Спорт
Алваро Мората проговори за судиите и Реал Мадрид

Алваро Мората во кариерата играше за Реал, а сега го носи дресот на градскиот ривал Атлетико. Во изјава за шпанските медиуми тој меѓу редови кажа дека судиите поинаку ги третираат играчите на Реал Мадрид во споредба со играчите од другите шпански тимови.
Со години во Шпанија се води полемика дали Реал Мадрид и Барселона се заштитени од судите, а на тоа на некој начин одговор даде и Алваро Мората.
„Дали судиите ве третираат во Атлетико исто како во Реал Мадрид?“, го прашаа Мората, а тој одговори:
„Го знаете одговорот, како и сите други“.
Да потсетиме, 30. годишниот Мората кариерата ја започна во Реал Мадрид и забележа 95 настапи за„ кралскиот клуб“, а подоцна играше за Јувентус и Челзи пред да се врати во Шпанија и да потпише за Атлетико.
Тој игра одлично оваа сезона и веќе постигна седум гола на осум натпревари за Атлетико. Неодамна му даде два гола на Реал во победата од 3:1 во градското дерби што се одигра на „Сивитас Метрополитано“.
Што се однесува до приказната за судиите, во Шпанија се познати разни скандали и тие најмногу се однесуваат на Барселона и Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.