Спорт
Англија го чека шампионот на Европа – Челси или Сити?!
Пред 4 дена „малиот“ Вилјареал се исправи пред „големиот“ Манчестер Јунајтед и спречи двата трофеа сезонава, во ЛШ и ЛЕ да одат на Островот.
Вечерва во 21 часот во Порто се игра големото финале на Лигата на шампионите, па останува само фудбалерите на Манчестер Сити и Челси да одлучат на која страна на кралството ќе оди „пехарот со големите уши“
Дали за првпат во историјата ќе се радуваат „граѓаните“, или по вторпат ќе слават „сините“.
„Играме ЛШ, како е убаво да се изговори тоа. Луѓето мислат дека беше лесно да се помине долгиот пат до финалето, но само ние во клубот знаеме колку беше тешко. 4-5 години се боревме заедно и верувавме дека ќе дојде ден кога до самиот крај ќе се прашуваме за титулата во Европа. Одиме на Челси со желба да испишеме историја за Сити“ рече Пеп Гвардиола кој имал можност да го подигне големиот пехар, со Барселона.
И стратегот на Челси, Томас Тухел тргна по истиот пехар, најпрво со ПСЖ, а од половина сезона и со лондонскиот клуб. Лани играше финале со „Светците“, загубија од Баерн Минхен. Челси во 2012 година му се радуваше на трофејот.
„Кога сте дете и сонувате за финале во ЛШ тоа ви изгледа далеку како месечината од Земјата, и одеднаш вие сте таму. Без размислуваше ќе кажам Баерн и Сити беа репер за врвен фудбал оваа и минатата сезона, додека сите ние останатите се обидуваме да го намалиме тој јаз“ смета Тухел.
До ова финале Сити постигна 25 гола, Челси стигна до 22.
Вечерашното финале од „Драгао“ ќе го пренесуваат преку 200 земји, а церемонијата пред почетокот ќе трае десетина минути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
На Аргентина ѝ се заканува исфрлање од Светското првенство
Аргентинската судска власт интензивно истражува можни финансиски неправилности во Аргентинската фудбалска асоцијација (АФА), со фокус на претседателот Клаудио Тапија и неговиот близок соработник, благајникот Пабло Товигињо.
Во текот на декември 2025 година, беа извршени бројни претреси во седиштето на АФА, канцелариите на Лигата и над 17 клубови.
Паралелно, судијата Даниел Рафекас, нареди претрес на луксузна вила во Пилар (над 10 хектари), формално во сопственост на компанијата „Реал Централ СРЛ“.
Таму беа конфискувани околу 45 луксузни автомобили (Порше, Ферари), мотоцикли и други вредни предмети.
Истрагата ја вклучува и финансиската компанија „Сур Финанзас“, обвинета за сомнителни кредити на клубови и можно перење пари.
ФИФА внимателно го следи целиот случај и доколку конечно се докаже дека Тапија навистина нелегално стекнал богатство, не е исклучено Аргентина да биде исклучена и од Светското првенство, а Финалисима, натпревар организиран од ФИФА во кој се среќаваат шампионите на Европа и Јужна Америка, да биде откажан.
Спорт
(Видео) Рафиња ја реши Осасуна
Барселона му избега на Реал со седум бода, барем до крајот на ова коло, по победата против Осасуна – 2:0.
Барселона доминираше против Осасуна, особено во првото полувреме од натпреварот на реновираниот стадион „Камп Ноу“. Но, на полувреме Каталонците немаа предност.
Во второто полувреме, домашните исто така беа подобар ривал, и конечно ја крунисаа иницијативата со водство по одлична акција и прецизен шут на капитенот Рафиња, кој во 70-та минута погоди од 17 метри.
Конечните 2-0 беа поставени во 86-та минута , кога Рафиња повторно постигна гол, кој конечно го скрши отпорот на борбената Осасуна на овој натпревар.
Foto/ depositphotos
Спорт
(Видео) Салах асистент во триумфот над Брајтон, Челзи славеше против Евертон
Ливерпул и Челзи забележаа идентични победи, 2:0, во дуелите со Брајтон и Евертон, во 16-ѕо коло во Премиер литага.
Екипата на Арне Слот ја забележа втората победа по ред во сите натпреварувања, откако го победи Итнер во Лигата на шампионите, по серијтаа лоши резултати.
Мохамед Салах играше на овој натпревар и запиша една асистенција, а влезе во игра од клупата во 26-та минута кога мораше да го замени повредениот Џо Гомез. Напаѓачот беше пречекан со силен аплауз од трибините на „Енфилд“.
Ливерпул поведе во првата минута, кога Уго Екитике постигна гол за 1:0. Тоа беше резултатот на првото полувреме.
Истиот играч во 60-та минута беше стрелец за 2:0, а асистент беше Салах.
За споредба, Салах неодамна не играше во Лидс, како и на претходниот натпревар против Вест Хем, додека на натпреварот против Сандерленд одигра само 45 минути.
Сето ова доведе до отворено незадоволство и најава за можно заминување од „Енфилд“, што следеше веднаш по судирот на „Еланд Роуд“. Во својата изјава по тој натпревар, Салах отворено го критикуваше клубот и тренерот, на што тие не молчеа.
Клубот застана на страната на Арне Слот, а Салах беше отстранет од тимот што отпатува во Милано за натпреварот од Лигата на шампионите против Интер во кој славеа без крилен играч.
Во истиот термин, Челзи го победи Евертон со 2:0, со головите на Кол Палмер во 21-та минута и Мало Густ во првата минута од судиското продолжение во првото полувреме.
Foto/ depositphotos

