Македонскиот првак Шкупи загуби од косовскиот тим Балкани со 1:2 на арената „Тодор Проески“ во првиот дуел од плејофот за пласман во групите од Конференциската лига на УЕФА. Тимот на Гоце Седлоски направи чекор назад на патот кон најголемиот клупски успех. Сепак, ќе има уште една шанса за поправен испит, на реваншот во Приштина следниот четврток.

Шкупи беше подобар ривал, создаде повеќе шанси, но Балкани знаеше како да ги искористи слабостите на ривалот. Тоа е лекција која Шкупи ќе мора веднаш да ја совлада и да ја примени на реваншот, доколку сака да остане во Европа уште долго оваа сезона.

Фото: Игор Паневски

Словенечкиот Целје е првиот финалист на традиционалниот ракометен турнир „Струга 2022“, откако вечерва го победи Вардар со 36:28. Со овој триумф, Словенците го освоија првото место во групата Б.

По првиот дел резултатот беше 17:17, но Целје беше далеку подобар во второто полувреме. Клучна беше серијата од 10:4, со која Целје создаде предност, а потоа знаеше да ја задржи.

Филип Талески беше најефикасен со девет гола кај Вардар, кој ќе се бори за третата позиција во конечниот пласман.

На Еурофарм Пелистер му треба да остане непоразен од АЕК во утрешниот меч (21.15 ч.) за да го потврди првото место во групшата и да игра во финалето против Целје.

Македонскиот првак Шкупи загуби од косовскиот тим Балкани со 1:2 на арената „Тодор Проески“ во првиот натпревар од плејофот за пласман во групите од Конференциската лига на УЕФА. Сега тимот на Гоце Седлоски ќе има уште потешка задача на реваншот по седум дена на Косово.

Шкупи имаше повеќе шанси, но реализацијата не беше на потребното ниво, а одбраната потфрли.

Сандеј Адетунџи го доведе Шкупи во водство во 19.минута. Алварез нафрли од левата страна, а Адетунџи со удар со глава го смени правецот на топката и ја погоди мрежата.

Но, Балкани брзо се врати резултатски. Четири минути подоцна, Албион Рахмани реализираше по нафрлената топка од десната страна.

Во вториот дел, Меритон Кореница во 67.минута постигна гол за комплетен пресврт и за триумф на Балкани во Скопје.

Вест Хем го победи Виборг со 3:1, Партизан беше подобар од Хамрун и победи со 4:1, а Вилјареал го совлада Хајдук Сплит со 4:2. Фехервар го изненади Келн на гости и победи со 1:2.

Фото: Игор Паневски