Спорт
Американците не ги бива за „soccer“ – колапсот на Бордо како поука
Француската фудбалска легенда Криштоф Дугари вели дека е фантастична вест што американските газди заминуваат од Бордо и покрај тоа што тоа значи дека сега клубот е пред финансиски колапс.
Деновите, апсолутно не се најдобри за американските сопственици на европски фудбалски клубови. По фијаското на Евролигата, со англиските клубови со американски газди (Манчестер јунајтед, Арсенал и Ливерпул), доаѓа фијаското на „Кинг стрит“, американскиот инвестициски фонд кој беше сопственик на шесткратниот француски шампион Бордо.
По нивното повлекување на „Кинг стрит“, најавено во четвртокот, иднината на 139 години стариот клуб (еден од најстарите во Франција) е неизвесна и потребни се 60-тина милиони евра за спас на клубот. „Кинг стрит“ беа газди на Бордо од ноември 2018 година, но пандемијата на КОВИД-19 и пропаѓањето на договорот за ТВ-правата (кој ветуваше рекордна заработувачка), Американците решија едноставно да кренат раце.
И пред ова, тие не беа најомилени кај навивачите. Во текот на летото тие објавија контроверзно ново лого на кое „Bordeaux“ беше далеку поголемо од „Girondins“, а во исто време заборавија на француската граматика и не го поставија потребното „de“, во потег кој јасно го симболизира нивното непознавање на историјата и културата на клубот.
Недостатокот на инвестиции во клубот предизвика и колапс на теренот – 11 порази во последните 13 меча ги поставија на 16. место во Лига 1, со сериозна опасност за можно испаѓање.
Дугари вели дека е завршена една неславна епизода.
„Ми се гади, тажен сум, но и ми олесна во исто време. Беше време овие кловнови да си заминат. Дојдоа тука да се обогатат на грбот на клубот и си заминаа со кратко соопштение. Немаа спортски проект и размислуваа само за парите кои ќе ги грабнат од ТВ-правата. Сите одлуки кои ги направија беа погрешни“, вели Дугари, поранешен напаѓач на клубот.
Можеби Ливерпул, Арсенал и Манчестер сити се „преголеми“ за да пропаднат, но во Франција, американските газди со нивната идеја за „soccer“ може да уништат еднаш голем клуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.