Спорт
Англија или Франција, еден фаворит вечерва ќе испадне од СП
Англија и Франција, вечерва ќе го дадат последниот полуфиналист на Светското првенство во Катар. Звучи неверојатно податокот дека Англија и Франција досега никогаш не се сретнале во нокаут фазата на Мундијалите.
И пред почетокот на Светското првенство, овие две репрезентации беа ставани во кругот на фаворитите. Вечерва сонот за трофејот ќе заврши за една репрезентација.
Франција и Англија ги освоија своите групи. Светски шампиони славеа над Австралија (4:1) и Данска (2:1), а поразот од Тунис (0:1) не влијаеше на нивниот пласман во групата. Во осминафиналето без многу труд Французите ја елиминираа Полска со 3:1.
Англија, очекувано ја освои според многумина најлесната група на Мундијалот. Го декласираа со 6:2 Иран на стартот, одиграа без голови со САД и го совладаа Велс со 3:0. Во осминафиналето без проблеми славеа со 3:0 над Сенегал.
Импресионира податокот дека 12 гола на Англија, досега на првенството ги постигнаа осум фудбалери. Кај Франција, се се врти околу Килијан Мбапе, тој постигна пет од деветте гола за својата селекција.
Историски гледано, Англија има подобар скор, 17-5-9. Најголем дел од овие 17 победи Англија забележала во периодот пред Втората светска војна.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сензација – Реал елиминиран во 1/4 финалето од АЦБ лигата
Тенерифе ја приреди најголемата сензација во европската кошарка оваа сезона. Тимот од Канарските Острови го елиминираше Реал Мадрид, а конечниот резултат од третиот натпревар од четвртфиналната серија од плејофот на АЦБ лигата во „Висинк Центарот“ беше 95:107 (24:23, 21:26, 28:21, 22:37).
Иронично е што тимот на италијанскиот тренер Серхио Скариоло стигна многу подалеку во Евролигата, односно до финалето, а последен пат „кралскиот клуб“ беше елиминиран во четвртфиналето од плејофот на шпанското првенство во 2008 година, кога Реал загуби од Уникаха.
Тенерифе победи поради значително подобриот шут за три поени – 13/28 наспроти 5/31 на Реал.
Секако, искуството беше одлучувачки фактор – кошаркарска легенда во репрезентативните натпреварувања, 37-годишниот Австралиец Пати Милс постигна 29 поени, додека 43-годишниот Бразилец Марселињо Уертас имаше 23 поени.
Кевин Јебо, репрезентативецот на Брегот на Слоновата Коска, значително му помогна на тандемот ветерани со 22 поени и седум скока.
Тенерифе немаше играч под 29 години во маестралната игра против Реал. Ако нешто можеше да се издвои како светла точка за Реал во овој дебакл, тоа би била играта на Марио Хезоња. Хрватскиот репрезентативец шутираше 8/9 за двојки, 1/5 за тројки и 3/4 од линијата за слободни фрлања, постигна за 22 поени.
Речиси е сигурно дека ова е последниот натпревар што го одигра 38-годишниот Серхио Љуљ. Тој помина шест минути и 14 секунди на теренот, промаши еден шут за два и еден фаул.
Последната сезона во која Реал не освои ниту еден трофеј и во фудбал и во кошарка беше пред 16 години.
Спорт
Алварез го одбил Арсенал, ќе остане во Мадрид
Плановите на Арсенал да доведе голема ѕвезда во летниот преоден рок, барем засега нема да се остварат. Хулијан Алварез, напаѓач означен како приоритет од страна на менаџерот, Микел Артета, одбил да се пресели во Лондон.
Според, новинарот на „СЕР Депортивос“, Педро Фулана, Арсенал е единствениот клуб подготвен да даде конкретна понуда до Атлетико за 26-годишниот напаѓач. Сепак, договорот не е можен бидејќи Алварез немал намера да се враќа во Премиер лигата.
Со оглед на тоа што интересот на Барселона престана поради финансиски проблеми, се чини дека освојувачот на Светското првенство е задоволен што останува во Шпанија под водство на Диего Симеоне и нема намера да бара трансфер.
Фулана објасни во програмата на „СЕР Депортивос“, дека целата операција со неколку заинтересирани клубови „целосно запрела“. Тој нагласи дека иако Арсенал е единствениот тим што нуди реална опција, одбивањето на играчот дури и да размисли за трансфер во голема мера го прави невозможен неговиот трансфер.
Во Атлетико, од друга страна, се целосно мирни и покрај шпекулациите во медиумите и активно градат тим за следната сезона околу Алварез, кој постигна 20 гола минатата сезона.
Шпанскиот клуб даде приоритет на засилувањата во одбраната и средниот ред. Нивните цели се дефанзивецот на Челзи, Марк Кукуреља, а ја следат и ситуацијата околу Бернардо Силва. Амбициозните планови на клубот зависат од задржување на клучни играчи како Алварез, чија иднина е обезбедена со договор што важи до јуни 2030 година.
Foto/ EPA
Спорт
(Видео) (Не)пријателски натпревар меѓу Португалија и Чиле
Португалија го победи Чиле со 2:1, во пријателски меч одигра во Лисабон.
Натпреварот го обележа она што се случи во финишот на првото полувреме, кога судијата подели два црвени картони.
Физички се пресметаа чилеанскиот дефанзивец Иван Роман и португалската ѕвезда Рафаел Леао. Рамон заврши на земја откако Леао го турна во лицето со рака, по што другите играчи ја смирија ситуацијата.
Судијата им покажа на Рамон и на Лео директни црвени картони по кратка мешаница. Одлуката предизвика протести од двете страни, а публиката го испрати судијата со свирежи. Екипите влегоа во второто полувреме со десет играчи.
Cenas Lamentáveis no amistoso de Portugal kkkkkk
Rafael Leão e Iván Roman foram expulsos por agressão!
— Central do Arabão (@centraldoarabao) June 6, 2026
Ова е претпоследниот пријателски натпревар на Португалија пред Светското првенство, каде што е во група со Колумбија, Узбекистан и ДР Конго. Чиле не се квалификуваше за Мундијалот.
Foto/ EPA
