Миле Свилар, голманот на Рома и официјално најдобриот голман во Серија А, во минатата сезона, повторно ја одби поканата на тренерот Вељко Пауновиќ да игра за српската репрезентација. Иако дебитираше за Србија кога селектор беше Драган Стојковиќ Пикси, Свилар повеќе не сака да брани за Србија.

Голманот, роден во Белгија, во март минатата година одлучи дека нема да одговори на повиците на поранешниот селектор Стојковиќ, а истата одлука важи и денес, и покрај промената на клупата на српската репрезентација.

Свилар сака да игра за белгиската репрезентација, но според правилата на ФИФА, тоа повеќе не е можно бидејќи веќе има еден настап за Србија, на пријателски натпревар против Кипар.

Сепак, тој јасно стави до знаење – повеќе не сака да брани за Србија и сака да се врати во белгискиот фудбал.

Свилар прво ја одби поканата од тогашниот селектор Стојковиќ, на 5 март 2024 година, а истото го стори и сега. Тој јавно не ги објасни причините, туку само кратко рекол „не“ на селекторот.

Српскиот селектор, Вељко Пауновиќ потврди дека разговарал со него, но дека не сака да открива приватни причини.

„Разговарав со Свилар. Додека бев во репрезентацијата помеѓу 2012 и 2015 година, поминав низ многу семинари и еден ми остана во сеќавање. Холанѓаните рекоа дека се мала земја и дека не можат да си дозволат да изгубат ниту еден играч, а имаат три пати повеќе од нас.

Тогаш сфатив дека мора да бидеме уште поотворени кон играчите. Го повикав Свилар, како и другите кои беа под знак прашалник. За време на разговорот, разбрав дека одлучил да не игра, од лични и професионални причини за кои нема да зборувам. Жал ми е, се обидов да му покажам колку е важен“, изјави Пауновиќ за „Аренаспорт“.

Миле Свилар, роден на 27 август 1999 година, син е на легендарниот југословенски голман, Ратко Свилар.

Ја започна својата кариера во Андерлехт, од кој замина во 2017 година и се пресели во Бенфика за два милиони евра. Помина четири сезони во Португалија и одигра 23 натпревари, пред да пристигне во Рома како слободен играч во 2022 година.

Според „Трансфермаркт“, Свилар вреди 25 милиони евра, а оваа сезона прими девет гола на 15 натпревари за Рома.

Зинедин Зидан, легендарниот француски фудбалер, би можел да се врати на тренерската работа. Кога неодамна се појави во Тулон на натпреварот на легендите и беше прашан кога ќе се врати на тренерската клупа, Зидан одговори: „Наскоро, се надевам“.

Откако го напушти Реал Мадрид во 2021 година, Зидан е без работа, ги одби сите понуди. Неговото име постојано се поврзуваше со неколку големи клубови, вклучувајќи ги Пари Сен Жермен, Јувентус и репрезентацијата на Бразил.

Тој се смета за главен кандидат да го наследи Дидие Дешан на клупата на француската репрезентација по Светското првенство во 2026 година.

Зинедин Зидан ја започна својата тренерска кариера во Реал Мадрид, каде што го водеше првиот тим од јануари 2016 до 2018 година. Во тој период, тој освои три последователни Лиги на шампиони на УЕФА (2016, 2017 и 2018), две титули во Европскиот Суперкуп (2016, 2017), две светски клупски првенства (2016, 2017) и шпанското првенство во сезоната 2016/17.

Во 2019 година, тој се врати како тренер на Реал, а до 2021 година освои уште една титула во Ла Лига (2019/20). Неговиот стил на лидерство е препознаен по неговиот успех во најголемите натпревари и импресивните резултати на клупско и европско ниво.

Кошаркрите на Лос Анџелес Лејкерс ја забележаа шестата победа во последните седум натпревари. „Езерџиите“ славеа кај десеткуваните Шарлот Хорнетс со 121:111.

Тимот од Лос Анџелес до победата го предводеше расположениот Лука Дончиќ со 38 поени, а Руи Хачимура одигра клучна улога во моментите кога Лејкерси го решаваа прашањето околу конечниот победник.

Лука Дончиќ повторно овозможи вечер за паметење, водејќи ги Лејкерси со 38 поени, пет тројки и низа атрактивни потези. Словенечкиот ас ја воодушеви публиката со моќно забивање со две раце.

Остин Ривс му беше поддршка со 24 поени.

Исто така се истакна и Хачимура која во третиот период, кој Лејкерси го добија убедливо со 31:15, постигна 13 од своите 21 поени.

Хорнетс, кои беа без Ламел Бол и Брендон Милер, се бореа жестоко. Ги предводеше Мајлс Бриџис со 34 поени и седум тројки, од кои 16 постигна во првата четвртина. Дебитантот Кон Кнуепел исто така одигра одличен натпревар, а со 19 поени, 10 скока и девет асистенции беше на работ на својот прв трипл-дабл во кариерата.

Кошаркарите на Орландо го победија Портланд во трилер завршница со 115:112.

Херој на Меџик беше Дезмонд Бејн, кој погоди тројка, преку рака, со звукот на сирената.

Паоло Банкеро беше најефикасен во Орландо со 28 поени и девет скока, херојот Бејн го следеше со 22 поени и седум асистенции, Вендел Картер и Франц Вагнер постигнаа по 19 поени.

Кај Портланд се истакнаа Шадон Шарп со 31 поен, односно Дени Авдија со 27 поени, пет скока и пет асистенции.

DESMOND BANE INSANE GAME-WINNER!!! 😱🤯 pic.twitter.com/E3izivcTpu

— Bleacher Report (@BleacherReport) November 11, 2025

Феникс беше убедлив против Њу Орлеанс (121:98). Најдобриот меч во кароерата го одигра Грејсон Ален, кој буквално го затрупа кошот на Пеликанс.

Ален постигна 10 тројки од 15 обиди и го заврши натпреварот со 42 поени, четири асистенции, два скока и три украдени топки.