Спорт
Американска доминација на 4×400 метри
Американската женска штафета на 4×400 метри, го одбрани златниот медал. Ова е седмо злато по ред за Американските во оваа дисциплина. Алисон Феликс го подобри својот рекорд, таа го освои 11 олимписки медал (седуми со златен сјај) во кариерата. Во истата оваа дисциплина, во машка конкуренција победија САД.
Штафетата во состав Сидни Меклафин, Диала Мухамед, Алисон Феликс и Етинг Му, во финалето победи со резултат 3:16.85 минути.
Полска, со нов национален рекорд (3:20.53) го освои сребрениот медал. Бронзата и припадна на штафетата на Јамајка (3:21.24).
Штафетата во состав Мајл Чери, Мајкл Норман, Брајс Дедмон и Раи Бенџамин победија со време 2:55.70 минути. Ова е петто злато за САД во оваа дисциплина во историјата.
Среброто го освои Холандија (2:57.18), а бронзата изненадувачки заврши кај Боцвана (2:57.27).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Падна најстариот рекорд во брзо лизагање
Третиот ден од првата етапа од Светскиот куп во брзо лизгање донесе соборување на најстариот рекорд, во трката на 500 метри за жени, кој беше на сила точно 12 години.
Холанѓанката Фемке Кок ја помина оваа патека за 36 секунди и 09 стотинки и беше 27 стотинки побрза од Ли Санг Ква од Јужна Кореја, која го постави рекордот во 2013 година, на истата патека, која се смета за најбрза во светот.
Кок започна солидно, но 10 стотинки побавно од претходниот рекорд во првите 100 метри, па практично леташе по мразот во остатокот од трката. Оставајќи ги сите сопернички зад себе за најмалку половина секунда.
Американската ветеранка Ерин Џексон, олимписка победничка во оваа дисциплина, го освои второто место, со резултат од 36,58, додека младата Корејанка Ли На Хјун (19) го освои третото место, речиси една секунда зад победничката, 37,03.
Спорт
Кејн: Овој состав е еден од најдобрите во англиската историја
Капитенот на фудбалската репрезентација на Англија, Хари Кејн, изјави дека актуелниот состав е еден од најдобрите во историјата на „Гордиот Албион“ и дека ќе биде еден од фаворитите на Светското првенство следната година.
„Изградивме нешто и имавме одлична година со новиот тренер (Томас Тухел), а сега се радуваме на она ѓто не чека во 2026 година. Мислам дека ова е најдобриот тим што некогаш сме го имале. Кога ќе го погледнете почетниот состав и клупата, мислам дека ќе бидеме еден од фаворитите на Светското првенство. Мораме да го прифатиме тоа. Тоа се случува веќе неколку турнири и е составен дел од играта“, рече Кејн по натпреварот со Албанија за британскиот ИТВ.
Фудбалерите на Англија ја победија селекцијата на Албанија со 2:0 во Тирана, во последниот натпревар од осмото коло од квалификациите за Групата К за Светското првенство.
Англија ја заврши групната фаза со сите осум победи, со максимални 24 бода, со гол-разлика од 22:0.
Двата гола во победата над Албанија ги постигна 32-годишниот Кејн, кој сега има учинок од 78 гола за репрезентацијата на 112 одиграни натпревари.
Foto/ EPA
Спорт
Нестварно е во каква форма игра Ерлинг Халанд
Ерлинг Халанд продолжи да ги поместува границите и да ги руши сите можни рекорди.
Норвежанецот е најзаслужен за пласманот на својата репрезентација на Светското првенство, прво од 1998 година, бидејќи е убедливо најдобриот стрелец во квалификациите со дури 16 постигнати гола на осум натпревари.
Халанд веќе постигна 32 гола во сите натпреварувања за Сити и Норвешка оваа сезона, а сè уште е ноември.
Постои уште еден неверојатен факт, Халанд одигра 48 натпревари за репрезентацијата и постигна 55 гола.
Верувале или не, Халанд има ист број голови за Норвешка како и Килијан Мбапе за Франција, единствената разлика е што на Французинот му беа потребни 94 натпревари, речиси двојно повеќе од Норвежанецот.
Не е ни чудо што медиумите денес пишуваат за фактот дека Норвешка ќе биде потенцијално изненадување на Светското првенство следното лето.
Foto/ EPA

