Спорт
Анадолу Ефес се пласира на Ф4 во Белград

Кошаркарите на Анадолу Ефес се пласираа на фајналфор турнирот од Евролигата кој ќе се одржи во Белград, откако во четвртфиналната серија го елиминираа Армани од Милано со 3:1 во победи. Бранителот на трофејот во четвртиот натпревар беше подобар со 75:70 пред своите гледачи.
Ефес започна маестрално, со серија од 8:0, која ја создаде Тибор Плајс со две тројки. Во тој период од играта Армани немаше многу добри решенија во фазата на напад. Со малку поцврста одбрана и подобар финиш, избраниците на Еторе Месина се вратија во акција. Пресуден во првото полувреме беше Датоме, кој постигна 14 поени.
Деталите направија разлика, како и класата на Василије Мициќ, чиј пробив во клучен момент од мечот донесе израмнување за Ефес.
Одлично одигра и Тибор Плајс, кој беше речиси непогрешлив со 25 поени, а Мициќ додаде 20 поени, со пет скока и четири асистенции. Кај Армани се истакна Датоме со 21 поен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лидс извиси, Паишао се сели во Марсеј

Фудбалерот на Феенорд, Игор Паишао, е блиску до трансфер во Олимпик Марсеј, кој постигна договор за обештетување со холандскиот клуб.
На овој начин, францускиот клуб ја доби трката со Лидс јунајтед за потписот на бразилскиот фудбалер. Паишао доби дозвола да отпатува во Марсеј на лекарски прегледи. Претходно, „Екип“ објави дека Марсеј подготвил нова понуда за овој играч, додека Лидс се обидел да го грабне испраќајќи понуда вредна 32 милиони евра.
Феенорд претходно одби две понуди од Марсеј, првата од 16 милиони евра и втората од 28 милиони евра. Феенорд ја прифати третата понуда од 35 милиони евра.
Марсеј претходно ги доведе Анхел Гомес од Лил, како и Си Џеј Еган-Рајли од Барнли и Факундо Медина од Ленс.
Во меѓувреме, враќањето на напаѓачот Пјер-Емерик Обамејанг во клубот се очекува да се случи во наредните денови.
Паишао одигра 47 натпревари за Феенорд минатата сезона со 18 гола и 14 асистенции. Неговата примарна позиција е лево крило, но може да игра и како офанзивен играч од средниот ред.
Тој пристигна во Холандија во летото 2022 година, а претходно играше за Коритиба и неговиот матичен клуб Лондрина.
Фото/ Принскрин
Спорт
Родриго го одбил Тотенхем

Челниците на Тотенхем побарале и добиле дозвола од Реал Мадрид да отворат преговори со крилниот напаѓач Родриго. Бразилецот е отворен за сорабптак со друг клуб, но Тотенхем не е во неговите планови.
Актуелниот освојувач на Лига Европа сакаше да ја искористи можноста и да донесе капитално засилување пред да се врати во Лигата на шампионите по три години, но веднаш стана јасно дека ништо нема да произлезе од тоа.
Шпанскиот инсајдер Санти Ауна ја информираше јавноста дека Тотенхем се распрашувале за неговата цена, а потоа брзо се отрезниле. Поранешниот играч на Сантос сака да се докаже во „поголем клуб од Тотенхем“.
Од почетокот на преодниот рок се споменуваше дека следната станица во кариерата на крилниот напаѓач би можеле да бидат Арсенал и Ливерпул, кои, со заминувањето на Дијаз во Баерн, ослободија место на позицијата лево крило ги обезбедија потребните пари за 24-годишникот од Сао Паоло.
Родриго пристигна во „кралскиот клуб“ од својата татковина во 2019 година, во трансфер вреден 45.000.000 евра. Оттогаш, во 270 настапи, постигна 68 гола и забележа 51 асистенција. Освои две Лиги на шампиони, како и три титули во шпанското првенство.
Foto/ „X“
Спорт
Салиба нема да го напушти Лондон

Дефанзивецот на Арсенал, Вилијам Салиба, изјави дека би сакал да остане на „Емирејтс“ и следната сезона.
Арсенал успеа да го продолжи договорот со партнерот на Салиба, Габриел Магаљаеш, кој и понатаму ќе биде во тимот предводен од Микаел Артета од клупата.
Салиба по победата на Арсенал над Њукасл како дел од подготвителниот натпревар пред новата сезона рече.
„Да, се надевам. Секако, во моментов нема конкретни преговори, но има добра комуникација помеѓу мојот менаџер и клубот. Ќе видиме“.
Салиба ја започна својата кариера во Сент Етјен, а потоа се пресели во Арсенал во 2019 година, но ги помина следните три години на позајмица во Сент Етјен, Ница и Марсеј.
Фото/ Принскрин