Спорт
Анри би вовел четири нови правила во фудбалот
Поранешниот напаѓач на Арсенал, Барселона и француската репрезентација Тиери Анри, по завршувањето на кариерата започна да работи како аналитичар за телевизијата Си-би-ес. Во нивното фудбалско шоу тој предложи четири правила кои според него ќе ја подобрат играта во целина. Фокусот е на зголемување на бројот на голови на натпреварите и на судиските грешки.
„Кога некој тим има поволен резултат и одбива да игра, ја исфрла топката надвор од игра, судијата треба да им даде слободен удар на противниците на 25 метри. Противничкиот тим може да избере од која позиција ќе шутира, се додека е во зоната од 25 метри. Мислам дека тоа би ги натерало екипите кои сакаат да украдат време да играат фудбал до крај“, предлага Анри.
Анри би вовел правило според кое на тимовите би им се доделувал уште еден поен доколку постигнат три или повеќе гола во натпреварите, без разлика на резултатот. На пример, Лестер и Фулам играат, а Лестер победува со 5:3. Лестер освојува четири бода, а Фулам еден затоа што постигна три гола.
Интересно е правилото кое би им овозможило на судиите јавно да се правдаат за некои свои грешки и да коментираат за некои одлуки.
„Ми пречи што судиите никогаш не објаснуваат зошто досудиле нешто, туку веднаш бегаат во соблекувалната. Понекогаш носат фантастични одлуки, понекогаш лоши. Би сакал да кажат нешто по натпреварот”, објасни Анри.
Легендарниот фудбалер предлага и привремени замени.
Ова правило би важело само доколку тимот е кратко време без играч поради медицински третман или некоја друга слична причина. Тогаш некој може привремено да дојде од клупата за да се избегне еден тим да игра со играч помалку.
Оваа идеја дури беше предложена и до раководството на Премиер лигата, но беше одбиена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.