Спорт
Аморим го критикува Манчестер jунајтед: Голем клуб, но не и голем тим

Рубен Аморим, тренерот на Манчестер јунајтед, го критикуваше својот тим и објасни во кои сегменти неговите играчи треба да напредуваат.
Менаџерот на Манчестер јунајтед, Рубен Аморим, рече дека во моментов е „голем клуб, но не и голем тим“.
Аморим неодамна го презеде Јунајтед и забележа две победи во првите три натпревари, против Бодо/ Глимт и Евертон, но го претрпе првиот пораз од Арсенал (2-0) во средината на неделата. Поразот го турна Јунајтед во долната половина од Премиер лигата пред денешниот дуел со Нотингем Форест.
Говорејќи пред натпреварот, Аморим беше отворен за предизвиците со кои се соочува тимот:
„Ние сме голем клуб, но не сме голем тим. Тоа е јасно и не е проблем да се каже тоа. Имаме добри страни, но има многу да работиме. Мораме да бидеме подобри во завршницата“.
На прашањето за очекувањата на навивачите, тој додаде:
„Тоа нема да се промени поради успесите од минатото. Нашите играчи мора да сфатат дека сме во тешка позиција. Ние не сме најдобриот тим во лигата, но нашето минато е најдоброто во лигата. Мораме да се фокусираме на малите детали“.
Еден од клучните предизвици со кои Аморим планира да се справи е физичката подготвеност на тимот. Јунајтед моментално е меѓу шесте тимови од Премиер лигата со најмало просечно претрчани километри по натпревар.
„Невозможно е да се освои Премиер лигата ако сме тим што не трча. Можете да го имате најдобриот тим на планетата, но без трчање нема да победи. Мораме да трчаме како „бесни кучиња“. Прашањето е дали играчите можат да се справат со тоа. Ако се навикнати на тренинзите, тие ќе го направи и на натпреварите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона и Бетис се договорија, Витор Роке се сели во Палмеирас

Барселона и Бетис постигнаа договор околу Витор Роке. Младиот Бразилец се враќа во татковината, кариерата ќе ја продолжи во Палмеирас.
Барселона за Роке плати речиси 40 милиони евра. Бразилецот беше најавен како нова голема ѕвезда, но ниту доби вистинска шанса најпрвин кај Чави, а потоа и кај Флик, ниту ги оправда очекувањата кога ќе добиеше шанса.
Минатото лето Барселона го испрати на позајмица во Бетис. Не блескаше ниту кај Мануел Пелегри. Пред еден месец Барселона доби понуда од Палмеирас од 25 милиони евра и Барса да задржи 20 отсто од следната продажба.
Џоан Лапорта ја прифати понудата но мораше да го убеди Бетис да ја раскине позјмицата.
Тоа се случи откако Барселона се откажа од 30 отсто од правата што ги имаше врз Ез Абде. Барселона за крилниот напаѓач од Бетис доби 7,5 милиони евра и задржа 50 отсто од правата од наредната продажба. Со новиот договор Барселона од евентуалниот наводен трансфер на Ез Абде ќе добие 20 отсто.
Исто така Бетис од Палмеирас ќе добие компензација од 6 милиони евра.
Спорт
Кин за капитенот и играчите на Јунајтед: Еб..и изманици

Манчестер јунајтед минатиот викенд успеа да ремизира против Евертон (2:2) во возбудлив премиерлигашки натпревар, а вчера го победи Ипсвич со 3:2.
Бруно Фернандеш со својот гол од слободен удар го започна камбекот на „црвените ѓаволи“ против Евертон. Сепак, овие резултати не го импресионираа легендарниот поранешен капитен на Јунајтед, Рој Кин.
Кин, познат по своите остри коментари ги критикуваше играчите на Манчестер јунајтед, смета дека тимот нема карактер. Неговиот гнев беше насочен и кон сегашниот капитен Бруно Фернандеш.
„Овие играчи едноставно го немаат она што е потребно за да го носат дресот на Манчестер јунајтед“, изјави Кин за „Скај Спорт“.
„Гледам премалку страст, премалку борбеност. Каде е Јунајтед што го знаевме? Овие играчи се еб..и измамници“.
Зборовите на Кин одекнаа меѓу фановите кои беа поделени во нивните мислења. Додека некои ја поддржуваат неговата критика, други веруваат дека тој е премногу остар кон тимот.
Спорт
Хорхе Мартин ќе ја пропушти и Големата награда на Аргентина

Актуелниот светски шампион во Мото ГП, Хорхе Мартин нема да ја вози и втората трка сезонава.
Хорхе Мартин ќе ја пропушти првата трка сезонава во Тајланд овој викенд, а откако заработи нова повреда нема да вози ниту во Аргентина.
Возачот на Априлија ја повреди другата рака за време на првиот тренинг по операцијата на скршеница на раката и ногата, поради што било потребно да се изврши уште една операција.
Големата награда на Аргентина ќе се вози на 16 март.