Спорт
Аморим уште долго ќе го предводи Манчестер Јунајтед

Најбогатиот Британец, ко-сопственик на Манчестер Јунајтед, воедно задолежн за спортскиот сектор, Џим Ретклиф нема намера да му врачи отказ на Рубен Аморим, без оглед на лошите резултати на клубот.
Сер Џим Ратклиф, во подкастот „Бизнис“, рече дека тренерот ја има неговата целосна поддршка. Повтори дека на Аморим ќе му се даде време да ги имплементира своите идеи во тимот и дека доколку мнозинскиот сосптвеник, семејството Глејзер побара да му врачи отказ на Амрим, дека неговиот одговор ќе биде „Не“.
Потоа објасни зошто…
„Вистина е дека Аморим не ја има најдобрата сезона во клубот. Но, на Рубен му требаат три години за да покаже дека е одличен тренер. Тогаш јас би ги донел одлуките…“, рече Ратклиф, кој издвои 1,6 милијарди фунти за партнерство со Глејзерс во февруари 2024 година за 26,1 процентен удел во Манчестер Јунајтед.
Дел од договорот е неговата компанија ИНЕОС да ги преземе спортските работи на „Олд Трафорд“, па затоа следеше смената на Ерик Тен Хаг, односно промоцијата на Аморим.
Сепак, во првите 50 натпревари на „Олд Трафорд“, Португалецот сè уште има негативен скор, поради што е сè почесто под притисок од јавноста.
„Не можете да водите клуб и да паѓате на колена под притисокот на медиумите секоја недела одново и одново“, изјави неодамна најбогатиот Британец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал Овиедо го отпушти Пауновиќ

Вељко Пауновиќ повеќе не е тренер на Реал Овиедо, објави шпанскиот клуб. Српскиот стручњак со тоа стана првиот заменет тренер во сезоната во шпанската Ла Лига.
Иако го продолжи договорот до јуни 2026 година пред само три месеци, Пауновиќ ја загуби работата по серијата лоши резултати, две победи и шест порази во првенството досега.
Клубот се реши за „шок терапија“ во обид да излезе од кризата.
Со заминувањето на Пауновиќ, членовите на неговиот стручен штаб исто така го напуштија клубот.
Во официјално соопштение, Реал Овиедо им се заблагодари на српскиот тренер и на неговиот тим за нивната професионалност, посветеност и напорна работа, нагласувајќи дека постигнатиот пласман на највисокото ниво на натпреварувањето овој јуни ќе остане „историски успех што засекогаш ќе се памети меѓу навивачите на Овиедо“.
Тренерската позиција сега е празна, а спортскиот сектор под водство на групацијата Пачука веќе разгледува потенцијални наследници.
Најмногу се споменува името на искусниот шпански тренер Луис Карион.
Спорт
Де Јонг: Не ми се допаѓа што треба да играме во Мајами

Еден од капитените на Барселона, Френки де Јонг, го крена гласот против одлуката натпревар од Ла Лига да се игра на американска почва.
Како што е познато, УЕФА и Ла Лига конечно се согласија оваа недела и официјално објавија дека Виљареал и Барселона ќе играат натпревар на стадионот „Хард Рок“ во Мајами на 20 декември.
Де Јонг смета дека таквата одлука е неприфатлива.
„Не ми се допаѓа што ќе играме таму и не се согласувам со таквата одлука. Едноставно, не е фер за натпреварувањето. Ќе гостуваме на неутрален терен. Не е во ред и мислам дека не е добро за играчите. Разбирам дека клубовите добиваат пари за тоа, но не е фер“, рече Де Јонг.
Спорт
Ненадејно почина тренерот на Бока Јуниорс големиот Мигел Русо

Тажни фудбалски вести ја погодија Аргентина, ненедејно почина тренерот на Бока Јуниорс, Мигел Анхел Русо.
Поранешниот стратег на Бока имаше 69 години и долго време се бореше со рак на простата. Тој почина изминатата ноќа.
Русој се сметаше за еден од најпочитуваните тренери во Јужна Америка, поради неговата кариера што траеше повеќе од половина век.
Прво беше фудбалер, а потоа и тренер, освојувајќи бројни трофеи. Го крена трофејот на Копа Либертадорес во 2007 година, што е последната континентална шампионска титула за Бока.
Тој ги водеше и Ланус, Естудијантес де ла Плата, Велез Сарфилд, Росарио Централ и Милионариос.
И покрај болеста, тој се врати во Бока во јуни 2025 година и ја водеше на Светското клупско првенство со истата страст.
До последните денови, тој беше активен на клупата на Бока, но во септември, сепак мораше да се пензионира и да им ги препушти тренинзите на своите помошници.