Спорт
Анчелоти: Посилни сме од лани, Реал Мадрид ќе се бори за сите трофеи
Тренерот на Реал Мадрид, Карло Анчелоти, тврди дека има посилен тим од ланската сезона и дека „кралевите“, како и секогаш, ќе ги нападнат сите трофеи.
Загубата на Карим Бензема секако не може лесно да се надомести, но италијанскиот стратег истакна дека Реал Мадрид е подготвен да се бори за секој можен трофеј со тоа што го има на располагање.
„Нашата цел е повторно успех во Лигата на шампионите, Ла Лига, Купот на Шпанија и Суперкупот на Шпанија. Верувам дека и со само еден централен напаѓач можеме да се бориме за овие трофеи. Точно е дека Бензема не напушти, но и така не беше типична „деветка“. Во основа, веќе имаме замена за Карим. Тоа може да биде Хоселу, може да биде и некој друг“, изјави Анчелоти.
Тренерот на Реал Мадрид е задоволен и од фудбалерите кои пристигнаа ова лето.
„Генерално, многу сум задоволен од квалитетот на новите фудбалери. Фран Гарсија ќе помогне на левата страна на одбраната каде што се мачевме минатата сезона. Хоселу ќе нѐ направи посилни во воздухот. Ѓулер е талентиран и многу млад, а на фановите дефинитивно ќе им се допадне. Белингем има извонредни квалитети во средниот ред. Минатата сезона немавме играч од средниот ред со неговите карактеристики. Ќе се обидам нешто ново и ќе видам што ќе се случи. Ако работите не функционираат, секогаш можеме да се вратиме на формацијата од минатото“, додава стратегот на Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.