Спорт
Аналитиката вели дека Сити ќе ја освои Премиер лигата
По ремито на Ливерпул со Манчестер jунајтед (2:2), трката за титулата во Премиер лигата е уште понеизвесна. Само еден бод на табелата ги дели Арсенал и Ливерпул од актуелниот шампион Манчестер сити.
Ваква неизвесност во борбата за шампионската титула во Премиер лигата немало од сезоната 1998/1999, кога за трофејот се бореа Манчестер јунајтед, Арсенал и Челси. На крајот Јунајтед ја освоија титулата со бод повеќе од Арсенал и четири од Челси.
Поранешниот капитен на Манчестер Јунајтед, Рој Кин го фаворизира Манчестер сити.
„Би се чувствувал пријатно во која било соблекувална, но особено во онаа на Сити, тие веќе го направиле тоа многу пати. И Арсенал верува дека ја освои титулата, а јас не би кревал паника по ова реми и да сум во соблекувалната на Ливерпул. Ќе видиме, ќе биде возбудливо, може да се реши гол разликата или судиска грешка“, вели Кин.
„Опта“, сервис за фудбалска аналитика, има на располагање 10.000 симулации од своите суперкомпјутери. Според „Опта“, Сити е фаворит, има 39,4 отсто шанси за титулата, Ливерпул е втор со 30,7, Арсенал трет со 29,9.
Експертите од „Грејсенут“, друга аналитичка компанија, исто така го фаворизираат Сити, дури и уште поубедливо (42 отсто), 30 отсто шанси има Ливерпул и 28 отсто Арсенал.
Распоредот до крајот на сезоната на Арсенал, Ливерпул и Манчестер сити:
Ливерпул: Кристал Палас (дома), Фулам (гости), Евертон (г), Вест Хем (г), Тотенхем (в), Астон Вила (г), Вулверхемптон (д)
Манчестер Сити: Лутон (дома), Брајтон (гости), Нотингем Форест (г), Вулверхемптон (д), Фулам (г), Вест Хем (д), *Тотенхем (г) – датумот се уште не е познат
Арсенал: Астон Вила (дома), Вулверхемптон (гости), Челзи (д), Тотенхем (г), Бурнемаут (д), Манчестер Јунајтед (г), Евертон (г).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо стигна во Истанбул, на чекор е oд Партизан
Португалскиот фудбалски стручњак Жозе Мурињо и официјално стана нов тренер на Фенербахче.
Двегодишниот договор Мурињо го потпиша пред неколку десетици навивачи на стадионот на Фенербахче „Шукур Сарачоглу“ во Истанбул.
„Сакам да ви се заблагодарам за љубовта што ја чувствував од првиот момент кога моето име првпат се поврзуваше со Фенербахче. Обично тренерот се сака по победата, но во овој момент чувствувам дека сум сакан уште пред да победам. Тоа е голема одговорност. Од овој момент припаѓам на семејството на Фенербахче“, изјави Мурињо, а пренесува „Скај Спорт“.
🟡🔵 Jose Mourinho, Fenerbahçe taraftarını selamladı! #beINSPORTS pic.twitter.com/adl2fXeCKy
— beIN SPORTS Türkiye (@beINSPORTS_TR) June 2, 2024
Во својата тренерска кариера Мурињо од клупата ги водеше Порто, Челзи, Интер, Реал Мадрид, Манчестер Јунајтед, Тотенхем и Рома.
Како тренер освои две Лиги на шампиони (Порто, Интер), две Лига Европа (Рома, Манчестер Јунајтед) и Конференциска лига (Рома), а освои и трофеи во првенствата на Шпанија (Реал Мадрид), Англија (Челзи), Португалија (Порто) и Италија (Интер).
Со Фенер ќе играат во квалификациите за Лигата на шампионите, а во второто коло ќе играат против српскиот претставник Партизан или швајцарски Лугано.
Спорт
Грците со Адетокумбo во составот во борбата за Париз
Кошаркарската репрезентација на Грција со полни сили ќе настапи на квалификацискиот турнир во Атина за пласман на Олимписките игри.
Главната ѕвезда на репрезентацијата Јанис Адетокумбо го потврди своето учество и ќе му биде на располагање на селекторот за решавачките игри кои можат да им донесат на Грците пласман на Олимписките игри.
Покрај Адетокумбo меѓу Грците ќе бидат и Митоглу, Папаџанис, Папаниколау, Папапетроу, Слукас и многу други.
Грција за виза за Париз ќе се бори со претставниците на Доминиканската Република Словенија, Хрватска и Нов Зеланд.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).