Спорт
Анчелоти им се заблагодари на Бразилците и потврди дека Реал нема да купува во зимскиот преоден рок

Тренерот на Реал Мадрид, Карло Анчелоти откри дека клубот не планира да доведе нов стопер во зимскиот преоден рок. Реал оваа сезона има многу проблеми со повреди на дефанзивците, бидејќи надвор од терените се Давид Алаба и Едер Милитао.
„Нема да купуваме стопер. Ги имаме Начо Фернандез и Антонио Ридигер. Аурелиен Чуамени и Даниел Карвахал можат да играат и како централни дефанзивци. Повторувам дека нема да купуваме ниту еден дефанзивец во јануари“, изјави Анчелоти на прес-
конференција, пренесува официјалната веб-страница на клубот.
На крајот на минатата година Анчелоти го продолжи договорот со Реал до јуни 2026 година.
„Занете дека преговарав со бразилскиот фудбалски сојуз. Горд сум што сакаа да ја предводам нивната репрезентација. Сепак, факт е дека ги држев на „стендбај“ додека чекав Реал да ми понуди нов договор. Им благодарам на Бразилците за разбирањето, бидејќи ја прифатив понудата на Реал. Исто така, горд сум што Реал сакаше да го продолжувам договорот пред истекот на мојот стар договор“, изјави италијанскиот стручњак.
Реал утре еќ го одигра првиот натпревар во 2024 година. Во Мадрид ќе гостува Мајорка од 19:15 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Прв пораз за ПСЖ во Лига 1 – Ница освои три бода во Париз

Старо-новите шампиони на Франција, фудбалерите на ПСЖ, во 31.коло го доживеаја првиот пораз оваа сезона во Лига 1. „Светците“ во минатото коло ја одбранија титулата, па овој пораз на домашен терен и не е изненадување.
Тимот од Азурниот Брег направи изненадување во 31. коло, победи во Париз со 3:1.
Тренерот на ПСЖ Луис Енрике на „Паркот на принцовите“ го изведе најсилниот состав.
Морган Сансон ја доведе Ница во водство во 34. минута, а пред паузата домашните одговорија преку Фабијан Руиз.
Сансон повторно постигна гол веднаш на почетокот од второто полувреме, во 46. минута, а Јусуф Ндаџишимије најави големо изненадување во 70. минута.
ПСЖ нападна на крајот, но Марчин Булка се истакна, завршувајќи го натпреварот со двоцифрен број интервенции.
Парижаните се први со 78 бода, додека Ница ги задржува шансите за пласман во Лигата на шампионите и моментално е четврта со 54 бода.
Спорт
Олимпијакос го одбрани домашниот терен од Реал

Кошаркарите на Олимпијакос ја остварија втората победа во четвртфиналната серија од Евролигата против Реал Мадрид. Тимот од Пиреја победи со 77:71 (15:25, 23:13, 19:16, 20:17), па на Реал ќе му треба чудо за да се пласира на завршниот турнир.
Реал, за разлика од првиот меч, имаше шанси да направи брејк. Играчите на чус Матео водеа со 13 поени разлика во првиот период, кој го добија со 25.15. Олимпијакос се врати во натпреварот во втората четвртина, на полувреме резултатото беше 38:38.
Реал подобро влезе во третата четвртина, стекна предност од седум поени и тука застана. Олимпијакос од финишот на третата и првите четири минути во последната четвртина со серија 19:2, од -7 дојде до +10.
И повторно Реал успеа да фати приклучот, зонската одбрана им направи проблеми на домашните кошаркари, а реал предводен од Марио Хезоња се доближи на 67:64 на две минути до крајот.
Овој налет го одбија Алекс Питерс и Најџел Вилијамс-Гос со две тројки. Олимпијакос стекна предност од девет поени и тука беше крајот заРеал.
Стандардно, најефикасен кај Олимпијакос беше Саша Везенков со 22 поени, Еван Фурние одигра одлично и постигна 17 поени (9/10 од линијата за слободни фрлања). Единствен расположен кај Реал беше Хезоња со 22 поени и осум скока.
Следниот натпревар на програмата е во среда во Мадрид.
Спорт
Монако ја победи Барселона, победа го дели од настап на завршниот турнир

Кошаркарите на Монако поведоа со 2:0 во плејоф серијата против Барселона. Во вториот натпревар, кошаркарите на Монако победија со 92:79.
Ова беше уште еден дуел меѓу овие два тима, кој Монако го доби во своја корист и сега се само на една победа од пласман во новиот фајналфор од Евролигата.
Ова беше натпревар на Мамаду Жаите, кој го одигра можеби својот најдобар натпревар во Евролигата. Без промашување постигна 20 поени. Алфа Диало имаше еден поен повеќе, додека Џордан Лојд постигна 13 поени. Стразел постигна двоцифрен број поени со 12, додека Ели Окобо го заврши натпреварот со 11 поени и осум асистенции.
Мајк Џејмс не беше на негово ниво, постигна само пет поени.
Кај Барселона, Џабари Паркер имаше 16 поени и девет скока, додека Кевин Пантер постигна четири тројки и вкупно 14 поени.
И навистина, овој исход и овој резултат во серијата по два натпревари е неверојатен, бидејќи Барселона победи во двата натпревари во лигашкиот дел од Евролигата.
Во среда во Блауграна, Барселона ќе биде домаќин во третиот натпревар. .