часовна...
Уапсен кумановец на Табановце, шверцувал стари монети
Полицијата уапси кумановец на Граничниот премин Табановце, во неговото возило биле пронајдени стари монети. Вчера во 20:18 часот на Граничен...
Филипче да одговори дали има удел во бизнисот на Заев за изградба на 42-катницата во Дубаи, бара ВМРО-ДПМНЕ
СДС продолжува на дневна основа да штанца долги, бесмислени и конфузни соопштенија без никаква суштина, но ги нема збор да...
Полска пресретна руски авион над Балтикот, воздушниот простор е нарушен од Белорусија
Полска испрати борбени авиони да пресретнат руски извидувачки авион што леташе близу до нејзиниот воздушен простор над Балтичкото Море и...
Дали Зеленски ќе го исполни барањето на Трамп: Се разгледува одржувањето на претседателски избори
Првиот заменик-претседател на украинскиот парламент, Олександр Корниенко, го објави почетокот на работата на работната група која ќе се занимава со...
Министерот Стоилковиќ објави видео од канцеларија со импровизирани кревети во кои работеле службеници од ДУИ
Министерот за односи меѓу заедниците, Иван Стоилковиќ, објави снимка на социјалните мрежи на која, според него, е прикажана канцеларија во...
Мицкоски: Лага е дека има договор за мигранти, граѓаните да бидат спокојни
„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил,...
„Чичко, прскај нè оти така полесно дишеме“: Николов со потресно сведочење за трагедијата во„Пулс“
На денешното судско рочиште за трагедијата во дискотеката „Пулс“, сведокот Дејан Николов, сопственик на автосервис во близина на дискотеката, во...
(Видео) Филипче до Мицкоски: Граѓаните ли се талог затоа што ја критикуваат власта?
Претседателот на СДСМ, Венко Филипче, на денешната седницата за пратенички прашања во Собранието го праша премиерот Христијан Мицкоски дали кога...
Од водите на Вардар извлечено тело на машко лице
Вчера во 14:20 часот во СВР Скопје е пријавено дека околу 11:00 часот во водите на река Вардар, во атар...
Мицкоски: Груби побара да се избрише балансерот и за тоа ДУИ им должи извинување на граѓаните Албанци
Претседателот на Владата, Христијан Мицкоски на денешната собраниска седница за пратенички прашања истакна граѓаните треба да ја знаат вистината дека...
(Видео) Дали Венко, кој има златна виза за Дубаи, е партнер на Заев во градењето на 40-катницата во Дубаи, прашува Манасиевски
„Денес откриваме нови факти за бизнисите на Зоран Заев и Венко Филипче во Дубаи. По сведоштвото од страна на Томе...
Нацев кажа дека не бил во земјата кога се случи пожарот во „Пулс“ и се пожали на медиумски и јавен линч од безбедносни аналфабети
Судот ги слушна воведните зборови на сите 35 физички и три правни лица обвинети за пожарот во кочанската дискотека „Пулс“,...
Ѓорѓиевски за состојбата во која е затекнат Градот: Наследивме катастрофални 40, а сега имаме 400 милиони денари на сметка
На денешната седница на Советот на Град Скопје, Орце Ѓорѓиевски, градоначалник на град Скопје, се обрати со јасна и отворена...
