Кошаркарската репрезентација на САД делува импресивно кога ќе се види играчкиот кадар. Момците кои ќе го бранат олимпиското злато во Токио се „тешки“ 2.6 милијарди долари.

Порталот „Clutchpoints“ до овој податок дојде на основа на актуелните договори на НБА ѕвездите.

Во составот на Грег Попови се најдоа имињата на : Кевин Дурант, Демијан Лилард, Дејвин Букер, Џејсон Тејтум, Бредли Бил, Крис Мидлтон, Зек Левин, Бам Адебајо, Дрејмонд Грин, Џру Холидеј, Кевин Лав и Џерами Грант.

Конкуренцијата беше пеколна, список од 57 да се сведе на 12 имиња не е едноставно, па иако во составот ги нема Леброн Џејмс, Ентони Дејвис и Стеф Кари, сепак Американците се први фаворити за златото.

Планирано во составот на Попович беше да настапи и Џејмс Харден, но поради повреда отпадна. Ѕвездата на Феникс Санс, Крис Пол пак не е меѓу 12-те патници за Токио затоа што се уште игра плеј оф со „сонцата“

View this post on Instagram

A post shared by ClutchPoints (@clutchpoints)

Легендарниот германски фудбалер, Лотар Матеус во разговор за „The Guardian” ги „пецна“ Англичаните потсетувајќи ги како завршија нивните две средби на големите натпреварувања. Во Италија 1990, на СП во полуфиналето „Панцерите“ славеа од белата точка, а 6 години подоцна, токму во Англија на ЕП исто на пенали славеа Германците, а тогаш трагичар беше актуелниот селектор на Гордиот албион“ – Герет Саутгејт.

„Ние сме секогаш добри кога доаѓа до пенали. Англија има шанса да го добие мечот по 90 или 120 минути, но ако се одлучува од белата точка, Германија ќе биде фаворит“ оценува Матеус.

Сепак, сегашниот состав и игрите кои Германија ги прикажа во групната фаза не се по мерак на Матеус.

„Немам чувство дека Лев прави добра работа во моментов, како што имав впечаток во 2014 година кога го освоивме СП. Тој постојано прави некои промени, менува играчи, го менува системот на игра. Џошуа Кимих на трите натпревари играше на 4 позиции, веќе никој не се чувствува сигурно во тимот, нема самодоверба кога нешто постојано се менува“ смета Матеус.

Од друга страна, тој има многу високо мислење за репрезентацијата на Англија.

„Мислам дека нема причина за песимизам на Островот. Англија има убава иднина. Пред 3 години играше полуфинале на СП, има фантастични играчи кои играат во најдобрите клубови во земјата. Ја почитувам оваа селекција, ако игра на максимум, може да ја победи Германија“ вели Матеус.

Шампионот во Премиерлигата, Манчестер Сити е подготвен да плати околу 100 милиони фунти за играчот од среден ред на Астон Вила, репрезентативецот Џек Грилиш. Тоа би бил британски рекорд ако се знае дека Јунајтед во 2016 година за доведувањето на Пол Погба плати нешто помалку од 90 милиони евра.

Грилиш во моментов со „Гордиот албион“ го очекува осминафиналниот дуел против Германија.

25-годишниот фудбалер за Вила има одиграно 213 натпревари, а притоа постигнал 32 гола.

За Англија настапил на 9 меча.

„ЕСПН“ пишува дека Сити и покрај интересот за Грилиш, не се откажува од доведување на Хари Кејн. Неговиот трансфер би чинел околу 150 милиони фунти.

Од играчите кои се споменуваат дека се на излезна врата од „Итихад“ се Бернардо Силва и Рахим Стерлинг.