Aнглија и Шкотска се сретна на „Вембли“ во најстарото фудбалско репрезентативно дерби (првиот меч се одигра во далечната 1872 година), а и покрај тоа што „трите лава“ беа сметани за апсолутно фаворити, на крајот мораат да бидат задоволни што освоија поен против инспирираните Шкотланѓани.

За разлика од првиот меч на Шкотска, поразот од Чешка, овојпат „тартан армијата“ покажа дека со доволна мотивација може да ги испоти и најдобрите репрезентации на светот, нешто што треба да биде „закана“ кон Хрватите, со кои ќе играат одлучувачки меч во последното коло за пласман во осминафиналето.

Англичаните имаа подобар старт на мечот, кога Џон Стоунс ја погоди стативата по еден фантастичен скок, а потоа и Фил Фоден имаше неколку шанси, но Шкотланѓаните се заканија преку Че Адамс и го кренаа нивото на играта при крајот на полувремето.

Во второто полувреме, Шкотска беше поактивна, додека од другата страна Англичаните беа безопасни, посебно преку вечерва слабиот Хери Кејн, кој беше заменет од Маркус Рашфорд.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1687-26542”));

Веста дека вредноста на акциите на „Кока-кола“ паднаа за неколку милијарди долари откако Кристијано Роналдо ги отстрани нивните шишиња од прес-конференцијата, предизвикувајќи низа копирања на ЕУРО 2020, само ја покажаа медиумската моќ на Португалецот. Сега, информацијата дека тој е првиот човек на Инстаграм со над 300 милиони следбеници само го докажува тоа.

Роналдо претходно беше првиот човек кој надмина 200 милиони следбеници, а во 2019 година беше објавено дека тој добива просечно по 975.000 долари за секоја реклама на својата страница, и дотогаш имаше заработено 47.8 милиони долари за ваквите објави.

На второто место е холивудската ѕвезда Двејн „Рок“ Џонсон, а интересно зад нив се имиња како Кајли Џенер, Селена Гомез и Емили Ратајковски.

View this post on Instagram

A post shared by Cristiano Ronaldo (@cristiano)

Хрватската фудбалска репрезентација ја продолжи традицијата да нема пораз од Чешка, одигрувајќи 1:1 на „Хампден парк“ во Глазгов за да остане во игра за пласман во осминафиналето на ЕУРО 2020 и покрај лошиот впечаток на првите два меча за светските вице-шампиони.

Чесите имаа далеку подобар старт на првото полувреме, контролирајќи ја играта, меѓутоа не успеаја да стигнат до голот на Ливаковиќ до 37. минута од мечот, кога се случи еден од најконтроверзните моменти на шампионатот досега. По воздушниот дуел на Дејан Ловрен и Патрик Шик, судијата одлучи дека се работи за пенал, кој Шик со крвав нос успеа да го реализира за да стане најдобар стрелец на шампионатот со 3 гола во два меча.

Во второто полувреме, Хрватска заигра подобро, и веќе во 47. минута стигна до израмнување по фантастичниот гол на Иван Перишиќ. И покрај оваа иницијатива, тие не успеаја да стигнат до втор гол.

Графика: Sofascore за Топспорт.мк

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1687-26542”));