Спорт
Анчелоти, сепак, не е на листата на Арсенал
И покрај тоа што одеднаш стана достапен, Карло Анчелоти не е на листата на Арсенал за менаџерската позиција, која остана испразнета по отказот кој го доби Унаи Емери, тврди „ЕСПН“.
Италијанскиот ветеран беше отпуштен од Наполи и покрај тоа што ги однесе до нокаут фазата во Лигата на шампионите по катастрофалната форма во домашното првенство и беше заменет со неговиот поранешен играч, Џенаро Гатузо.
60-годишниот Анчелоти не ги исполнувал „условите“ кои ги бараат „топчиите“ за менаџерската позиција, а тука се и неговите „сомнителни“ резултати во последно време. Анчелоти беше отпуштен од Баерн Минхен во 2017, а сега од Наполи по само сезона и пол. Покрај тоа, „ЕСПН“ тврид дека на Арсенал не им се брза за поставување на нов тренер и подготвени се да му дадат време на привремениот тренер Фреди Љунгберг да се покаже.
Анчелоти стана „име“ кај тренерите откако во 1997 година ја предводеше Парма до второто место во Серија А, по што работеше накратко во Јувентус, па помина осум сезони во Милан, освојувајќи две титули од ЛШ. Во Челси тој освои титула од Премиер лигата и од ФА купот пред да замине за ПСЖ со кои ја освои Лига 1, за со Реал Мадрид во 2014 година да стигне до нова титула од Лигата на шампионите пред ангажманите во Баерн и Наполи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.
Спорт
Шчесни: Изборивме место на ЕП, во спротивно ќе се повлечев од репрезентацијата
Полскиот голман Војчех Шчесни изјави дека ќе се пензионирал од националниот тим доколку неговата репрезентација не се пласирала на Европското фудбалско првенство.
Во вторникот вечерта, на натпреварот меѓу Полска и Велс во Кардиф, по 120 минути игра немаше голови, па победникот беше решен по изведувањето на пенали. Шчесни ја однесе ПОлска на Европското првенство откако го одбрани пеналот на Ден Џејмс во петтата серија.
„Нема психологија, ги анализирав изведувачите на пенали, што не направи разлика, бидејќи сите почнаа да шутираат во средината, а никој од нив претходно не шутирал така“, изјави голманот на Јувентус, пренесуваат италијанските медиуми.
Полска на пенали го победи Велс со 5:4.
„Кога ќе дојде до решавачкиот пенал, тогаш притисокот е врз изведувачот, а не врз голманот. Има огромен притисок врз играчот при изведувањето на решавачкиот пенал, мислам дека овој пат беше на Џејмс“, изјави Шчесни.
За голманот на Полска ова ќе биде четврто последователно Европско првенство на кое настапува, а досега во дресот на националниот тим се појавил 81 пат.
Европското првенство ќе се одржи од 14 јуни до 14 јули во Германија, а Полска е во групата Д со Холандија, Австрија и Франција.
Спорт
(Видео) Пораз на Денвер во Феникс – Дурент го запре Јокиќ
Три тима, во финишот на регуларниот дел од сезоната, се борат за првата позиција во Западната конференција, во НБА лигата. Изминатата ноќ Минесота забележа победа, додека Денвер и Оклахома беа поразени од Феникс односно Хјустон.
Актуелните шампиони Денвер Нагетс, без Џамал Мареј и со повредениот Никола Јокиќ, забележаа пораз во Феникс 104:97. Денвер немаа решение за Кевин Дурент кој постигна 30 поени, 13 скока, три асистенции и пет блокади.
Јокиќ мечот го заврши со 22 поени, девет скока и 10 асистенции, по 18 поени постигнаа Ареон Гордон и Мајкл Портер.
Оклахома загуби на домашен терен од Хјустон со 132:126.
Хјустон го предводеа Џејлен Грин со 37 поени (14-24 од поле), 10 скока и 7 асистенции, Ајмен Томпсон додаде 25 поени и 15 скока.
Кај Тандер најдобар беше Џош Гиди со 31 поен (12-20 од поле, 7ск, 4ст), Џејлен Вилијамс имаше 23 поени (9-23 од поле) и 10 асистенции.
Во битката за првото место на Западот, Минесота го совлада Детроит со 106:91. Најефикасни беа Наз Рид (21п, 10ск) и Џејден МекДаниелс (20п, 4ск).
Денвер има 51 победа и 22 порази. Оклахома и Минесота имаат скор 50 победи и 22 порази.