Спорт
Американецот одби да го подели златото, па остана без него
Жестока борба и голема драма донесе финалето во скок во височина на Олимписките игри во Париз.
Пред три години во Токио, златниот медал во оваа дисциплина го поделија Италијанецот Џанмарко Тамбери и Мутаз Еза Баршим од Катар, а тоа беше една од најубавите приказни на тие игри.
Сличен епилог можеше да има и финалето во Париз. Американканецот Шелби Мекјуен и Новозеланѓанецот Хамиш Кер беа единствените кои прескокнаа 2,36 метри и имаа идентични претходни резултати во финалето.
На 2.38, двајцата три пати имаа неуспешни скокови. исто се случи и пред три години во Токио. Раликата е во тоа што Американецот, сигурен во себе, одби да го дели златото.
Бидејќи и двајцата беа уморни и на крајот од силите, височината беше спуштена на 2,34.
Шелби Мекјуен на успеа да прескокне, но успеа Хамиш Кер кој стана нов олимписки шампион.
Дефинитивно ова беше најнеизвесното и најлудото финале во скок во височина во историјата на Олимпијадата.
Споменатиот шампион од Токио, Мутаз Еза Баршим, го освои бронзениот медал со 2,34 и стана првиот во оваа дисциплина со четири олимписки медали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.
Спорт
Реал подготвен да плати 150 милиони евр за Вирц
Флорентино Перез наредното лето е подготвен да го урне клупскиот трансфер рекорд. Германските медиуми тврдат дека Реал Мадрид ќе го донесе Флоријан Вирц. Според овие извори, Перез го означил Вирц како следен „галактикос“.
Реал Мадрид за трансферот на Вирц е подготвен да му плати на Баер Леверкузен 150 милиони евра.
Реал Мадрид со овој трансфер би го соборил рекордот, кој се уште го држи Еден Азар. Белгиецот пристигна од Челзи за 120 милиони евра, додека трансферто на Џуд Белингем од Борусија Дортмунд чинеше 113 милиони.
Вирц како момче бил навивач на Барселона, никогаш не криел дека Лионел Меси му е идол, но се чини дека би можел да тргне по патот на Лука Модриќ и Иско, кои исто така во детството биле навивачи на каталонскиот клуб.
Клучна улога би можел да има Чаби Алонсо, кој моментално му е тренер на Вирц во Баер Леверкузен, а наводно и тренерот би можел наредното лето да се пресели во Мадрид доколку замине Карло Анчелоти чии договор истекува во јуни 2025 година.