Спорт
Аргентина и Шпанија за една година ќе го одиграат натпреварот наречен финалисима
Фудбалските репрезентации на Шпанија и Аргентина, победници на Европското првенство и на Копа Америка, ќе се сретнат за една година во натпревар познат како „Финалисима“, кој е подобар, европскиот или јужноамериканскиот шампион.
Во неделата вечерта Шпанија во финалето ја победи Англија со 2:1, додека Аргентина беше подобра од Колумбија со 1:0.
„Натпреварот ќе се одржи во Јужна Америка, датумот се уште не е одреден“, објави шпанскиот весник „Марка“, посочувајќи дека натпреварот ќе се одигра „во средината на 2025 година, кон крајот на јуни или почетокот на јули“.
Со овој натпревар европската фудбалска асоцијација УЕФА и јужноамериканскиот КОНМЕБОЛ ќе ја продолжат соработката. Се уште го немаат најавено натпреварот меѓу Шпанија и Аргентина.
Последен пат ваков натпревар беше одигран во јуни 2022 година помеѓу тогашниот европски првак Италија и Аргентина. На натпреварот одигран во Лондон, Аргентина победи со 3:0.
Затоа претстојниот натпревар треба да се игра некаде во Јужна Америка. Тоа треба да биде четврти ваков дуел. Во 1985 година, Франција го победи Уругвај со 2:0 во Париз, а во 1993 година, Аргентина ја победи Данска на пенали, откако натпреварот во Мар дел Плата заврши 1:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баерн го декласира Динамо – „Модрите“ го забележаа најтешкиот пораз во историјата
Баварците на своите навивачи им приредија вистински спектакл, а Динамо понижувачки пораз, најтежок во клупската историја, а Баерн стана првиот тим во историјата на Лигата на шампионите кој успеа да постигне девет гола на еден натпревар.
На „Алијанц арена“ навивачите видоа 11 гола, три гола беа поништени, три пенали за Баерн, блиц-криг на Динамо кога во 60 секунди дојде до 3:2 и четири гола на Хари Кејн.
Англичанецот со вечерашниот учинок ја исткна кандидатурата за прв стрелец во Лигата на шампионите. Кејн постигна три гола од пенал и еден од игра.
Покрај Кејн два гола, во своето деби во Лигата на шампионите постигна Мајкл Олисе, а по еден гол дадоа Грималдо, Лирој Сане и Леон Горецка.
Стрелци за Динамо беа Петковиќ во 49. и Огивара во 50.минута.
Во тимот на Динамо Стефан Ристовски го одигра целиот натпревар, а Аријан Адеми на теренот влезе во 78.минута.
Спорт
(Видео) Милан немоќен пред Ливерпул, Реал го победи Штутгарт
Ливерпул, во дербито на денот го победи Милан на „Сан Сиро“ со 3:1. Актуелниот првак Реал славеше над Штутгарт со 2.1. Победа на стартот од новата сезона во Лигата на шампионите запиша и Спортинг. „Лавовите“ во Лисабон со 2:0 го победија Лил.
Дербиот во Милано идеално започна за Милан. Во третата минута Пулишиќ го совлада Алисон и му донесе предност на Милан. Во тој момент малкумина веруваа дека тоа ќе биде се од домашниот тим на овој натпревар.
Некаде од 15.минута играчите на Ливерпул ја презедо контролата врз играта и до крајот на првиот дел целосно издоминираа. „Црвените“ постигнаа два речиси идентични гола во 23. и 41.минута. Стрелци беа дефанзивците Конате и Ван Дајк. Неразбирливо е како беа оставени само во петте метри по корнерите кои ги изведоа Александер-Арнолд и Цимикас.
Предноста на Ливерпул можеше да биде и поголема, но Салах немаш среќа. Два пати ја погоди гредата. Точка на натпреварот стави Слобослаи во 67.минута.
Реал се мачи од почетокот на сезоната, но некако победува. Штутгарт му пружи силен отпор на европскиот првак, но не успеа да направи изнендување.
Мбапе го постигна првиот гол во 46.минута, Штутгарт израмни со голот на Ундав во 68.минута. Предноста на реал му ја врати Ридигер во 83., а ја потврди Ендрик во 95.минута.
Спорт
(Видео) Спектакуларен гол на Јилдиз – Рутински победи за Јувентус и Астон Вила
Јувентус и Астон Вила со победи ја отворија новата сезона во Лигата на шампионите. Двата тима рутински славеа во дуелите со ПСВ Ајндховен, односно Јанг Бојс.
Првиот гол во новата сезона во Лигата на шампионите го постигна Јилдиз. 19-годишникот од Јувентус во 21.минута против ПСВ постигна спектакуларен гол. Од левата страна со десна гаѓаше и го погоди спротивниот агол. Шест минути подоцна Мекени искористи мала конфузија во одбраната на холандскиот тим и го постигна вториот гол.
Дилемите околу победникот ги реши Нико Гонзалес во 52.минута. Почесниот гол за ПСВ е дело на Саибали во 94.минута.
Во Берн, Астон Вила ја оправда улогата фаворит против Јанг Бојс. Англискиот тим доминираше, ги казни сите грешки на противникот и победи со 3:0.
Стрелци беа Тилеманс и Ремзи во првото полувреме и Онана во финишот на натпреварот.