Барселона со убедливиот триумф над Борусија Дортмунд зачекори во полуфиналето во Лигата на шампионите. Рафиња, Левандовски (два пати) и Јамал ги постигнаа головите за Барселона.

Рафиња и Јамал влегоа во клупската историја.

Суперталентираниот 17-годишен фудбалер влезе во историјата како единствен играч кој одиграл 20 натпревари во Лигата на шампионите пред да наполни 18 години.

На претходните 19 натпревари, Џамал постигна три гола и запиша шест асистенции.

Неодамна собори уште еден рекорд со тоа што стана најмладиот играч со гол и асистенција на еден меч од Лигата на шампионите.

Шпанскиот репрезентативец постигна гол и асистираше на Рафиња во победата на Барселона над Бенфика од 3:1 во реваншот од осминафиналето на Лигата на шампионите на 17 години и 241 ден.

Рафиња го израмни рекордот на Лионел Меси по број на голови и асистенции во една сезона од Лигата на шампионите.

Во сезоната 2011/12, славниот Аргентинец учествуваше во вкупно 19 гола за Каталонците, што сега му успеа и на Бразилецот, бидејќи неговиот гол против жолто-црните од Вестфалија беше негов 12-ти од почетокот на сезоната, а има и седум асистенции.

Рафиња до крајот на натпреварувањето има одлична можност да го претекне Меси и да постави нов клупски рекорд.

Кошаркарите на Денвер го победија Сакраменто со 124:116 и ја прекинаа серијата од четири порази во НБА лигата. Во исто време, Лука Дончиќ ги предводеше ЛА Лејкерс до победата во Далас 112:97.

Српскиот центар Никола Јокиќ имаше 20 поени, 12 скока и 11 асистенции, што е негов 32-ри трипл-дабл сезонава, во првиот натпревар на Нагетс откако тренерот Мајкл Мелоун доби отказ.

Кристијан Браун постигна 25 поени, Мајкл Портер и Арон Гордон по 21 поен, а Џејлен Пикет постигна 18 поени.

Во тимот на Сакраменто најефикасен беше Зек Левин со 27 поени и 11 скока, Демар Дерозан постигна 22 поени, Кион Елис 20, а Треј Лајлс додаде 17 поени и девет скока.

На два натпревари пред крајот на регуларниот дел од сезоната, Денвер е изедначен со Лос Анџелес Клиперс (48/32) на четвртото место во поредокот на Западната конференција. Сакраменто е деветти со 39/41.

Лука Дончиќ се врати во Далас, два ипол месеци по шокантниот трејд. Со солзи го гледаше видеото кое му го посветија Маверикс, солзи имаше и на трибините.

Словенецот немаше милост, постигна 45 поени, имаше осум скока, шест асистенции и четири украдени топки, Лејкерси победија во Тексас и останаа третопласирани во поредокот.

Леброн играше кога се решеваше мечот, постигна 13 од 27 поени во последниот период, кога Мавси успеаја да се вратат во мечот со серија од 15:2. Кај Далас Ентони Дејвис забележа 13 поени, 11 скока.

Мавси ќе ја завршат годината со негативен резултат, ќе влезат во плеј-ин, тие се десетти, но никој не им дава ни најмала шанса да се пласираат во плеј-офот.

Барселона и ПСЖ се на чекор до полуфиналето во Лигата на шампионите. Вечерва во првите четврфинални натпревари Барселона ја победи Борусија со 4:0, а ПСЖ славеше над Астон Вила со 3.1.

Барселона на „Монжуик“ ја надигра Борусија, која своите шанси евентуално да извлече поволен резултат ги пропушти во првото полувреме.

Првиот дел и припадна на Барселона со 1:0, голот го постигна Рафиња, негов 12 сезонава во Лигата на шампионите.

Распадот на „милионерите“ од Дортмунд се случи во вториот дел. Ги нокаутира нивниот поранешен играч Левандовски со два гола во 48. и 60.минута, а точка на мечот стави Јамал во 74.минута.

Сличен натпревар беше виден и на „Паркот на принцовите“ во Париз со таа разлика што „светите си дозволија од нивна грешка први да примат гол. Роџерс погоди во 35.минута, но водството англискиот тим го имаше само четири минути кога со брилијантен гол изедначи Десире Дуе.

На стартот, од вториот дел нова магија, за 2:1 погоди Кварацхелија, во 49.минута, а точка на натпреварот стави Нуно Мендеш во 92.минута.

Реванш натпреварите на програмата се наредниот вторник.