Спорт
Ангеловски: Ова е мојата последна прес-конференција како македонски селектор

Македонскиот селектор, Игор Ангеловски иако директно не потврди, најверојатно завршува со својата работа по крајот на договорот со ФФМ на 31 јули, јасно кажувајќи дека прес-конференцијата по мечот со Холандија е неговата последна како селектор на репрезентацијата.
„Ќе можеме да дадеме генерална оценка, можам само да кажам дека беше огромно задоволство да се води Македонија на едно Европско првенство, да се претставиме на Европа заедно со нашите навивачи. Не треба да бидеме разочарани бидејќи ова беше наш дебитантски настап. Благодарност до целиот мој стручен штаб, кој работеше со мене овие пет години, на моето семејство за безрезервната поддршка која ја добив. Ова се моменти кои цел живот ќе ги паметам. Мојот договор со федерацијата завршува на 31.07, и оттогаш не сум селектор на македонската фудбалска репрезентација“, изјави Ангеловски.
Ова практично значи крај на една ера во македонската репрезентација по повлекувањето на капитенот Горан Пандев, кому му оддаде последна почест на пресот.
„Значеше за цела Македонија, бидејќи го испраќавме нашиот великан, човекот кој не заддолжи со тоа што го направи за македонскиот фудбал и ми беше чест да работам 5 и пол години со нас. Следните генерации имаат добар пример како треба да работат, да се однесуваат за да стигнат до неговите успеси“, додаде Ангеловски, кој неодамна беше поврзуван со тренерското место во Фенербахче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пресврт и победа на Астон Вила кај Тотенхем

Во натпреварот од осмото коло од Премиер лигата одигран во Лондон, Астон Вила го победи Тотенхем како гостин по пресвртот со 2:1.
Астон Вила имаше лош почеток на сезоната, дури под знак прашалник беше и иднната на менаџерот Унаи Емери, но во последниот месец екипата игра повторно игра како во своите најдобри денови.
Тимот од Бирмингем продолжи да победува и по репрезентативната пауза. Веќе има три по ред кога е во прашање лигата, а последниот е особено импресивен, запишан против сериозен ривал и тоа на негов терен.
Почетокот не ветуваше за гостите. Веќе во петтата минута, Тотенхем поведе по одлична акција на Кудус и Палиња, стрелец беше Родриго Бетанкур. Две минути подоцна Кудус ја затресе мрежата. Сепак, голот беше поништен поради офсајд.
Тотенхем беше подобар противник во тие моменти, тие ги контролираа настаните на теренот. А потоа шок во 37-та минута. Морган Роџерс демонстрираше каков шут има, Викарио беше немоќен.
Мудро, Астон Вила чекаше Тотенхем да се отвори и да остави простор во одбраната. Резервата Емилијано Буендија искористи една таква ситуација. Аргентинецот ја погоди малата мрежа со исклучително прецизен удар во 77-та минута и донесе целосен пресврт. Пресврт кој на крајот ѝ донесе на Астон Вила три големи бода.
Спорт
Медведев го прекина постот долг 29 месеци

Данил Медведев го освои турнирот од серијата 250 во Алмати, Казахстан. Рускиот тенисер во финалето го победи со 2:1 (7:5, 4:6, 6:3). Финалето траеше два часа и 38 минути.
Медведе, направи нешто добро оваа година, која за него до турнирот во Алмати беше кошмарна. Трофејот во Казахстан е прва титула за Медведев по Рим во 2023 година, односно по 29 месеци.
Финалниот натпревар во Алмати беше полн со пресврти. Медведев го доби првиот сет со 7:5 во неизвесна завршница. Откако Муте направи брејк во првиот гем, Медведев финишираше со два брејка.
Французинот успеа да се врати и да го земе вториот сет со резултат од 6:4, исто така со два брејка.
Во решавачкиот трет сет, сепак, Медведев демонстрираше малку повисока класа, направи брејк во осмиот гем и потоа лесно го заврши мечот.
Турнирот во Алманио се игра на тврда подлога и припаѓа на серијата АТП 250, но секако оваа титула доаѓа како големо за рускиот тенисер.
Спорт
Дурант стана најплатениот кошаркар на сите времиња

Кевин Дурант и Хјустон Рокетс постигнаа договор за двегодишно продолжување на договорот во вредност од 90 милиони долари, објавува инсајдерот од НБА, Шамс Чаранија.
Дурант имал право на максимално продолжување од 120 милиони долари, но, според ESPN, тој свесно прифатил помал износ – околу 30 милиони долари помалку – со цел тимот да ја одржи финансиската флексибилност и можноста дополнително да го зајакне составот во наредните сезони.
Овој потег покажува дека Дурант размислува долгорочно и сака Хјустон да стане сериозен шампионски проект. Дурантула летово пристигна во Хјустон од Финикс Санс.
Новиот договор вклучува и опција играчот да остане и во сезоната 2027/28.
Интересно е што со овој договор, Дурант станува играчот со најголема заработка во кариерата во историјата на НБА. Вокпно досега инкасирал 598,2 милиони долари, вклучувајќи ги сегашните и идните договори. Со тоа, тој го престигна претходниот рекордер, Леброн Џејмс, кој има 583,9 милиони долари.
Дурант моментално има уште три години од неговиот договор од 144,7 милиони долари, а новиот договор веројатно му овозможува да ја заврши кариерата во Хјустон, клубот каде што најде мотивација и можност да изгради наследство на свој начин.
Дурант беше избран од Сиетл Суперсоникс како втор пик на драфтот во 2007 година, но таа франшиза беше продадена по неговата прва сезона во државата Вашингтон, се пресели во Оклахома и франшизата го смени името во Тандер. Тој играше за Оклахома до 2016 година, кога одлучи да се приклучи на Голден Стејт Вориорс како слободен агент.
По две титули во три сезони и тешката повреда на Ахиловата тетива, тој одлучи да оди во Бруклин Нетс, каде што играше четири години. Тој го напушти Њујорк во 2023 година и потпиша со Финикс Санс, а на крајот беше трејдуван во Хјустон на крајот од минатата сезона.
Тој има 37 години, што значи дека ќе игра барем до 40 години.