Навикнати сме на бизарни ММА мечеви кои имаат огромна популарност, а по некое правило секогаш доаѓаат од источна Европа, но тоа што се случи во Полска во саботата навечер ги надминува сите граници.

Еден фајтер под име „Кунг Фу Панда“, решава да влее во кафезот против тројца противници во луд меч. Милош „Модлиха“ Влодковски, Мациеј „Швеху“ Швех и Норберт „Нетед“ Гразка влегуваат во рингот против еден фајтер во Ржешов, Полска, и можете да предвидите, исходот е очекуван.

Тој беше соборен по само неколку секунди, по што почна бруталната тепачка. Додека беше држен на подот, тој доби бројни удари во главата и во телото, пред судијата да го прекине мечот по 2 минути и 46 минути.

Swechu, Modlicha, and Neted vs. Kung Fu Panda pic.twitter.com/hQeihRz62v

— Streetfight Banned-cho (@streetfitebncho) July 31, 2021

Новозеланѓанката Лорел Хабард, првата трансродова личност на која и беше дозволен настап на Олимпијадата имаше неславен крај откако во три обиди не успеа да ја крене тежината во женското натпреварување во кревање товар.

ИОЦ предизвика многу контроверзи кога дозволи 43-годишната Хабард, која во минатото се натпреварувала во машките натпреварувања,  да биде дел од Игрите во Токио, но на крајот стравувањата дека таа ќе ги „украде“ медалите се покажаа како неосновани.

Хабард не успеа да крене 120 килограми, а потоа двапати по 125 килограми за крај на натпреварувањето.

„Свесна сум за сите контроверзи околу моето учество и сакам да се заблагодарам на ИОЦ, кои останаа посветени на принципите на олимпиското движење и го направија спортот достапен за сите“, изјави Хабард, која до својата 35. година се натпреваруваше како машко.

Хрватската фаворитка, Сандра Перковиќ не успеа да стигне до медал во фрлање диск на Олимпијадата во Токио, завршувајќи само на четвртото место.

Американката Валери Олмен со 68.98 метри беше златна пред Германката Кристин Пруденз (66.86) и Кубанката Јаиме Перес (65.72), додека најдобриот обид на Перковиќ беше потпросечни 65.01 метри. Ова е само второ големо натпреварување на кое Перковиќ не освоила барем медал, откако во Лондон во 2012 и во Рио 2016 беше освојувачка на златото.

„Не бев на потребното ниво, нема оправдувања. Во Париз 2024 ќе биде поинаку, се надевам дека ќе бидам подобра. Не сакам брзи серии, но нема да барам оправдувања. Се борев колку што можев, повеќе среќа следниот пат“, изјави низ солзи Перковиќ.