Спорт
Арсенал го договорил трансферот на Калафиори
Фудбалерот на Болоња, Рикардо Калафиори многу брзо би можел да биде претставен како ново засилување на Арсенал. Британските медиуми „Атлетик“ и „Скај Спортс“ тврдат дека преговорите се во завршна фаза и дека е постигнат договор.
Вицешампионот на Англија понуди отштета од 40 милиони евра, а уште пет во бонуси. Менаџерот на Арсенал, Микел Артета сака да го засили тимот со играчот кој може да игра како стопер и лев бек, бидејќи на таа страна во одбраната дека имал најмногу проблеми.
На почетокот на минатата сезона тешка повреда заработи сестраниот Јуриен Тимбер, на кого Шпанецот му ја додели улогата на стартер, па на крајот на левата аут наизменично се менуваа Јапонецот Такехиро Томијасу, полскиот стопер Јакуб Кивиор и украинскиот репрезентативец Олександр Зинченко.
Калафиори зад себе има одлична сезона во Болоња, која под водство на сега веќе поранешниот тренер Тиаго Мота обезбеди пласман во Лигата на шампионите.
Овој 22-годишник е левоног и прилично некарактеристичен дефанзивец – силен, брз, но и доволно технички „поткован“ за да им пружи значителна поддршка на офанзивните играчи. Посебно се истакна на последното ЕУРО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сан Марино прв пат победи на официјален натпревар
Сан Марино ја забележа првата победа во својата историја кога се во прашање натпреварувањата на УЕФА.
На стартот на натпреварите во Д дивизијата во Лигата на нации, Сан Марино го победи Лихтенштајн 1:0. Голот го постигна Нико Сенсоли.
Единствениот гол погледнете го ТУКА, а прославата погледнете ја во продолжение.
🇸🇲 SAN MARINO WIN A GAME FOR THE FIRST TIME IN 20+ YEARS & A COMPETITIVE MATCH FOR THE FIRST TIME EVER!!!
History is made as the worst team in the FIFA rankings (210th) finally end the longest winless run in international football history (140 games dating back to April 2004)!!! pic.twitter.com/xbB3M2WQUE
— The Sweeper (@SweeperPod) September 5, 2024
Сан Марино сега има биланс од две победи, девет нерешени и 195 порази на 206 одиграни натпревари и гол разлика 33:834.
Со ова беше прекината најцрната серија во историјата на националниот фудбал, бидејќи најлошата репрезентација на ранг-листата на ФИФА (210. место) стави крај на серијата од 140 натпревари без победа.
Инаку ова е прва победа на официјален меч за Сан Марино, претходно на 28.април 2004 година оваа репрезентација славеше во пријателски меч над Лихтешптајн.
Спорт
(Видео) Србија се одбрани од Шпанија – Нестварно е што промаши Јовиќ
Актуелниот европски првак Шпанија во првиот меч по освојувањето на титулата одигра 0:0 во Белград против Србија. На отворањето на мечевите во А дивизијата Португалија ја победи Хрватска со 2:1, Полска победи во Шкотска со 3:2, а Данска ја совлада Швајцарија со 2:0.
Србија без најголемите ѕвезди, кои од разми причини му откажаа на селекторот Стојковиќ, со неколку дебитанти, успеа да освои бод против европскиот првак.
Изненадувачки Србите одиграа одличен меч особено до 70.минута. Во првиот дел јаимаа најдобрата шанса кога во 33.минута Јовиќ практично промаши празен гол.
— OvoOno (@OvoOnoX) September 5, 2024
Шпанците од 70.минута до крајот извршија силен притисок, створија неколку добри шанси но не успеаја да го совладаат Рајковиќ.
За три дена двете селекции ќе гостуват, Србија во Копенхаген кај Данска, а Шпанија во Женева кај Швајцарија.
Спорт
(Видео) Роналдо го постигна 900.гол во кариерата
Португалскиот фудбалер Кристијано Роналдо на натпреварот против Хрватска го постигна 900. гол во кариерата.
Домашните подобро го започнаа мечот против Хрватите, откако во седмата минута Дало ја затресе мрежата на Ливаковиќ, во 34. минута Роналдо одлично натрча до центаршутот на Мендеш и ја погоди мрежата.
Тоа беше неговиот 900. гол во кариерата, а потоа падна на колена и покажа емоции по историскиот гол.
CRISTIANO RONALDO SCORES HIS 900 OFFICIAL CAREER GOALS pic.twitter.com/ZEXNeqvF0Y
— 𝓐𝓻𝓪𝓿𝓲𝓷𝓭❤️ (@_Aravind_15) September 5, 2024